Dibadika 33:1 - MUKANDA WA MYIDI MUKULU

¹ Bena Izrayele bamane kupatuka mu Ejipitu, kulondabu Moshe ne Arone, benda bikisha miaba mishilangane.

Mukanda wa Nzambi Dihungila Dikulukulu ne Dihungila Dihia-dihia 2003

¹ Ei ngendu ya Bena Isalele hakaluhukabo mu buloba bua Ejipitu ku tshianza tshia Mose ne Alona bu muakadi bisumbu biabo.

Dibadika 33:1 交叉引用

Mika 6:4

Nudi nuntompuela, bualu mvua munupatule mu Ejipitu, munupikule mu bupika, munutumine Moshe, Arone ne Miriyame bua kunulombola anyi?

Misambu 77:20

Mvidi Mukulu uvua mupande njila mu mayi manene, uvua wendela muinshi mua mayi manene muntu kavua mua kumona dikasa diebe.

1 Samuele 12:8

Yakobe ne bena diende bonsu bamane kuya mu Ejipitu, bankambua benu kukenga bikole. Kubikilabu Maweja bua abambuluishe. Maweja-Nangila kutuma Moshe ne Arone bua kupatula bena Izrayele mu Ejipitu, ne bua kubafila mu ditunga ditudi edi.

Yoshua 24:5

Bidimu bia bungi bimane kupita, meme kutuma Moshe ne Arone. Meme kukengesha bena Ejipitu ne bipupu bia mishindu yonsu, bangabanga ne meme kupatula tshisamba tshienu tshia bena Izrayele tshivua mu ditunga adi.

Ekesode 13:18

Nanku, Mvidi Mukulu kunyungulula bena Izrayele. Kulondabu njila wa mu tshipela bua kuya luseke ludi Mayi manene makunze. Bena Izrayele kupatuka mu Ejipitu, balondangane mu bisamba biabu.

Ekesode 12:51

Anu dituku adi. Maweja-Nangila kupatula bena Izrayele mu Ejipitu, balondangane mu bisamba biabu.

Ekesode 12:37

Pashishe bena Izrayele kumuka mu Ramsese bua kuya ku Sukote. Bavua bantu balume binunu nkama isambombu, katuyi babale bakaji, bana ne bantu bakulakaje.

Dibadika 33:2

Maweja-Nangila uvua muambile Moshe bua kufundaye miaba yonsu ivuabu ne bua kuikisha mu luendu luabu. Miaba ayi idi nunku:

Misambu 105:26

Maweja-Nangila kutuma Moshe, muena mudimu wende, ne Arone uvuaye musungule.

Ekesode 6:26

Arone ne Moshe ke bavua Maweja-Nangila muambile ne: “Nupatule bena Izrayele bonsu balondangane bimpe mu bisamba biabu mu Ejipitu.”

Ekesode 12:41

Bidimu abi nkama inayi ne makumi asatu bikumbana, dituku dia tshivulukilu, bisamba bionsu bia bena Izrayele kupatuka mu Ejipitu balondangane bimpe mu milongu.