Dibadika 27:17 - MUKANDA WA MYIDI MUKULU

¹⁷ udi mua kubalombola miaba yonsu, bua bantu bebe kabikadi bu mikoku idi kayiyi ne muyilami.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ udi mumanye mua kuya ku mpala kuabo, udi mumanye mua kulua kudibo, udi mumanye mua kubalombola, udi mumanye mua kulua nʼabo mu buloba, bantu ba Yehowa kabikadi bu mikoko idi kayiyi ne mulami.

Dibadika 27:17 交叉引用

Yezekiyele 34:5

Nanku mikoku kupanga mulami, kutangalaka. Kuyikuatabu, kuyidiabu kudi nyama ya muitu.

Marke 6:34

Padi Yezu upatuka mu buatu, kumonaye bantu bavule. Kubumvuilaye luse, bualu bavua bu mikoku idi kayiyi ne mulami. Kubangaye kubalongesha malu a bungi mutantshi mule.

1 Bakalenga 22:17

Ke muambi Mika kumuambila ne: — Ndi mumone bena Izrayele. Bonsu mbamuangalake mu mikuna. Bu mudi tshisumbu tshia mikoku katshiyi ne mulami. Kabidi Maweja-Nangila udi wamba ne: “Bena Izrayele kabatshiena ne mfumu to. Muntu yonsu apingane ku nzubu kuende talala.”

Matayi 9:36

Ke Yezu kumvua luse bua bungi bua bantu bavuaye mumone, bualu bavua bapungile, bakengakana, bu mikoku idi kayiyi ne mulami.

Zekâya 10:2

Mvidie inudi nukonka malu, idi inuambila malu a dishima. Batempi ba mbuku badi banudinga, bilota bidibu bawilangana bidi bia patupu. Badi basamba bantu ne miaku ya patupu. Ke pavua bantu balalakana, bu mikoku idi ikenga, kayiyi ne mulami.

2 Kulondolola 1:10

Umpeshe meji ne lungenyi, bua nkumbaje bimpe mudimu wanyi wa kulombola bantu aba. Wewe kuyi muenze nanku, kakuena udi mua kulombola bantu bebe bungi nenku.

Dielulula 31:2

— Mpindiewu mbakumbaji bidimu lukama ne makumi abidi. Tshiena ne bukole bua kunulombola kabidi to. Maweja-Nangila mmumane kungambila ne: tshiakufika dishiya dia Yardene to.

1 Bakalenga 3:7

Eyowa, Maweja-Nangila Mvidi Mukulu wanyi, wewe ke udi mumpe bukalenga bua kupingana tatu wanyi Davide. Kadi, meme ntshidi amu nsongalume. Tshiena mumanye mua kulombola bantu to.

1 Samuele 18:13

Ke Shawule kumusha Davide pabuipi nende. Kumutekaye mfumu wa tshisumbu tshia bena mvita bende. Biangatshile diba adi, Davide uvua anu mu mvita, ulombola bena mvita.

1 Samuele 8:20

bua tuikale bu mudi bena bisamba bikuabu bionsu. Tudi basue mukalenga bua ikale ukosa nsambu yetu, wenda kumpala kua bena mvita betu, utuluila mvita.

1 Petro 2:25

Bualu nuvua bu mikoku mipambuke njila. Kadi mpindiewu mbanupingaje kudi mulami udi mua kunuludika mu njila, kulama mioyi yenu.

Yowanane 10:9

Ndi tshiibi. Muntu udi ubuelela kundi neapande. Neabuele, neapatuke, neapete kabidi tshiakudia tshiende.

Matayi 15:24

Yezu kumuandamuna ne: — Mbantume anu bua kuya kudi mikoku mijimine ya mu bena Izrayele.

Matayi 10:6

Nuye nangananga kudi mikoku mijimine ya mu tshisamba tshia bena Izrayele.

Zekâya 13:7

Maweja-Nangila wa bukole buonsu udi wamba ne: “Muele wa myita, utape mulami wa mikoku, utuvua tukuata nende mudimu; ushipe mulami wa mikoku, mikoku neitangalake, meme mene nenduishe bana bayi.”

2 Kulondolola 18:16

Ke muambi Mika kumuambila ne: — Ndi mumone bena Izrayele bonsu, bamuangalake pa mikuna, bu mudi mikoku kayiyi ne mulami. Maweja-Nangila udi wamba ne: “Bena Izrayele kabatshiena ne bamfumu to. Muntu yonsu apingane kuende talalaa.”

2 Samuele 5:2

Kale patshivua Shawule mukalenga wetu, ukavua ulombola bena Izrayele mu mvita yabu. Maweja-Nangila uvua mumane kukuambila ne: “Wewe Davide newikale, mukalenga wa bantu banyi bena Izrayele, newikale mfumuabu.”

2 Bakalenga 11:8

Bena mvita bonsu ne bia mvita ku bianza, banyunguluke Yowashe mukalenga muana, bua kuya nende muaba onsu udiye uya. Muntu yonsu udi usemena pabuipi nenu, numushipe.