Dibadika 24:24 - MUKANDA WA MYIDI MUKULU

²⁴ Majuwa adi afumina ku Kitime. Badi babuela mu ditunga nebakengeshe bena Ashure, kabidi ne ndelanganyi ya Ebere. Kadi nansha bobu badi babuela nebabutuke.”

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Kadi matu manene nealue kukala kua buloba bua Bena Kiti, nebakengeshe Bena Ashû, nebakengeshe Bena Ebê kabidi, yeye neikale muhaudibue kabidi.

Dibadika 24:24 交叉引用

Genese 10:4

Yavane kulela bana ba balume aba: Elisha, Tarshishe, Kitime ne Rodanime.

Danyele 11:30

Bantu ba ku luseke ludi diba dibuelela nebafike ne majuwa a mayi. Nebamuluishe mvita. Neatekete mu maboku. Neapingane tshianyima. Nealuishe tshiakabidi tshisamba tshidi tshitue ndondu wa tshijila, bualu neumvuangane ne bantu badi babenga ndondu awu.

Dibadika 24:20

Balaame umona bena Amaleke, kubambilaye ne: “Nuenu bena Amaleke, nuvua tshisamba tshipite bikuabu. Kadi nenubutuke bonsu amu mpindiewu.”

Yowanane 11:48

Tuetu bamulekele wenza nunku, bantu bonsu nebamuitabe. Pashishe bamfumu ba bena Rome nebafike bua kunyanga nzubu wetu wa Mvidi Mukulu ne tshisamba tshietu!

Matayi 24:15

— Nenumone tshidibu binyike ne: “Tshinyangu tshipite bubi”, tshivua muambi Danyele mutele. Nebatshiteke muaba wa tshijila. (Udi ubala bualu ebu, abujingulule bimpe!)

Danyele 11:45

Nease mitanda yende ya bukalenga pankatshi pa mayi manene ne mukuna wa tshijila wa mu ditunga dipite buimpe. Koku aku nkuafuilaye, kakuyi muntu udi mua kumuambuluisha.”

Danyele 10:20

Yeye kuamba ne: ‘Udi mumanye ne: ndi mufike kuudi bua tshinyi? Ndi mufike bua kukumanyisha malu adibu bafunde mu mukanda wa bulelela. Kadi ntshidi ne bua kuluisha mutumibue mulami wa ditunga dia Persa. Pa diba menemene dindi nya kumuluisha, mutumibue mulami wa ditunga dia bena Ngreke kufika. Kakuena muntu nansha umue udi ungambuluisha bua kuluisha baluishi aba, anu Mikayele mutumibue wa Mvidi Mukulu udi ulama Izrayele.

Danyele 8:21

Mbuji wa mpumbu ke bukalenga bua bena Ngreke. Lusengu lunene luvua pankatshi pa mesu ende, ke mukalenga wa kumpala.

Danyele 2:45

Uvua mumone dibue dilamuka ku mukuna, kadiyi dinyungisha kudi muntu, bua divue kusunsula tshiamu tshifiike, tshikunze, buloba bosha, tshiamu tshitoke tshia mushinga mukole, ne tshiamu tshia mpawungi bivua ku lupingu. Mvidi Mukulu udi nkumanyisha wewe, Mukalenga, malu adi ne bua kuenzeka matuku adi kumpala. Tshilota tshiebe mbualu budi Mvidi Mukulu mukuleje bulelela. Dijingulula dindi mukuambile didi pa diodi.”

Danyele 2:35

Nenku diakamue tshiamu tshifiike, dima, tshiamu tshikunze, tshiamu tshitoke tshia mushinga mukole, ne tshiamu tshia mpawungi, kusunsukabi, kuenza lupuishi ludi lupepele lupepula, mudi bisote bipepuka mu tshikondu tshidibu bapepula ntete. Lupepele kupepula bionsu, kaluyi lushiya kantu ka lupingu nansha kamue. Kadi dibue divua didikume ku lupingu adi kuenzadi mukuna munene, uvua muwuje buloba bujima.

Yeshaya 23:1

Badi bamanyisha malu adi atangila tshimenga tshia “Tire”. “Nuenu badi benda ne matu mu mayi manene, asayi muadi, bualu bavua babutula tshisabu tshienu, ne nzubu inuvua mua kunyemena, kuikishila.” Amu matu afika, afuma ku tshidiila tshia Kitime, ke bobu kushisha kumanya bualu ebu.

Genese 14:13

Muntu uvua munyeme mu mvita ayi, kuya kumanyisha Abrame, muena Ebrewu lumu alu. Abrame uvua muase pabuipi ne mitshi ya tshijila ya Mambre, muena Amore. Mambre ne bana babu Eshekole ne Anere bavua batue ndondu ne Abrame.

Luke 20:24

— Ndejayi lukanu lunudi nufuta nalu tshitadi. Mpala ne dina bidibu bazolapu ebi mbia nganyi? Kuandamunabu ne: — Mbia mukalenga wa bakalenga.

Dibadika 24:23

Balaame kuamba kabidi ne: “Akia! Udi mua kushala ne muoyi, padi Maweja-Nangila umuluisha nnganyi?

Yezekiyele 27:6

Bavua benza mibambu ne mabaya a lusanga lua mu Bashane. Bavua bibake majuwa, benza ne bisasa, ne mitshi ya Sedre ya mu bidila bia bena Ngreke, balamikaku mibanga.

Yeshaya 10:5

Maweja-Nangila udi wamba ne: Bena Ashure mbena diakabi. Mvua mubangate bua kunyoka nabu bantu banyi. Bobu ke badi bambula mutshi, undi ntalaja nawu tshiji tshianyi.

Yeshaya 10:12

Pikala Maweja-Nangila mumane kujikija mudimu wende pa mukuna wa Siyone ne mu Yerushalayime, neanyoke kabidi mukalenga wa bena Ashure, bualu udi uditambisha, upepeja bantu bakuabu.