Dibadika 23:19 - MUKANDA WA MYIDI MUKULU

¹⁹ Mvidi Mukulu kena muntu, kena ushima! Kena muana wa Adame, kena ushintulula meji ende. Udi wenza amu mudiye wamba. Udi ukumbaja bionsu bidiye ulaya.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Nzambi kena bu muntu udi wamba mei a mashimi, kena bu muana wa muntu, bua kukudimuneye mutshima. Biambeye dî, kena udishikisha, anyi? Anyi biambeye bualu, kena ubuenza, anyi?

Dibadika 23:19 交叉引用

1 Samuele 15:29

Maweja-Nangila udi butumbi bua bena Izrayele. Nanku, kena mua kushima, kena mudi muntu udi lelu wamba bualu mushindu, maloba wamba mukuabu.

Yakobe 1:17

Mapa malenga onsu ne bintu bimpe bionsu bidi bituluka mu diulu, mbifuma kudi Mvidi Mukulu, Mufuki wa miendu ya mulu. Mvidi Mukulu kena ushintuluka; munda muende kamuena miidima; butoke buende kabuena bukepa.

Malaki 3:6

“Meme Maweja-Nangila tshiena nkudimuka. Kadi nuenu kabidi nudi basue kushala kashidi ndelanganyi menemene ya Yakobe.

Ebrewu 6:18

Kudi malu abidi adibu kabayi mua kushintulula, malu abidi adi Mvidi Mukulu kayi mua kuvila. Nanku malu abidi aa adi atukolesha bikole ku muoyi, bua tumone mua kutekemena ne muoyi mujima bivuabu batulaye.

Tite 1:2

Ke mudibu mua kutekemena muoyi wa kashidi, udi Mvidi Mukulu, udi kayi ushima, mudianze kutulaya kumpala kua bidimu bionsu.

Rome 11:29

Bualu Mvidi Mukulu kena unyenga tshintu tshidiye mumane kufila. Kena ukudimuna meji avuaye nawu pambidi pa ba-vuaye mubikile.

Luke 21:33

Diulu ne buloba nebijimine. Kadi miaku yanyi kayakujimina to.

Abakuke 2:3

Bindi nkuleja, kabiena bienzeka mpindiewu. Kadi nebikumbane pa tshikondu tshiabi. Nansha kabiyi bienzeka lukasa, indila ne lutulu, mutekemene. Bindi nkumanyisha nebienzeke, kamuyi mpata, kabiyi nansha binenga.

Misambu 89:35

Tshiena ngupula ndondu wanyi nansha, tshiena nkudimuna meyi amvua mupatule mukana muanyi.

Osheya 11:9

Tshiena nnunyoka, bilondeshile tshiji tshianyi to. Tshiena mbutula bena Efrayime musangu muibidi to, bualu meme tshiena muntu, ndi Mvidi Mukulu. Nuenu bena Efrayime, numanye ne: meme Mvidi Mukulu wa tshijila ndi nenu. Tshiena musue kufika kunudi mufike munda.”

Mika 7:20

Neuleje ndelanganyi ya Abrahame ne ya Yakobe, dinanga diebe didi kadiyi dijika, bu muuvua mulaye bankambua betu ku kale.

1 Kulondolola 17:17

Kadi wewe, udi mumone ne: bionsu biudi mutuenzele kabiena bianji kukumbana. Nanku, utshidi ulaya malu adi atangila diku dianyi, ndelanganyi yanyi itshivuavua. Udi untangila bu muntu wa mushinga, pabi kabiyi nanku. Maweja-Nangila Mvidi Mukulu wanyi,

Rome 9:6

Kadi tshiena musue kuamba ne: bivua Mvidi Mukulu mulaye, kena mubikumbaje nansha. Bualu bantu ba ku ndelanganyi ya Izrayele, kabena bonsu bena Izrayele balelela to.

2 Timote 2:13

Bituamubenga, Yeye neatunange, bualu kena mua kudivila muende mudiye.”

Ebrewu 7:21

Kadi pavua Mvidi Mukulu muteke Yezu mu butuangaji, uvua muditshipe, bualu mbafunde ne: “Maweja-Nangila mmuditshipe, nanku kena uvila bivuaye muambe ne: ‘Wewe newikale mutuangaji kashidi.’ ”

Yakobe 4:5

Nuvuluke mudi Mikanda ya tshijila yamba pa bualu ne: “Mvidi Mukulu udi ne mukawu. Udi musue bua mueyelu udiye muteke munda muetu udileje patoke.”

Genese 28:15

Ndi nebe. Nenkulame muaba onsu uudi uya. Nenkupingaje kabidi mu ditunga edi. Nenkumbaje malu onsu andi mukulaye. Tshiena nkulekela to.

Dibadika 14:35

Ke tshimvua meme Maweja-Nangila ne bua kunuambila. Ndi nnujadikila ne: nennukengeshe too ne panuabutukila bonsu mu tshipela emu, bualu nudi bantu babi badi bantombokela.”

Dibadika 23:18

Ke Balaame kuela kasala, wimba ne: “Balake, muana wa Sipore, juka, unteleje bimpe!

Misambu 89:34

Kadi tshiena ndekela kubaleja luse luanyi, tshiena mpanga kulama diyi dianyi dimue.

Misambu 110:4

Maweja-Nangila udi muditshipe, kena mua kuyila: “Wewe udi mutuangaji wa kashidi bu Melkisedeke.”

Yeshaya 21:17

Mu Kedare beedi ba mikete, mbilobu menemene. Kadi, nebashale amu bakese.” Maweja-Nangila Mvidi Mukulu wa bena Izrayele ke udi ujadika nanku.

Yeshaya 31:2

Kadi Yeye mene ke udi mumanye tshia kuenza. Uvua mutumine bantu dikenga, bu muvuaye muambe. Uvua munyoke benji ba bibi bungi buabu, ne bonsu badi babambuluisha.

Yeshaya 40:8

Tshisosa tshidi tshiuma, tshilongu tshifubidila. Kadi muaku wa Mvidi Mukulu wetu, udi ushala ne bukole kashidi.”

Yeshaya 46:11

Ndi mbikila nyunyi mudianganyi, ku luseke ludi diba dipatukila. Ke muntu wakumbaja bionsu bindi mujadike. Ndi mmubikila ku ditunga dia kule. Mundi ngamba amu, ke muenzekabi! Mumvua mujadike, ke muvuabi bikumbana.

Yeshaya 55:11

Ke mudi kabidi muaku wanyi. Kawena upingana kundi patupu, kauyi upatula bipeta, kauyi ukumbaja bimvua muelele meji. Meme kutuma muaku wanyi, wowu kupeta amu tshimvua muipatshile.”

Yirmeya 4:28

Nanku, buloba nebudile muadi. Mulu nemuenze miidima. Ndi ngamba bindi mumane kuela meji bua kuenza. Tshiena nkudimuna meyi andi mumane kuamba to. Tshiena nshintulula bualu ebu to.”

Danyele 4:28

Amu patshivua mukalenga ne miaku eyi mukana, diyi kufuma mu diulu diamba ne: — Mukalenga Nebukadnesare, teleja: Bakunyengi bukalenga!

Genese 26:3

Pawasomba mu ditunga edi, meme nengikale nebe, nkuela lupemba. Ditunga dijima edi nedishale diebe ne dia ndelanganyi yebe. Ke mundi nkumbaja bionsu bimvua mulaye tatuebe Abrahame.

Yoshua 21:45

Nenku malu onsu awa Maweja-Nangila mulaye bena Izrayele, kukumbana. Kakuvua bualu nansha bumue buvua kabuyi buenzeka.

1 Samuele 3:12

Dituku adi, nenkumbaje bionsu bimvua mumane kuamba bua kuenzela Eli ne bena nzubu wende. Nebapete makenga onsu amvua mumane kubambila. Tshiena ndekela to.

1 Bakalenga 14:11

Pikala muntu wa mu nzubu muebe mufuile mu tshimenga, nebadie tshitalu tshiende kudi mbua. Pikalaye mufuile mu tshisuku, nebatshizokole kudi nyunyi ya mikanku.” Ke mudi Maweja-Nangila wamba nanku.

2 Bakalenga 7:2

Kadi muntu uvua wenda ne mukalenga, kubenga, wamba ne: — Nansha Maweja-Nangila mutunzuluile biibi biamu diulu bua kututumina ntete, bualu buudi wamba abu budi mua kuenzeka anyi? Muambi Elisha kuandamuna ne: — Eyowa, wewe neumone bualu ebu. Kadi kuakudi a bintu ebi to.

2 Bakalenga 15:12

Bionsu ebi bivua bienzeka bua kukumbaja diyi dia Maweja-Nangila divuaye muambile Yehu ne: “Bana bebe too ne ku ndelanganyi ya musangu muinayi nebakupingane mu bukalenga.”

Misambu 77:9

Maweja-Nangila udi mutuipate kashidi anyi? Kena kabidi ne tshia kutuambila anyi?

Misambu 132:11

Maweja-Nangila uvua muditshipe kudi Davide ne mutshipu, udiye kayi mua kulekela ne: “Nensungule umue wa ku bana bebe ba balume, bua kukupinganaye mu bukalenga.