Dibadika 22:23 - MUKANDA WA MYIDI MUKULU

²³ Mpunde kumona mutumibue wa Mvidi Mukulu muimane munkatshi mu njila, mukuate muele ku bianza. Mpunde kulekela mu njila, kuyila mu budimi. Balaame kumutuuta bua kumupingaja mu njila.

Mukanda wa Nzambi Dihungila Dikulukulu ne Dihungila Dihia-dihia 2003

²³ Mpunda wakatangila muanjelo wa Yehowa muimane mu nshila, ne muele wa nvita mu tshianza tshiandi, mpunda wakasesuka mu nshila, wakaya mu budimi, Belâma wakakuma mpunda bua kumuhingisha mu nshila.

Dibadika 22:23 交叉引用

Yuda 1:11

Bantu abu mbena diakabi. mBabuele mu njila wa Kayine; mbapambuke mu njila, bu Balaame, bua lukuka lua biuma. mBabutuke, bualu bavua batomboka, bu muvua Kora muenze.

2 Petro 2:16

Kadi kumutandishabu bua matshi ende makole. Bualu nyama wa mpunde mukaji, utu kayi wakula, kubanga kuakula ne diyi dia buntu, kukandika malu a bupote, avua muambi awu musue kuenza.

Bienzedi 22:9

Bantu bafuvua nabu kumona butoke, kadi kabavua bumvua diyi dia uvua ungakuisha to.

Danyele 10:7

Amu meme Daniyele nkayanyi ke uvua mumone muntu awu. Bantu bavua bannyungulukila kabawa bamone tshintu to. Kadi bowa kubakuata, kunyemabu kuya kusokoma.

Yirmeya 8:7

Nyunyi wa kasonga nyunyi udi mumanye tshikondu tshidiye umuangala. Nyunyi wa nkutshi, kandindi, ne nyunyi wa mudinga, idi anu mimanye diba dia kupingana. Kadi, bantu banyi bena Izrayele, kabena bamanye mikenji yanyi meme Maweja-Nangila.

1 Kulondolola 21:16

Davide uvua umona mutumibue, uvua ubutula bantu, muimane pankatshi pa diulu ne buloba, mutume muele wende luseke lua Yerushalayime. Davide ne bakulu ba ditunga bavua bavuale bilamba bia madilu, batue mpala panshi.

2 Bakalenga 6:17

Muambi Elisha kutendelela Maweja-Nangila, wamba ne: — Maweja-Nangila, tabaja mesu a muena mudimu ewu bua kumonaye. Maweja-Nangila kutabaja mesu a muena mudimu wa muambi Elisha. Muena mudimu kumona muambi Elisha, bamuela munkatshi kudi mikuna, pa mikuna apu pikala nyama ya tubalu ya bungi, ne matempu a mvita atema kapia.

Dibadika 22:22

Mvidi Mukulu kufikila Balaame munda bua luendu alu. Mutumibue wende kuya kujika Balaame mu njila. Balaame uvua mubande pa nyama wa mpunde. Bena mudimu babidi bavua nende.

Dibadika 22:24

Mutumibue kuimana kabidi mutantshi mu njila mu madimi a mvinyo pankatshi pa bimana bibidi.

Yoshua 5:13

Dituku dikuabu, Yoshuwa uvua pabuipi ne Yeriko. Diakamue kumonaye muntu muimane kumpala kuende. Muntu awu uvua ne muele mupatula mu tshibubu, mukuata ku tshianza. Yoshuwa kutantshila kudiye, umuebeja ne: — Udi ku luseke luetu anyi, udi ku lua baluishi betu?