Dibadika 21:30 - MUKANDA WA MYIDI MUKULU

³⁰ Kadi tuakuasa bena Amore mikete! Tuakubutula Eshebone! Tuakunyangakaja ditunga dijima too ne ku Dibone, too ne ku Nofa, ne ku Medeba mene.”

Mukanda wa Nzambi Dihungila Dikulukulu ne Dihungila Dihia-dihia 2003

³⁰ Tuakabasa mikete, musoko wa Heshebona udi muhaula tô ne ku Dibona, tuakunyanga buloba tô ne ku Nofa ne ku Medeba.

Dibadika 21:30 交叉引用

Yirmeya 48:18

Bena Dibone, nutuluke mu nkuasa wenu wa lumu, nusombe mu lupuishi. Bualu baluishi bavua babutula Mowabe badi bafika bua kunuluisha nuenu. Badi bashimbula nzubu yenu inuvua bakoleshe ne bimana.

Yeshaya 15:2

Bena mu Dibone badi baya muaba wabu wa tshijila bua kudila. Bena Mowabe kuela miyenga, pa mukuna wa Nebo ne mu tshimenga tshia Medeba. Badi bakungula mu mitu, babeya miedi.

Yirmeya 48:22

tshia Dibone, tshia Nebo, tshia Bete-Diblatayime,

Yoshua 13:17

Muvua kabidi tshimenga tshia Eshebone, ne bimenga bionsu bidi bilonda ebi: Dibone, Bamote-Baale, Bete-Baale-Meyone,

Dibadika 32:34

Ndelanganyi ya Ngade kuasulula bimenga abi: Dibone, Atarote, Aroyere,

Dibadika 32:3

— Bimenga ebi, Atarote, Dibone, Yazere, Nimra, Eshebone, Elale, Sebame, Nebo ne Beyone,

Yeshaya 15:9

Mayi adi apitshila mu Dimone, neakunze ne mashi. Maweja-Nangila udi wamba ne: “Nensakidile makenga, ku adibu nawu mu Dimone. Ndi ntuma nyama wa ntambue, bua akuate mu Mowabe bantu badi bashala ne muoyi, bena ditunga badi kabayi bafue mu mvita.”

Misambu 18:14

Maweja-Nangila kudidisha makubakuba mu diulu. Mvidi Mukulu Muena kulu kuela diyi.

2 Samuele 11:24

Kadi bantu bavua kulu ku bimana, ne mata ne miketa, kutuasa miketa. Nanku balombodi ba bena mvita bebe bakuabu mbalue, ne Uriya, muena Iti, mmufue kabidi.

Genese 49:23

Baluishi badi bamukengesha bikole, bamuela miketa, bamutatshisha.

Dibadika 21:31

Ke muvua bena Izrayele bafike mu ditunga dia bena Amore nanku.

1 Kulondolola 19:7

Ke muvuabu bapete matempu a mvita binunu makumi asatu ne bibidi. Kuangatabu ne bena mvita ba mukalenga wa bena Maaka ku mudimu. Bena mvita aba kuya kuasa mitanda pabuipi ne tshimenga tshia Medeba. Ke bena Amone kabidi kupatuka mu bimenga biabu, kuela mualu wa mvita.

Yoshua 13:9

Mikalu ya maloba awu ivua nunku: kuinshi kua ditunga kuvua tshimenga tshia Aroyere tshivua ku musulu wa Amone, ne tshimenga tshidibu base munkatshi mua tshibandabanda tshia musulu awu. Muvua kabidi mikuna ya ku Medeba too ne ku Dibone,