Dibadika 20:14 - MUKANDA WA MYIDI MUKULU

¹⁴ Patshivua Moshe mu Kadeshe, kutuminaye mukalenga wa bena Edome bantu, bamuambila ne: — Tuetu bana benu bena Izrayele, tudi bakenge bikole. Wewe mene udi mumanye!

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Mose wakatuma miloho ku Kadesha kudi mukelenge wa Edome ne, Muanʼenu Isalele udi wamba ne, Wewe udi mumanye makenga onso akutukuata:

Dibadika 20:14 交叉引用

Dielulula 23:7

Nanku kanuena mua kumvuangana ne bena Amone ne bena Mowabe kashidi tshiendelele. Kanuena mua kubakebela diakalenga too ne kashidi.

Malaki 1:2

Maweja-Nangila udi wambila bantu bende ne: — Ndi mununange. Kadi bobu badi bamukonka ne: — Tshidi tshijadika ne: udi mutunange ntshinyi? Maweja-Nangila udi wandamuna ne: — Esawu kavua muanabu ne Yakobe anyi? Kadi mvua munange Yakobe,

Yoshua 9:9

Kuandamunabu ne: — Tuetu tudi bapika bebe. Tudi bafume mutantshi mule. Bualu tudi bamane kumvua lumu lua Maweja-Nangila Mvidi Mukulu webe. Tudi bamanye malu a dikema avuaye muenze mu ditunga dia Ejipitu.

Ekesode 18:8

Moshe kulondela tatuende muenu muvua Maweja-Nangila mukengeshe bena Ejipitu ne mukalenga wabu mu tshimuangi tshia bena Izrayele. Kumulondelaye kabidi muvua Maweja-Nangila mubapandishe mu makenga onsu avuabu nawu mu njila.

Genese 25:23

Maweja-Nangila kumuandamuna ne: Bisamba bia bantu bibidi bidi munda muebe, neulele bisamba bibidi bishilangane. Kadi tshisamba tshimue netshipite tshikuabu ku bukole. Muanabute neikale mupika wa muakunyende.

Dibadika 13:26

ku Kadeshe, mu tshipela tshia Parane, muaba uvua Moshe, Arone ne bena Izrayele bonsu. Kubalondelabu bionsu bivuabu bamone mu Kenaane. Kubalejabu kabidi bimuma bia mu ditunga adi.

Dibadika 20:15

Bankambua betu kale bavua baye mu Ejipitu. Tuetu kushalamu matuku a bungi. Kadi bena Ejipitu kutukengesha bikole, ne tuetu ne bankambua betu.

Dibadika 20:22

Bena Izrayele bonsu kumuka ku Kadeshe, kuya ku mukuna wa Ore.

Yoshua 2:9

Kubambilaye ne: — Ndi mumanye ne: Maweja-Nangila mmumane kunupa ditunga dietu edi. Nudi nutukuatshisha bowa bukole. Bantu bonsu badi anu banutshina.

Yoshua 2:10

Tuvua bapete lumu ne: diba dinuvua numuka mu ditunga dia Ejipitu, Maweja-Nangila uvuamumishe Mayi manene makunze bua nuenu kusabuka. Kabidi tuvua bumvue ne: nuvua bashipe Sihone ne Oge, bakalenga ba matunga abidi a bena Amore, banyangakaje kabidi bintu biabu. Bakalenga abu, bavuabase luseke ludi diba dipatukila lua Yardene.

Yoshua 9:10

Kabidi tudi bamanye muvuaye mukengeshe bakalenga babidi ba bena Amore bavua dishiya dia musulu wa Yardene. Bakalenga aba ke: Sihone, mukalenga wa Eshebone, ne Oge, mukalenga wa Bashane, uvua musombe mu Ashetarote.

Amosa 1:11

Teleja tshidi Maweja-Nangila wamba ne: “Ndi ndumbuluisha bena Edome, mbapisha bua malu mabi mavule, kadi nangananga, bualu bavua balondakaja, ne muele wa mvita mu bianza, bana babu bena Izrayele. Kabavua ne luse nansha lua kana. Bavua balamina bana babu lukuna kashidi, babafikila munda, bakeba kubabutula. Nanku tshiena mua kubafuila luse! Nenkumbaje bindi mujadike ne:

Genese 25:25

Mbuyi uvua mukunze, muikale ne boya pambidi, buenza bu tshinkutu. Kumuinyikabu ne: Esawu.

Genese 25:26

Kadi Kabanga kulua, mukuate muanabu Esawu ku tshikankanya. Kumuinyikabu ne: Yakobe. Diba divuabu balele bana abu, Izake uvua ne bidimu makumi asambombu.

Genese 32:29

Yeye awu kuambila Yakobe ne: — Kabakukubikila kabidi ne: Yakobe to. Nebakubikile ne: Izrayele. Bualu udi muluangane mvita ne Mvidi Mukulu, muluangane kabidi ne bantu, wewe kubatshimuna.