Dibadika 18:22 - MUKANDA WA MYIDI MUKULU

²² Bena Izrayele bakuabu kabena mua kufika kabidi muaba wa tshijila to. Tshianana, badi mua kubunda tshibawu tshia lufu.

Mukanda wa Nzambi Dihungila Dikulukulu ne Dihungila Dihia-dihia 2003

²² Bena Isalele kabalu ha buihi ne ntenta wa kusambakena bua kabadituadidi bubi buabo, kabafu.

Dibadika 18:22 交叉引用

Lewitiki 22:9

“Batuangaji bakumbaje muabu muonsu bindi mubambile. Tshianana nebikale bena tshibawu, amu bua biakudia. Nebafue, bualu kabena balonda mikenji idi itangila bintu bia tshijila. Bualu meme ndi Maweja-Nangila, udi ujidila batuangaji bua bankuatshile mudimu.

Dibadika 18:7

Kadi wewe Arone ne ndelanganyi yebe, nuenze mudimu wa butuangaji ku tshilambuilu, ne muaba wa tshijila menemene, udi kunyima kua tshilamba tshidi tshilembelela. Meme Maweja-Nangila ndi munupeshe mudimu wa butuangaji ewu. Kadi pikala muntu mukuabu usemena pabuipi nanyi, neafue.

Dibadika 3:38

Moshe ne Arone ne bana bende bavua base mitanda yabu luseke ludi diba dipatukila lua muaba wa tshijila, kumpala kua tshibuelelu tshia muaba awu. Bavua benza mudimu muaba wa tshijila mu dina dia bena Izrayele bonsu. Muntu yonsu uvua musue kuenza mudimu muaba awu, kayi mutuangaji, bavua ne bua kumushipa.

Dibadika 3:10

Neupeshe Arone ne bana bende nkayabu mudimu wa butuangaji. Muntu mukuabu muenze mudimu awu kayi mutuangaji, nebamushipe.

Lewitiki 20:20

“Padi muntu ubuelela mukaji wa mansebende, nansha wa tatuende mukuabu mu nzubu, kena munemeke mansebende nansha tatuende mukuabu to. Nanku bonsu babidi, mulume ne mukaji, nebalue bunkumba, bualu mbena tshibawu.

Ekesode 28:43

Bilamba abi, Arone ne bana bende ba balume babivuale anu padibu babuele mu ntenta wa kusambakena, nansha padibu baye pabuipi ne tshilambuilu tshidi muaba wa tshijila bua mudimu wa butuangaji, nanku butaka buabu kabuakumueneka, kabuena bubakebela lufu to. Arone alame mukenji ewu kashidi ne ndelanganyi yende yonsu.