Dibadika 18:20 - MUKANDA WA MYIDI MUKULU

²⁰ Maweja-Nangila kuambila kabidi Arone ne: — Mu ditunga dindi mpesha bena Izrayele, kuakupetamu tshiebe tshitupa tshia buloba, nansha buebe bupianyi to. Meme ke bupianyi buebe ne bubanji buebe munkatshi mua bena Izrayele bonsu.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Yehowa wakambila Alona ne, Wewe kuena ne buhianyi mu buloba buabo, wewe kuena ne tshituha munkatshi muabo meme ndi tshituha tshiebe ne buhianyi buebe munkatshi mua Bena Isalele.

Dibadika 18:20 交叉引用

Yezekiyele 44:28

Disanka dia batuangaji dikale anu dia kungenzela mudimu. Kabena mua kubapesha tshitupa tshia buloba bua Izrayele. Bualu meme nkayanyi ke udibu nende dikenga.

Dielulula 10:9

Ke pavua bena Levi kabayi bapeta wabu muaba wa bumpianyi bu bisamba bikuabu. Tshiabu tshidibu natshi, mbua kuenzela Maweja-Nangila Mvidi Mukulu wenu mudimu, bu muvuaye mumane kubambila.)

Yoshua 13:33

Kadi Moshe kuvua mupeshe bena tshisamba tshia Levi buloba to. Uvua ubambila muvua tshiabu tshidibu mua kupeta amu mudimu udibu benzela Maweja-Nangila Mvidi Mukulu wa bena Izrayele.

Muadi 3:24

Ndi ngamba ne: Maweja-Nangila udi bumpianyi buanyi. Ke pandi ntekemena kudiye.

Yoshua 14:3

Moshe uvua mumane kuabanyina bisamba bibidi, ne tshia bibidi tshikuabu tshia bena Menashe maloba onsu awa luseke ludi diba dipatukila lua musulu wa Yardene. Kadi kuvua mupeshe ndelanganyi ya Levi buloba to.

Dielulula 14:27

Mu masanka awu, mwuluke bena Levi banudi nabu mu bimenga bienu, bualu kabena ne wabu muaba wa bumpianyi munkatshi muenu.

Dielulula 12:12

Muaba wa Maweja-Nangila Mvidi Mukulu wenu awu, nenusanke bonsu, nuenu, bana benu ne bena mudimu benu. Kabidi bena Levi, badi basa mu bimenga bienu, kabayi ne wabu muaba wa kuasa munkatshi muenu, nebasanke pabu.

Didimanyisha 21:3

Ke meme kumvua diyi dikole difumina ku nkuasa wa butumbi, diamba ne: “Mpindiewu Mvidi Mukulu udi usomba pamue ne bantu! Neashale nabu. Bobu nebikale tshisamba tshiende. Mvidi Mukulu mene neashale nabu; neikale Mvidi Mukulu wabu.

Misambu 142:5

Tangila ku nseke yanyi, umone: kakuena muntu udi undama, tshitshiena kabidi ne muaba wa kusokomena, kakuena muntu udi utangila buanyi bualu.

Misambu 16:5

Maweja-Nangila, wewe ke undi nende, bindi nkengela ndi mbipeta kuudi. Ndi mu bianza biebe kashidi.

Yoshua 18:7

Ndelanganyi ya Levi kayena mua kupeta tshiayi tshitupa tshia buloba to. Bualu tshiabu tshintu tshidi amu mudimu wa batuangaji udibu benzela Maweja-Nangila. Kadi tshisamba tshia Ngade, tshia Rubene, ne tshia bibidi tshia tshisamba tshia Menashe, mbimane kupeta biabu bitupa bia buloba luseke ludi diba dipatukila lua Yardene. Moshe nkayende, muntu wa Maweja-Nangila, ke uvua mubapeshe miaba yabu.

Misambu 73:26

Nansha mubidi wanyi ne muoyi bienda bishikila, kadi wewe Mvidi Mukulu udi bukole buanyi, ushale wanyi diba dionsu.

Dielulula 14:29

Biakudia abi, nebiambuluishe bena Levi, badi kabayi ne muaba wa bumpianyi munkatshi muenu. Nebiambuluishe benyi, bana ba nshiya ne bakaji bakamba banudi nabu. Nebapete bintu bia kudiabu kuukuta. Nanku Maweja-Nangila Mvidi Mukulu wenu, neanuele lupemba mu bionsu binudi nuenza.

Dibadika 26:62

Bantu balume bonsu, too ne bana ba ngondu umue ne pa mutu, bavua 23.000. Bena Levi aba, kabavua bababadike pamue ne bena Izrayele bakuabu bonsu to, bualu kabavua ne bua kupeta muaba wabu wa kuasa mu ditunga to.

Yoshua 13:14

Bena tshisamba tshia Levi nkayabu kabawa bapeta maloba to. Bualu ndelanganyi ya bena Levi idi mua kupeta anu bintu ku milambu idi bantu boshila Maweja-Nangila Mvidi Mukulu wa bena Izrayele, bu muvua Maweja-Nangila nkayende mumane kubalaya.

Genese 15:1

Malu onsu mamane kupita, Maweja-Nangila kumuenekela Abrame, umuambila ne: — Abrame, kutshinyi to! Ndi nebe, nenkulame ku njiwu yonsu, kabidi difutu diebe nedikale dinene.

Dibadika 18:7

Kadi wewe Arone ne ndelanganyi yebe, nuenze mudimu wa butuangaji ku tshilambuilu, ne muaba wa tshijila menemene, udi kunyima kua tshilamba tshidi tshilembelela. Meme Maweja-Nangila ndi munupeshe mudimu wa butuangaji ewu. Kadi pikala muntu mukuabu usemena pabuipi nanyi, neafue.