Dibadika 15:40 - MUKANDA WA MYIDI MUKULU

⁴⁰ Nanku, nenukumbaje mikenji yanyi yonsu bua kuleja munudi bantu banyi.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁰ nuenu nuvuluke mikenji yanyi yonso, nuyenze, nuikale bantu ba tshijila kudi Nzambi wenu.

Dibadika 15:40 交叉引用

Rome 12:1

Bana hetu, padi Mvidi Mukulu muleje nanku mudiye utufuila luse, ndi nnusengelela bua nudifile kudiye bu mulambu udi ne muoyi, bu mulambu wa tshijila, udi umusankisha. Ke mushindu muimpe unudi ne bua kumutendelela.

1 Tesalonike 4:7

Mvidi Mukulu kena mutubikile bua tuikale bena tshiendenda, kadi amu bua tuikale bantu ba tshijila.

Kolose 1:2

tudi tunufundila mukanda ewu, nuenu bantu ba Mvidi Mukulu, badi basomba mu Kolose. Nudi badienze bana hetu mu ditaba, bualu nudi badisange ne Kristu. Dinanga ne bupole bia kudi Mvidi Mukulu Tatu wetu bishindame munda muenu.

Efeze 1:4

Mvidi Mukulu ukavua mutunange, kayi muanji kufuka buloba. Ukavua mutusungule bua tuikale bende mu Kristu, tuikale ba tshijila, katuyi ne kalema kumpala kuende. Bu muvua Mvidi Mukulu mutunange,

Lewitiki 19:2

bua amanyishe bisamba bia bena Izrayele bionsu ne: “Nudi ne bua kuikala bantu ba tshijila, bualu meme Maweja-Nangila Mvidi Mukulu wenu ndi wa tshijila.

Lewitiki 22:31

“Nulame mikenji yanyi bimpe, nuyikumbaje. Bualu meme ndi Maweja-Nangila.

Dibadika 15:41

Meme ndi Maweja-Nangila Mvidi Mukulu wenu. Ndi munupatule mu Ejipitu bua ngikale Mvidi Mukulu wenu. Eyowa, ndi Maweja-Nangila Mvidi Mukulu wenu.”

Misambu 103:18

pikalabu banemeka ndondu, bavuluka mikenji yende bua kuyilonda.