Dibadika 15:31 - MUKANDA WA MYIDI MUKULU

³¹ Neikale muena tshibawu, bualu mmubenge miaku yanyi, munyangakaje mikenji yanyi.”

Mukanda wa Nzambi Dihungila Dikulukulu ne Dihungila Dihia-dihia 2003

³¹ Bualu bua yeye wakalengulula dî dia Yehowa, wakashiha mukenji wandi, nebamûmushilemu bulelela, neadituadile bubi buandi.

Dibadika 15:31 交叉引用

Nsumuinu 13:13

Muntu udi upetula meji adibu bamuambila neajimine. Kadi muntu udi unemeka mukandu, neapete difutu.

2 Samuele 12:9

Kadi wewe, kuena munemeke mikenji yanyi bua tshinyi? Udi muenze bindi mbenga bua tshinyi? Udi mushipe Uriya, muena Iti, ku muela. Eyowa, udi muenze muebe muonsu, bua bena Amone bashipe Uriya. Pashishe wewe kuangata mukajende, kumusela.

Yezekiyele 18:20

Anu muena tshibawu, wasangana kufua anyi? Wafua! Kabena mua kunyoka bana bua bubi bua baledi babu, nansha kunyoka baledi bua bubi bua bana babu. Muntu muimpe nebamufute bilondeshile buimpe buende. Muntu mubi nebamunyoke bilondeshile bubi buende.

1 Tesalonike 4:8

Muntu udi ubenga mikenji eyi, kena ubenga muntu, kadi udi ubenga Mvidi Mukulu, udi unupa Mueyelu wende wa Tshijila.

Misambu 119:126

Maweja-Nangila, diba ndikumbane dia wewe kuenza, mudimu webe wa kulumbuluisha, bualu bantu mbanyange mikenji yebe.

Lewitiki 5:1

“Padibu babikila muntu kampande kudi balumbuluishi bua kujadika bualu budiye mumvue nansha mumone ne mesu, kadi yeye ubenga bua kujadika bualu abu, mmuena tshibawu.

2 Petro 2:21

Bivua bimpe bipite bua kabamanyi njila mululame, pa mutu pa kumumanya, kadi kushisha kubenga mikenji ya tshijila ivuabu babamanyishe.

1 Petro 2:24

Kristu mene uvua muambule pambidi pende mibi yetu pa mutshi mutshiamakane, bua tuetu, bafue bua bubi, tuende ne muoyi, tuenze bidi Mvidi Mukulu musue. mBanuondape ku mputa ivuabu bamutape.

Yeshaya 53:6

Tuvua bapambuke eku ne eku, miaba yonsu, bu mikoku idibu batangalaja, muntu yonsu ulonda wende njila, muntu wende njila. Dinyoka divuabu mua kutunyoka tuetu, bua bilema bietu bonsu, ke divuabu bamunyoke nadi.

Yeshaya 30:12

Ke mudi Mvidi Mukulu wa tshijila wa bena Izrayele, wamba ne: “Nudi nubenga tshindi meme ngamba. Kadi malu a budimu ne a dishima, ke anudi nuenza bua kupeta bantu badi mua kunuambuluisha.

Misambu 38:4

Mubidi mmuntukakane onsu mujima, bualu udi munnyoke ne tshiji. Mifuba yanyi mmikoyoboke, bualu mvua muenze bibi.

Lewitiki 26:43

Kadi bena Izrayele bamane kumuangala mu ditunga, miaba ivuabu badime ayi neyipete dikisha. Mu tshikondu tshidi maloba awu mu dikisha, bena Izrayele nebapete dinyoka, bualu mbabenge meyi anyi ne mikenji yanyi.

Lewitiki 26:15

panudi nubenga kunemeka ndondu wanyi, nubenga mikenji yanyi ne meyi andi munutumine,

Misambu 107:11

Bualu bavua batombokela Mvidi Mukulu, bavua bapetule mikenji ya Muena kulu.

Ekesode 30:33

Muntu yonsu udi wenza mafuta a mushindu ewu, bua kulaba bantu badi kabayi batuangaji, numumushe munkatshi mua bantu banyi.’ ”

Dibadika 9:13

Kadi pikala muntu kayi muye ku luendu, nansha kayi ne mikiya bua tshitalu tshivuaye mulenge, ulengulula tshibilu tshia Dipita dia Maweja-Nangila dituku dimufundile ku bukole, muntu awu mmuena tshibawu. Numumushe munkatshi mua bena Izrayele, bualu kavua musue kulambula Maweja-Nangila milambu pa diba diayi.

Dielulula 17:12

Pikala muntu musue kuditambisha, kayi ulonda tshidi balumbuluishi ne batuangaji, badi benza mudimu mu nzubu wa Maweja-Nangila Mvidi Mukulu wenu, bamba, muntu awu numushipe, bua kujikija buenzayi munkatshi mua bena Izrayele.

1 Samuele 3:14

Nanku, ndi mumane kuditshipa bua bena nzubu wa Eli ne: nansha bobu bandambula nyama miosha, nansha bintu bia mu madimi, tshiena mua kupua bubi buabu muoyi to.