Dibadika 12:13 - MUKANDA WA MYIDI MUKULU

¹³ Moshe kulomba Maweja-Nangila, wamba ne: — Mvidi Mukulu wanyi, anyisha ondapa disama edi!

Mukanda wa Nzambi Dihungila Dikulukulu ne Dihungila Dihia-dihia 2003

¹³ Mose wakadila kudi Yehowa ne, Ndi nkusengelela ne, Nzambi, umuondahe.

Dibadika 12:13 交叉引用

Yakobe 5:15

Panudi ntendelela ne ditaba, Mvidi Mukulu neapandishe mubedi, amupingajile bukole bua mubidi, ajimije mibi yende.

Rome 12:21

Kuanyishi bua malu mabi akupite bukole. Kadi watshimune ku dienza dia malu mimpe.

Luke 6:28

Badi banuela mulawu, nubajingile diakalenga. Badi banukengesha, nubalombele kudi Mvidi Mukulu.

Luke 23:34

Ke Yezu kuamba ne: — Tatu, ubumvuile luse, bualu kabena bamanye tshidibu benza. Kuabanyanganabu bilamba bia Yezu, batshinka udi mua kubiangata.

Yirmeya 17:14

Maweja-Nangila nempete bukole, anu paudi wewe ujikija disama dianyi. Nempande, anu paudi wewe umpandisha. Bualu undi mua kutumbisha pa bualu udi anu wewe nkayebe.

Yeshaya 30:26

Dituku dikale Maweja-Nangila muele buanga, pa mputa ya bantu bende, muondape mputa yabu ivuaye mubatape, ngondu neakenke bu diba. Bukenke bua diba nebupite bua matuku onsu, misangu muanda mutekete, bu bukenke bua lumingu lujima, bukenka dituku dimue.

1 Samuele 15:11

— Ndi ne kanyinganyinga bua Shawule undi musungule bua kuikalaye mukalenga. Shawule mmumbenge. Kena utumikila mikenji yanyi to. Bualu abu kutonda Samuwele bikole. Kutendelelaye Maweja-Nangila butuku bujima.

1 Samuele 12:23

Meme Samuwele, tshiena musue kuenzela Maweja-Nangila bibi to. Misangu yonsu nengikale ndomba Maweja-Nangila bualu buenu. Ndi anu nnuleja njila muimpe, mululame.

Dibadika 14:2

badiwula Moshe ne Arone, bamba ne: — Bivua bimpe tuetu kufuila mu Ejipitu, nansha mu tshipela emu!

Bienzedi 7:60

Pashishe kutuaye binu panshi, kuela lubila lukole ne: — Mfumu, kuvuluki bubi buabu ebu! Mumane kuamba nanku, kukulaye muoyi.

Genese 20:17

Kadi Abrahame kulomba kudi Mvidi Mukulu bua apandishe Abimeleke, apandishe kabidi mukajende ne bakaji bende bapika, bua bamone mua kulela bana tshiakabidi.

Ekesode 4:7

Maweja-Nangila kuambila Moshe ne: — Pingaja tshianza tshiebe pa tshiadi. Moshe utshipingaja, utshiumusha kabidi. Tshianza kushala muatshi mua kale katshiyi ne disama dia nsudi to.

Dibadika 11:2

Bena Izrayele kudidila Moshe. Kubalombelaye kudi Maweja-Nangila. Kapia kujima.

Dibadika 12:12

Mubidi wa Miriyame kawena mua kunyanguka, ufiondoka makoba bu wa muana mufuile munda!

Misambu 30:2

Maweja-Nangila, ndi nkutumbisha, bualu uvua mumpandishe, kuvua muanyishe bua baluishi banyi banseke.

Misambu 41:4

Padiye mu bulalu, usama bikole, Maweja-Nangila udi umukuba, umupingajila bukole.

Ekesode 15:26

Maweja-Nangila kubambila ne: “Nuenu bateleje diyi dianyi meme, Maweja-Nangila, Mvidi Mukulu wenu, bakumbaje bilenga bindi nnuambila, batumikile mikenji yanyi, tshiakunutumina dikenga nansha dimue, bu mumvua mutumine bena Ejipitu. Bualu meme ndi Maweja-Nangila, udi unondapa.”

1 Bakalenga 13:6

Pashishe mukalenga Yerobowame kuambila muambi ne: — Ndi nkusengelela ne: utendakene Maweja-Nangila Mvidi Mukulu webe bua amfuileku luse, ampingajile diboku dianyi edi muadi mua kale. Muambi kulomba Maweja-Nangila, diboku dia mukalenga Yerobowame kupingana muadi mua kale.