Danyele 9:27 - MUKANDA WA MYIDI MUKULU

²⁷ Mu bidimu muanda mutekete bia ku nshikidilu, mfumu ewu neakengeshe tshisumbu tshinene tshia bantu bikole. Kunyima kua bidimu bisatu ne tshitupa, nealekeshe difila dia milambu ya kuosha, ne dia bintu bia pa madimi. Muena tshinyangu ewu neenze malu mabi ne lukasa luonsu, too ne diba didiye ufua lufu luvua Mvidi Mukulu mujadike.’ ”

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Muntu neajadike tshihungidi tshikole ne bantu ba bungi bua kushalatshi lumingu lumue. Hankatshi ha lumingu nealekeshe difila dia mulambu wa nyama mishiha ne wa bia kudia. Mu muaba wa milambu ei yeye neateke tshinyangu tshia dibutuka, tô ne halua dibutuka diakasungula Nzambi hamʼbidi ha muena tshinyangu.

Danyele 9:27 交叉引用

Matayi 24:15

— Nenumone tshidibu binyike ne: “Tshinyangu tshipite bubi”, tshivua muambi Danyele mutele. Nebatshiteke muaba wa tshijila. (Udi ubala bualu ebu, abujingulule bimpe!)

Luke 21:20

— Panuamona tshimenga tshia Yerushalayime tshiela munkatshi kudi baluishi, numanye ne: tshikadi pa kubutuka.

Danyele 12:11

Kubangila ku diba didibu bumbusha mulambu wa buatshia buatshia wa kuoshela Mvidi Mukulu, ne ku diba didibu bateka “Bualu bubi butambe” pa tshioshelu, matuku neapite tshinunu ne nkama ibidi ne makumi tshitema.

Marke 13:14

— (Muntu udi ubala bualu ebu ajingulule tshidibu basue kumvuija:) “Tshinyangu tshipite bubi.” Nenumone tshinyangu tshia dibutuka tshishindamena muaba uditshi katshiyi ne bua kuikala. Nenku bantu bikale mu Yudeya nebanyemene ku mikuna.

Danyele 11:36

“Mukalenga neenze mudiye musue. Neaditambishe. Neadimone bu udi ku mutu kua mvidie. Neadiwule Mvidi Mukulu wa mvidie yonsu ne meji mapite bubi. Neakume dikasa dimpe, too ne pamueneka tshiji tshia Mvidi Mukulu. Diba adi, Mvidi Mukulu neakumbaje tshivuaye mupangidi ke.

Danyele 8:13

“Pashishe meme kumona mutumibue wa Mvidi Mukulu wakula. Mutumibue mukuabu kumukonka ne: ‘Malu adibu baleja aa neanenge matuku bungi munyi? Mulambu wa kuosha wa buatshia buatshia nebaubenge matuku bungi munyi? Bubi budi bubutula bintu bionsu nebushale kashidi anyi? Muaba wa tshijila ne bia mu diulu, nebabidiatakaje ku makasa too ne ku diba kaayi?’

Yeshaya 55:3

Ntelejayi meme. Luayi kundi. Umvuayi diyi dianyi, nenuikale ne muoyi. Maweja-Nangila udi wamba ne: “Ndi ntua nenu ndondu wa kashidi. Ndi musue kunuenzela bilenga bimvua mulaye Davide.

Rome 5:15

Kadi bubi bua Adame katuena mua kubufuanyikija ne bunene bua dinanga didi Mvidi Mukulu mutuleje amu ku luse luende. Bushuwa bonsu mbafue bua bubi bua muntu umuepele ewu. Kadi dinanga dia Mvidi Mukulu didi dipita bubi ku bunene. Nanku dipa didiye mupeshe bantu bonsu amu ku luse luende patupu kudi muntu umuepele, Yezu Kristu, didi dipita kabidi bubi ku bunene.

Matayi 27:51

Diba adi, tshilamba tshiyuabu balembeleje mu nzubu wa Mvidi Mukulu kupandikatshi kulu ne panshi bitupa bibidi. Buloba kuzakala, mbuebue kuela mitanta,

Matayi 26:28

Bualu mmashi anyi, adi ashindika ndondu udi Mvidi Mukulu utua ne bantu, adibu bapuekesha bua kujimijila bantu bonsu mibi yabu.

Yeshaya 53:11

Maweja-Nangila udi wamba ne: “Muena mudimu wanyi, mmumane kukenga bikole. Nanku neasanke tshiakabidi. Neamone muapetaye tshipeta ku makenga ende. Bantu nebamone mudi muena mudimu ukumbaja bionsu bindi meme musue. Yeye nkayende ke muntu udi kayi muena tshibawu. Neafuile bantu luse, bualu yeye udi muambule bilema biabu.

Yeshaya 42:6

“Meme Maweja-Nangila, mvua mukubikile, bua ukumbaje meji andi nawu. Meme ndi nkuambuluisha. Mvua mukuenze, bua utuadile bantu bupole, ukumbaje bimvua mulaye bantu, wikale butoke munkatshi mua matunga.

Yeshaya 28:22

Nenku mpindiewu, lekelayi bilele bienu bibi, bua kabayi kukolesha majita a mionji ya mu nshingu yenu. Bualu Maweja-Nangila Mvidi Mukulu muena bukole buonsu, mmungambile ne: ndi mujadike bua kubutula ditunga dijima.

Ebrewu 9:28

Ke muvuabu balambula Kristu musangu umue bua kujimija mibi ya bantu ba bungi. Neamueneke musangu muibidi, ki mbua kujimija mibi, kadi mbua kusungila badi bamuindila.

Rome 11:26

Ke muasungidilabu bena Izrayele bonsu. Bualu Mukanda wa tshijila udi wamba ne: “Mupikudi neafume mu Siyone. Neumushe buntomboji kudi ndelanganyi ya Yakobe.

Rome 5:19

Bu muvua dibenga kutumikila dia muntu umue dipisha bantu bonsu ku mesu kua Mvidi Mukulu, ke mudi butumike bua muntu umue bubingisha kabidi bantu bonsu kumpala kuende.

Luke 21:24

Nebabashipe ku muele wa nwita. Nebaye nabu mu matunga makuabu onsu, basuika nkanu. Bantu ba bisamba bikuabu nebanyange Yerushalayime, too ne pakumbana tshikondu tshiabu.

Yirmeya 7:30

Maweja-Nangila udi wamba ne: Ndi mubenge buenzavi bonsu bua bena Yuda. Mbateke mpingu yabu mibi indi mbenga mu nzubu wanyi wa tshijila, bua nzubu awu ikale ne mikiya.

Danyele 11:31

Bena mvita bavuaye mutume nebanyange muaba wa tshijila. Nebakandike bantu, bua kabalambudi Mvidi Mukulu mulambu wa ku dituku ne ku dituku. Nebateke ‘Bualu bubi butambe’ ” pa tshilambuilu.

Osheya 3:4

Nanku, bena Izrayele nebashale matuku a bungi kabayi ne mukalenga, kabayi ne bamfumu, kabayi ne milambu, nansha makunji a tshijila, kabayi kabidi ne binta bionsu bidi biambuluisha bua kumanya disua dia Mvidi Mukulu.

Yeshaya 28:15

“Nukadi nuamba ne: tudi batue ndondu ne lufu, tudi bumvuangane ne bajangi. Tshipupu katshiena mua kutukuata, paditshi tshipita. Bualu tudi bamone dishima bu muaba wa kunyemena, ne kudinga bantu, bu muaba wa kusokomena.”

Danyele 7:25

Neadiwule Mvidi Mukulu, Muena kulu, ne meyi a kapeja. Neakengeshe tshisamba tshia tshijila. Neapangidije bua kushintulula bikondu ne mikenji bia tshisamba tshia tshijila. Nebafile tshisamba tshia tshijila mu bianza biende, bua atshikokeshe bidimu bisatu ne tshitupa.