Danyele 9:24 - MUKANDA WA MYIDI MUKULU

²⁴ Mbapeshe tshisamba tshiebe ne tshimenga tshia tshijila tshiudi musombe bidimu makumi muanda mutekete, bua bajikije ditomboka diabu, balekele malu mabi, bafuilangane luse, bakose nsambu pa yoyi kashidi. Nanku malu adi Mvidi Mukulu uleja, adi bambi bambe, neakumbane. Nebajidile tshiakabidi nzubu wa Mvidi Mukulu wa tshijila.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Bakukosela bantu bebe ne musoko webe wa tshijila mbingu makumi muanda mutekete, bua kumana ditomboka, bua kuvuisha nshikidilu wa malu mabi, bua kulengeshisha bahambuki kudi Nzambi, bua kubavuishila buakane budi bushala tshiendelele, bua kujadika tshikena kumona ne buprofete, ne bua kujidila muaba muhite tshijila.

Danyele 9:24 交叉引用

Rome 5:10

Tuvua baluishi ba Mvidi Mukulu. Kadi ku lufu lua Muanende, Mvidi Mukulu mmupingaje diulu vuangana pankatshi petu nende. Nanku mpindiewu bamane kupingaja diumvuangana pankatshi petu nende, netupete lupandu ku muoyi wa Muanende.

Yeshaya 61:1

Maweja-Nangila Mvidi Mukulu, mmunguwuje ne Mueyelu wende, bualu mmundabe manyi a tshijila, mmutume bua kumanyisha bapele lumu lua disanka, bua kukolesha ku muoyi badi benda batekete mu maboku, bua kuambila bavuabu baye nabu mu matunga a bende ne: nudi mua kuya kuonsu kunudi basue, ne bua kuambila bena lukanu ne: mbamane kunupatula mu lukanu.

Dibadika 14:34

Nuvua batentekele ditunga adi matuku makumi anayi. Nenku, bua bubi buenu, ndi nnunyoke bidimu makumi anayi. Mmumue ne: dituku dimue nedienze tshidimu tshijima tshia tshibawu. Nenujadike ne: ki mbimpe kuntombokela meme Maweja-Nangila to.

Lewitiki 25:8

“Nuindile bikondu muanda mutekete. Tshikondu tshionsu tshikale ne bidimu muanda mutekete. Mmumue ne: bidimu bionsu nebikale makumi anayi ne tshitema.

Bienzedi 3:22

Moshe uvua muambe ne: “Munkatshi mua bana benu, Maweja-Nangila Mvidi Mukulu wenu neanupatuile muambi bu meme. Nenumuteleje, nuitabe bionsu bianuambilaye.

Yeshaya 56:1

Maweja-Nangila uvua muambe ne: “Nulonde buakane. Nuenze malu mempe. Bualu lupandu lundi mufike nalu ludi pabuipi, lukadi pa kufika. Bonsu nebamone mundi nkumbaja malaya anyi.

Yeshaya 51:6

Tangila mulu, mu diulu! Tangila panshi, pa buloba! Diulu nedijimine bu muinshi. Buloba nebusunsuke bu tshilamba. Bantu nebafue bu njiji. Kadi lupandu lundi ntuadila bantu, nelushale kashidi tshiendelele. Bumfumu buanyi kabuakuikala ne ndekelu.

Misambu 2:6

“Ndi mubanjije mukalenga umvua musungule bua adie bukalenga mu Siyone, pa mukuna wanyi wa tshijila.”

Yeshaya 51:8

Bualu nebasunsuke, bu tshilamba tshidibu badia kudi musuasua. Kadi lupandu lundi mfika nalu, nelushale matuku onsu. Bumfumu buanyi nebutungunuke ku ndelanganyi ne ku ndelanganyi ya bantu.”

Misambu 45:7

Nkuasa webe udi mushindama kashidi, amu bu mudi nkuasa wa Mvidi Mukulu. Udi ulombola bukalenga buebe ne buakane.

Didimanyisha 14:6

Pashishe meme kumona mutumibue mukuabu ubuuka mulu menemene. Uvua ne bua kumanyisha bantu bonsu ba pa buloba, ba mu bisamba bionsu, ba mu meku onsu, ba miakulu yonsu, ne ba mu matunga onsu, Lumu lua Disanka ludi lushala kashidi.

Ebrewu 2:17

Ke patataye ne bua kufuanangana ne bana babu ku malu onsu, bua kuikalaye mutuangaji wabu munene, udi ne luse lua bungi, kabidi udi Mvidi Mukulu wanyisha, bua amone mua kujimija mibi ya bantu.

Yezekiyele 4:6

Ku ndekelu kua tshikondu atshi, ukudimuke ku lubadi lua dia balume. Bubi buonsu bua bukalenga bua bena Yuda, ubutuale pambidi pebe matuku makumi anayi. Ndi nteka bujitu ebu pambidi pebe, matuku bungi bumue ne bidimu bivua bena mu bukalenga bua Yuda benze bibi.

Didimanyisha 3:7

— Fundila mutumibue wa Tshisumbu tshia bena ditaba ba mu Filadelfiya ne: “Wa Tshijila ne wa diyi dimue, udi mulame nsapi ya mukalenga Davide, ukangula tshiibi, munga muntu kayi mua kukanga; utshikanga, munga muntu kayi mua kutshikangula, udi wamba ne:

Ebrewu 9:26

Patupu, uvua mua kumvua makenga misangu ya bungi katshia bafuke buloba. Kadi Kristu mmumueneke mpindiewu, matuku a ku nshikidilu musangu amu umue bua kudilambula bu mulambu wa kujimija bubi.

1 Korente 1:30

Kadi Mvidi Mukulu mmunusange ne Yezu Kristu. mMuenze Kristu meji etu. Kristu udi utubingisha kumpala kua Mvidi Mukulu, utuenza bantu bende ba tshijila, utupikula kabidi ku bubi.

Yowanane 3:34

Uvua Mvidi Mukulu mutume udi wamba miaku ya Mvidi Mukulu. Bualu Mvidi Mukulu udi mumupeshe Mueyelu wende wa Tshijila kayi upima.

2 Kulondolola 29:24

Batuangaji kukosa mbuji ayi muminu, kumiamina mashi ayi ku tshilambuilu, bua kukobolola bantu bonsu bena Izrayele. Bualu mukalenga Izkiya uvua muele diyi ne: balambule milambu yonsu, ya kuosha ne ya kukobolola bantu, bua bena Izrayele bonsu.

1 Yone 3:8

Muntu utshidi utungunuka ne dienza bibi, udi muntu wa diabolu, bualu diabolu mmuenze bibi biangatshile ku ntuadijilu. Kadi Muana wa Mvidi Mukulu mmumueneke panu, bua kubutula bidi diabolu muenze.

2 Petro 1:1

Meme Simone Petro, mupostolu ne muena mudimu wa Yezu Kristu, ndi mfundila bonsu bavua bapete ditaba dia mushinga mukole dia mushindu umue ne ditudi nadi. Nudi badipete ku disua dilenga dia Mvidi Mukulu wetu ne dia Musungidi Yezu Kristu.

Ebrewu 10:14

Nenku ku mulambu umue udi mufikishe tshisamba tshia bena ditaba ku bujima buatshi bua kashidi.

Ebrewu 7:26

Nenku Yezu udi mutuangaji munene utuvua tukengela. Udi wa tshijila. Munda muende kamuena bualu bubi nansha bumue. Kena muenze tshilema nansha tshimue. Uvua mutapuluke ne benji ba malu mabi. Kumubandishabu ku mutu kua diulu.

Kolose 2:14

Uvua mushipe mukanda uvua uleja mutuvua bena tshibawu, utusonguela. Uvua mumbushe bukole buawu, bualu mmuupopele pa mutshi mutshiamakane.

Kolose 1:20

mMujadike kabidi bua bionsu bipingane kudiye, bitue nende ndondu munda mua Muanende awu. Ku lufu lua Muanende pa mutshi mutshiamakane, Mvidi Mukulu mmubueje bupole pankatshi pende ne bionsu. Ke muvuaye mupingaje bionsu kudiye, mutue nabi ndondu, nansha ne bidi pa buloba, nansha ne bidi mu diulu.

Bienzedi 3:14

Nuenu kubenga muntu wa tshijila, muitabi wa Mvidi Mukulu, kulomba Pilate, bua anulekele mushipianganyi.

Yowanane 1:41

Andre kusambakena diambedi ne muanabu Simone. Kumuambilaye ne: — Tuvua bamone Meshiya. (Mmomumue ne: “Kristu”).

Luke 1:35

Mutumibue kumuandamuna ne: — Mueyelu wa Tshijila neukutulukile. Bukole bua Mvidi Mukulu Muena kulu nebukubuikile bu mundidimbi. Nanku muana uwalela neikale wa tshijila. Nebamuinyike Muana wa Mvidi Mukulu.

Marke 1:24

— Wewe Yezu wa mu Nazarete, udi musue kutuenzela tshinyi? Udi mulue kutubutula anyi? Ndi mumanye bimpe ne: udi wa Tshijila, Mvidi Mukulu mmukutume!

Matayi 11:13

Bambi bonsu, ne Moshe mu mikenji yende, too ne ku Yowanane-Batiste, bavua amu bamanyisha bantu Bukalenga ebu.

Matayi 1:21

Nealele muana wa balume. Neumuinyike dina ne: Yezu, bualu neasungile bantu bende ku mibi yabu.

Yezekiyele 28:12

— Yezekiyele, ela kasala ka muadi, udile mukalenga wa mu Tire. Umuambile ne: Maweja-Nangila Mvidi Mukulu ke uvua mummanyishe miaku ya kasala aka ne: “Wewe mukalenga wa Tire, uvua muntu wa tshitembu, wa meji matue, kabidi mulengele be.

Muadi 4:22

Nuenu bena Siyone, tshibawu tshienu tshionsu ntshijike. Kabena baya nenu kabidi mu ditunga dia bende nansha. Kadi nuenu, bena Edome, Maweja-Nangila neanunyoke bua bilema bienu, neasokolole malu enu mabi.

Lewitiki 8:15

Moshe kukosa ngombe awu muminu, kutua munu mu mashi, kualaba ku matumba matalame avua ku tshilambuilu bua kumbusha mikiya. Pashishe kuitshikijaye mashi avua mashale kuinshi kua tshilambuilu. Ke muvua Moshe mujidile tshilambuilu bua tshikale muaba wa kulambuila milambu ya kukobolola nayi bantu.

Filipe 3:9

kudisanga nende tshishiki. Tshitshiena mudiele mulu ne: ndi muntu muimpe, bualu ndi ndama mikenji. Kadi ndi muimpe, bualu ndi ngitaba Yezu Kristu. Bualu Mvidi Mukulu ke udi utubingisha, patudi tuitaba.

Matayi 4:5

Nanku diabolu kufikisha Yezu mu Yerushalayime, tshimenga tshia tshijila, kumuteka ku musonga wa nzubu wa Mvidi Mukulu,

Luke 21:22

Bualu matuku awu neikale matuku adibu bakosa nsambu ya bantu, bua kukumbaja bionsu bidibu bafunde mu Mikanda ya tshijila.

Bienzedi 4:26

Bakalenga ba matunga mbele mualu wa mvita, bamfumu mbapunge diyi dimpe, bumvuangane bua kubenga Maweja-Nangila ne Musungula wende.

Yezekiyele 4:5

Ndi nteka bujitu ebu pambidi pebe matuku bungi bumue ne bidimu bivua bena Izrayele benza bibi. Nanku neushale mu dikenga matuku 390.

Zekâya 4:14

Ke yeye kungumvuija ne: — Mitshi eyi ke bantu babidi bavuabu balabe manyi a tshijila, bua kuenzelabu Maweja-Nangila wa buloba bujima mudimu.

Yeshaya 42:4

Kakuteketa mu maboku, kakupungila, too ne muabuejaye malu malenga pa buloba bujima. Bantu ba ku matunga a kule, badi amu bamuindila, bua abalongeshe.