Danyele 8:17 - MUKANDA WA MYIDI MUKULU

¹⁷ Ngabriyele kusemena pabuipi nanyi. Pakafikaye, bowa bukole kunkuata. Meme kutua mpala panshi. Kadi kungambilaye ne: ‘Daniyele, udi anu muntu, umanye ne: Mvidi Mukulu udi mukuleje malu a ku nshikidilu wa bidimu.’

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Yeye wakasemena ha buihi ne muaba unakimana. Hakafikeyeku, nakakuatshika buowa bukole, nakatua mpala wanyi hanshi. Kadi yeye wakangambila ne, Teleja, wewe muana wa muntu; tshikena kumona etshi tshidi tshikulesha malu a mu tshikondo tshia kunshikidilu.

Danyele 8:17 交叉引用

Danyele 8:19

Pashishe kungambilaye ne: ‘Neukumanyishe malu adi ne bua kuenzeka tshikondu tshishindika, tshidi tshiji tshia Mvidi Mukulu tshijika.

Danyele 12:4

“ ‘Wewe Daniyele, ulame malu aa munda. Kuambidi muntu malu a mu mukanda ewu padi diba dia ku nshikidilu kadiyi dianji kufika. Pashishe bantu ba bungi nebaubale. Lungenyi luabu ne luvulangane.’

Didimanyisha 1:17

Meme mumumone nanku, mvua mupone panshi ku makasa ende bu muntu mufue. Ke yeye kuteka tshianza tshiende tshia balume pambidi panyi, wamba ne: — Kutshinyi to! Meme ndi wa kumpala ne wa ndekelu.

Abakuke 2:3

Bindi nkuleja, kabiena bienzeka mpindiewu. Kadi nebikumbane pa tshikondu tshiabi. Nansha kabiyi bienzeka lukasa, indila ne lutulu, mutekemene. Bindi nkumanyisha nebienzeke, kamuyi mpata, kabiyi nansha binenga.

Danyele 12:13

Kadi wewe Daniyele, unanukile too ne ku nshikidilu. Nenku newikishe pashishe. Neujuke bua kuangata difutu diebe ku nshikidilu kua bidimu.’ ”

Danyele 11:40

“Mu tshikondu tshia ku nshikidilu, mukalenga wa ditunga dia kuinshi neabangulule mvita. Kadi mukalenga wa ditunga dia ku mutu neamupishe ne matempu a mvita, ne badi babanda pa nyama ya tubalu, kabidi ne matu mavule a mvita. Neabuele mu matunga mashilangane ne bena mvita bende. Neasambuke mikalu, bu mudi mayi a musulu apasalala.

Didimanyisha 22:8

Meme Yowanane, mvua mumvue bionsu ebi, mubimone kabidi. Meme mumane kubiu-mvua, mubimone bionsu, ke meme kudiela panshi ku makasa a mutumibue uvua mubideje, bua kumukukuila.

Yezekiyele 1:28

Bukenke buvua bunyungulule kapia buvua bu muanzankongolu udi ukenka dituku dia mvula. Ke muvua butumbi bua Maweja-Nangila bumueneke. Musangu umvua mubumone, meme kudiela mpala panshi. Pashishe meme kumvua diyi dingambila malu.

Matayi 17:8

Balongi babanduluka, kabatua bamona muntu mukuabu, kadi anu Yezu nkayende.

Danyele 10:16

Kadi tshia muoyi tshikuabu, tshifuanangane ne muntu, kundenga ku mishiku. Ke meme kubulula mukana, kuakula tshiakabidi. Meme kuambila muntu uvua muimane kumpala kuanyi ne: ‘Mfumu wanyi, bua bualu ebu budi Mvidi Mukulu mundeje, dibungama ndinkuate. Tshiena ne bukole nansha.

Danyele 10:11

Muntu awu kungambila ne: ‘Daniyele, wewe udi Mvidi Mukulu unanga, udibambe bua kujingulula miaku indi nkuambila. Imana kulu, bualu mbantume kuudi mpindiewu.’ Ngumvua nanku, meme kuimana kulu, nzakala.

Danyele 9:27

Mu bidimu muanda mutekete bia ku nshikidilu, mfumu ewu neakengeshe tshisumbu tshinene tshia bantu bikole. Kunyima kua bidimu bisatu ne tshitupa, nealekeshe difila dia milambu ya kuosha, ne dia bintu bia pa madimi. Muena tshinyangu ewu neenze malu mabi ne lukasa luonsu, too ne diba didiye ufua lufu luvua Mvidi Mukulu mujadike.’ ”

Danyele 9:23

Pauvua mutuadije kutendelela Mvidi Mukulu, Mvidi Mukulu mmuambe bualu. Ndi mufike bua kukuambilabu, bualu Mvidi Mukulu udi mukunange. Udibambe bua kumvua ne kujingulula bualu budi Mvidi Mukulu ukuleja.

Danyele 8:15

“Meme Daniyele, pamvua ntangila bualu ebu buvua Mvidi Mukulu undeja, pamvua nkeba mua kubujingulula, meme kumona tshintu tshifuane muntu, tshimane kumpala kuanyi.

Danyele 2:46

Nanku, mukalenga Nebukadnesare kutua mpala panshi, kudiela ku makasa a Daniyele, kutuma diyi bua bamulambule nyama ne manananshi.

Yezekiyele 6:2

— Muntu, tangila ku mikuna ya mu Izrayele, umanyishe bantu badiku tshindi nkuambila!

Genese 17:3

Abrame kudiela mutu panshi. Mvidi Mukulu kumuambila ne:

Yezekiyele 44:4

Pashishe muntu kupitshila nanyi ku tshiibi tshia ku mutu wa nzubu, bua kufika kumpala kua nzubu wa Mvidi Mukulu. Meme kumona mutata butumbi bua Maweja-Nangila buwule nzubu wende tente. Meme kutua mpala panshi.

Danyele 7:16

Meme kusemena pabuipi ne umue wa ku bantu bavuapu. Meme kumukonka dijingulula dia malu amvua mumone. Yeye kungumvuija ne:

Danyele 8:27

Diba adi, meme Daniyele, kupungila, kuteketa, disama kunkuata manga matuku. Meme mumane kusanguluka, ke meme kubanga tshiakabidi kukuatshila mukalenga mudimu. Ntshivua amu mpampakana bua bivua Mvidi Mukulu mundeje, bualu tshiwa mubijingulule to.”

Yezekiyele 2:1

Mvidi Mukulu kungambila ne: — Muntu, juka, ndi musue kukuambila bualu.

Danyele 11:27

Bakalenga babidi nebasombe muaba umue, kadi mitshima yabu neikale miuwule tente ne malu mabi. Nanku nebambilangane meyi a dishima. Disomba diabu dia pamue kadiena dilubuluka. Bualu tshikondu tshia nshikidilu katshiena tshianji kukumbana.