Danyele 5:28 - MUKANDA WA MYIDI MUKULU

²⁸ PERESE, mmomumue ne: bakuabanyi. Mbuena kuamba ne: mbatapulule bukalenga buebe, bua kubupesha bena Madayi ne bena Persa.

Mukanda wa Nzambi Dihungila Dikulukulu ne Dihungila Dihia-dihia 2003

²⁸ PERES, bakutahulula bukelenge buebe, bakubuha Bena Madai ne Bena Pelasa.

Danyele 5:28 交叉引用

Danyele 6:28

Udi upandisha, usungidila. Udi wenza bishima ne malu a kukema mu diulu ne pa buloba. Yeye ke uvua musungidile Daniyele, ku nzadi ya nyama ya ntambue.”

Yeshaya 13:17

Maweja-Nangila udi wamba ne: “Nensonsole bena lukuna babu, bena Madayi, bantu ba muoyi mupape, badibu kabayi mua kubuejila, badi kabayi bangata mabuejila, nansha a biamu bitoke bia mushinga mukole, nansha a mpawungi.

Yeshaya 21:2

— Maweja-Nangila kundeja mu tshilota, bualu bua dikema, buenza bowa. Uvua wamba ne: “Bakengeshanganyi badi amu bakengeshangana, babutudianganyi badi amu babutulangana. Bena Elame, bangayi mvita! Bena Madayi, luishayi tshimenga! Tshiena musue bua bena Babilone batuishe kabidi bantu mikemu.”

Danyele 9:1

“Mu tshidimu tshia kumpala tshivua Daryaveshe, muana wa Ahashaveroshe, wa mu diku dia bukalenga bua bena Madayi, mudie bukalenga mu ditunga dia Babilone, meme, Daniyele, mvua mutangile mu mikanda ya tshijila. Meme kujingulula bualu buvua Maweja-Nangila muambile muambi Yirmeya ne: bidimu makumi muanda mutekete, Yerushalayime neashale dikolu.

Danyele 8:20

Uvua mumone tshimpanga tshia nsengu ibidi. Tshidi tshileja makalenga abidi: bua bena Madayi, ne bua bena Persa.

Bienzedi 2:9

Munkatshi muetu emu se mudi bena Parte, bena Madayi, bena Elame, bantu ba mu Mezopotamiya, ba mu Yudeya, ba mu Kapadokiya, ba mu Pontuse, ba mu buloba bua Aziya,

Danyele 6:8

Bamfumu ba mu bukalenga buebe, balumbuluishi, balombodi ba bitupa bia buloba, ne balombodi ba ditunga, bavua babuele mu tshipangu, bafile meji a ne: utume diyi, wele mukenji mukole, wambe ne: Matuku makumi asatu, muntu udi kayi untendelela meme mukalenga wa bakalenga, kadi utendelela mvidie mikuabu, nansha munga muntu, bamuele mu buina bua nyama ya ntambue.

2 Kulondolola 36:23

“Koreshe, mukalengamunene wa bena Persa, udi wamba ne: Maweja-Nangila Mvidi Mukulu wa mu diulu, mmuteke makalenga onsu a pa buloba ku bumfumu buanyi. Mmungambile bua kuibakulula nzubu wa Mvidi Mukulu mu Yerushalayime, mu ditunga dia Yuda. Bantu bonsu bena tshisamba tshia Maweja-Nangila, badi munkatshi muenu bapingane mu Yerushalayime. Maweja-Nangila Mvidi Mukulu ikale nabu, abalame!”

Yeshaya 47:11

Nenku, makenga neakukuate, audi kuyi mua kuepuka. Kabutu nekapone pambidi pebe, kaudi kuyi mua kunyema. Mvula wa tshipupu neakutokele diakamue, uudi kuyi muelele meji.

Yirmeya 25:13

Nentume mu ditunga edi makenga onsu amvua mumane kuamba. Bavua bafunde makenga aa mu mukanda ewu. Ke malu adi muambi Yirmeya mumanyishe bantu ba mu bisamba bionsu mu dina dianyi.

Yirmeya 51:28

Nusangishe bena mvita bonsu, nangananga bakalenga ne bena Madayi, ne balombodi ne bamfumu babu, ne bantu ba matunga onsu adi ku diyi diabu.

Danyele 2:32

Mutu wa lupingu alu uvua wa tshiamu tshia mpawungi menemene, tshiadi tshialu ne maboku alu bivua bia tshiamu tshitoke tshia mushinga mukole, difu dialu ne bibelu bivua bia tshiamu tshikunze,

Danyele 2:39

Kunyima kua bukalenga buebe, nekupatuke bukalenga bukuabu bushadile ku buebe. Pashishe bukalenga buisatu, budibu baleja kudi tshiamu tshikunze, nebumueneke, butangalaka buloba bujima.