Danyele 2:46 - MUKANDA WA MYIDI MUKULU

⁴⁶ Nanku, mukalenga Nebukadnesare kutua mpala panshi, kudiela ku makasa a Daniyele, kutuma diyi bua bamulambule nyama ne manananshi.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁶ Hashishe mukelenge Nebukadenesâ wakatua mpala wandi hanshi, wakakukuila Danyele, wakela mukenji bua bamulambule, bamuoshele musenga wa manananshi a muhuya muimpe.

Danyele 2:46 交叉引用

Bienzedi 14:13

Mutuangaji wa mu nzubu wa nwidie Zewuse uvua ku tshibuelelu tshia tshimenga, kufikaye ku tshibuelelu atshi ne ngombe milume milengeja ne bilongu. Bualu yeye ne bantu bavua basue kuyilambula Barnabase ne Polu.

Bienzedi 10:25

Amu Petro ubuela mu nzubu, Korneliyuse kumuakidila, kudiela ku makasa ende, kumuela muoyi ne kanemu ka bungi.

Ezela 6:10

Nanku, nebalambule Mvidi Mukulu wa mu diulu milambu idiye mua kuanyisha. Nebamutendelele bua mukalenga munene ne bana bende bakuate ku mundundu.

Didimanyisha 22:8

Meme Yowanane, mvua mumvue bionsu ebi, mubimone kabidi. Meme mumane kubiu-mvua, mubimone bionsu, ke meme kudiela panshi ku makasa a mutumibue uvua mubideje, bua kumukukuila.

Didimanyisha 19:10

Ke meme kudiela ku makasa ende bua kumukukuila. Kadi kungambilaye ne: — Kuenji nanku to! Meme kabidi ndi amu muena mudimu bu wewe, bu bana benu badi bitaba bulelela buvua Yezu mubamanyishe. Kukuila Mvidi Mukulu nkayende! Bulelela budi Yezu ujadika, ke Mueyelu udi umanyisha bambi malu.

Lewitiki 26:31

Nembutule bimenga bienu, ne miaba yenu ya tshijila, bienza bipela. Dipembu dia bintu binudi nungoshila kadiakunsankisha kabidi to.

Didimanyisha 11:16

Ke bakulu makumi abidi ne banayi badi basombe mu nkuasa ya butumbi idi kumpala kua Mvidi Mukulu, kudiela mpala panshi, bakukuila Mvidi Mukulu,

Bienzedi 28:6

Bakuabu bavua bela meji ne: Polu neuwule mubidi, nansha neadishinde panshi, afile. Kuindilabu tshitupa tshile, nansha kumona bualu. Ke kuelabu meji makuabu, bamba ne: muntu ewu mmvidie.

Luke 17:16

Kudielaye mpala panshi ku makasa a Yezu, umuela tuasakidila. Muntu awu uvua muena Samariya.

Danyele 3:5

“Diba dinudi numvua muadi wa mpungi, nshiba, nzenze, lunkombe, nansha wa biombelu bikuabu bionsu, nuiname panshi, nukukuile lupingu lua tshiamu tshia mpawungi ludi mukalenga Nebukadnesare muenzeje.

Danyele 3:7

Nanku bantu ba matunga onsu, ba bisamba bionsu, ne ba miakulu yonsu, pasuabu bumvua muadi wa mpungi, nshiba, lunzenze, lunkombe, ne wa biombelu bikuabu bionsu, bavua binama panshi, bakukuila lupingu lua tshiamu tshia mpawungi luvua mukalenga Nebukadnesare muenzeje.

Danyele 8:17

Ngabriyele kusemena pabuipi nanyi. Pakafikaye, bowa bukole kunkuata. Meme kutua mpala panshi. Kadi kungambilaye ne: ‘Daniyele, udi anu muntu, umanye ne: Mvidi Mukulu udi mukuleje malu a ku nshikidilu wa bidimu.’