Danyele 2:37 - MUKANDA WA MYIDI MUKULU

³⁷ Wewe udi mukalenga mupite bakalenga bonsu. Mvidi Mukulu wa mu diulu udi mukupeshe bukalenga, dikanda, bukole ne lumu.

Mukanda wa Nzambi Dihungila Dikulukulu ne Dihungila Dihia-dihia 2003

³⁷ Wewe, mukelenge, udi mukelenge wa bakelenge, udi Nzambi wa mu diulu muhe bukelenge, bukokeshi, bukole ne butumbi.

Danyele 2:37 交叉引用

Yezekiyele 26:7

“Meme Maweja-Nangila Mvidi Mukulu ndi ngamba kabidi ne: Wewe tshimenga tshia Tire, ndi nkutumina mukalenga Nebukadnesare wa bena Babilone udi mupite bakalenga bonsu ku bukole. Neafume ku mutu kua ditunga. Nealue kukuluisha ne nyama ya tubalu, matempu, babandi ba pa tubalu, kabidi ne bena mvita bakuabu ba bungi.

Danyele 5:18

Mvidi Mukulu, Muena kulu, uvua muenze tatuebe Nebukadnesare mukalenga munene, wa lumu ne bubanji.

Yeshaya 47:5

Wewe Babilone, somba talalaa, puwa. Sokoma mu miidima, bualu udi mujimije muanzu webe wa “Mukalenga mukaji wa makalenga mangi.”

Misambu 62:11

— Kukebi buneme ku tshinyangu, kutekemenyi makasa ku buivi. Nansha bubanji buebe buvulangane, kutekiku muoyi.

Ezela 7:12

“Meme Artashasta, mukalenga wa bakalenga, ndi ntumina mutuangaji Ezra mukanda. Yeye ewu udi mumanye bimpe mikenji ya Mvidi Mukulu wa mu diulu, a.n.

Ezela 1:2

“Koreshe, mukalenga munene wa bena Persa, udi wamba ne: Maweja-Nangila Mvidi Mukulu wa mu diulu, mmumpeshe makalenga onsu a pa buloba. Mmungambile bua kuibakulula nzubu wa Mvidi Mukulu mu Yerushalayime, mu ditunga dia bena Yuda.

Didimanyisha 17:14

Nebaluishe Muana wa mukoku. Kadi Muana wa mukoku neabatshimune, bualu udi Mfumu wa bamfumu ne Mukalenga wa bakalenga. Neabatshimune pamue ne bonsu badi bende, bamuitaba ne muoyi umue. Ke bavuaye mubikile, mudisunguile.

Didimanyisha 5:12

Bavua bimba ne diyi dikole ne: “Muana wa mukoku uvuabu bashipe, udi muakanyine kupeta bumfumu, bubanji, meji ne bukole, kanemu, lumu ne butumbi!”

Didimanyisha 4:11

“Wewe udi Maweja-Nangila wetu, kabidi ne Mvidi Mukulu wetu. mBimpe bantu bonsu bakutumbishe, bakunemeke, bitabe bumfumu buebe. Bualu udi mufuke bintu bionsu. Bionsu bidiku, bidi kabidi ne muoyi, bualu wewe udi musue nanku.”

Didimanyisha 1:5

ne bia kudi Yezu Kristu, udi ujadika malu mudiwu, Muanabute, Wa kumpala udi mubiike ku bafue, Mukalenga wa bakalenga bonsu ba pa buloba, bishindame munda muenu. Kristu udi utunanga. mMutupikule ku mibi yetu ku lufu luende.

Yowanane 19:11

Yezu kumuandamuna ne: — Kuena ne bumfumu nansha bumue pambidi panyi, pa kumusha buvua Mvidi Mukulu mukupeshe. Nanku muntu uvua mmufile kuudi, udi ne tshibawu tshipite tshiebe.

Matayi 6:13

Kutubueji mu ditetshibua, kadi utusungile kudi Muena bubi. [Bualu wewe ke udi ne bukalenga, bukole ne butumbi, kashidi tshiendelele. Amene.]”

Osheya 8:10

Nansha bena Efrayime bapeshe bisamba bikuabu mabuejila a bungi, tshikondu tshiakumbanyi, tshia meme kubakunguja muaba umue. Nanku, matuku makese aa, nebapete dinyoka kudi mukalenga wa bena Ashure.

Danyele 4:34

Ke pandi meme Nebukadnesare mpindiewu ntumbisha, nganyisha, nnemeka Mukalenga wa diulu! Tshionsu tshidiye wenza tshidi tshiakane. Malu ende onsu adi pa wowu. Yeye udi ne bukole bua kupuekesha nansha bantu bena diditambisha.”

Danyele 4:32

Bantu bonsu ba pa buloba, nansha bobu bungi munyi, kabena ne mushinga ku mesu kuende. Udi wenza mudiye musue ne ba mu diulu, mudiye wenza ne ba pa buloba. Kakuena udi mua kumutuila nkanana, nansha kumutandisha.

Danyele 4:25

Malu onsu, avuabu bamane kuambila mukalenga Nebukadnesare, kukumbanawu.

Danyele 4:3

Meme kutuma diyi bua bena meji bonsu ba mu Babilone bafike kundi bua kunjanduila tshilota.

Yirmeya 28:14

Yirmeya kuamba kabidi ne: — Maweja-Nangila wa bukole buonsu Mvidi Mukulu wa Izrayele udi wamba ne: “Ndi nteka mulonda pa makaya a bantu ba mu bisamba bionsu. Nebakuatshile Nebukadnesare, mukalenga wa mu Babilone mudimu. Nansha nyama ya muitu mene neitabe ku diyi diende.”

Yeshaya 10:8

Bualu udi wamba ne: “Balombodi ba bena mvita banyi, badi ne bukole bu bua bakalenga ba matunga!

Nsumuinu 8:15

Meme ndi ngambuluisha bakalenga bua bikale mu bumfumu, ne balombodi ba ditunga bua bele mikenji mimpe.

2 Kulondolola 36:23

“Koreshe, mukalengamunene wa bena Persa, udi wamba ne: Maweja-Nangila Mvidi Mukulu wa mu diulu, mmuteke makalenga onsu a pa buloba ku bumfumu buanyi. Mmungambile bua kuibakulula nzubu wa Mvidi Mukulu mu Yerushalayime, mu ditunga dia Yuda. Bantu bonsu bena tshisamba tshia Maweja-Nangila, badi munkatshi muenu bapingane mu Yerushalayime. Maweja-Nangila Mvidi Mukulu ikale nabu, abalame!”

Didimanyisha 19:16

Bavua bafunde pa muntumpu wende ne pa tshibelu tshiende dina diende ne: “Mukalenga mupite bakalenga bonsu, Mfumu mupite bamfumu bonsu.”

2 Bakalenga 25:28

Kuambilaye Yowakine malu ne muoyi muimpe onso, kumutekaye mu muanzu uvua mupite wa bakalenga bakuabu bavua nende mu Babilone.

Yirmeya 34:1

Nebukadnesare, mukalenga wa mu Babilone, uvua muluishe Yerushalayime ne bimenga bikuabu bia bena Yuda. Uvua ne bena mvita bende bonsu, kabidi ne bena mvita ba mu matunga ne bisamba bionsu bivua ku diyi diende. Tshikondu atshi, ke Maweja-Nangila kuambila Yirmeya ne:

Danyele 1:2

Maweja-Nangila kufila Yoyakime mu bianza bia Nebukadnesare, kabidi ne bintu bikuabu bia tshijila bia mu nzubu wa Mvidi Mukulu. Nebukadnesare kuya ne bena lukanu mu Babilone, kuteka bintu bia tshijila abi mu nzubu wa mvidie yende, mu tshibambalu tshia kulamina bintu.

Danyele 2:44

“Mu matuku adi bakalenga aba mu bumfumu, Mvidi Mukulu wa mu diulu neajule bukalenga bukuabu budibu kabayi mua kubutula nansha musangu umue. Tshisamba tshikuabu katshiena mua kuangata bukalenga abu nansha. Bukalenga abu nebubutule makalenga onsu adi mabudianjidile. Nebuashidishe, kadi bobu nebujalame kashidi.

Danyele 4:22

nebakuipate munkatshi mua bantu! Neusombe ne nyama ya mu tshisuku. Neudie bisosa mudi ngombe idia. Lumuma lukuboleshe! Neushale mushindu ewu bidimu muanda mutekete, too ne pawamanya ne: Mvidi Mukulu, Muena kulu, ke udi mfumu wa makalenga a bantu, kabidi udi upesha muntu udiye musue bukalenga.

Danyele 7:14

Kumupeshabu bukokeshi, butumbi ne bukalenga bua bantu ba matunga onsu, ba bisamba bionsu ne ba miakulu yonsu. Bukokeshi buende nebushale kashidi, kabuena bujika. Bukalenga buende kabuena bufue.

Danyele 2:31

“Mukalenga, tshiuvua mumone ntshietshi: Kumpala kuebe kuvua lupingu lunene, lupite bunene, bikenka bikole, lukuatshisha bowa.

Danyele 4:19

Mukalenga, mutshi awu ngwewe! Wewe kudiunda, kukola. Bunene buebe kupita, kutua mu diulu. Bukalenga buebe kutanta, kufika ne ku ntengu ya buloba.