Danyele 11:29 - MUKANDA WA MYIDI MUKULU

²⁹ “Pakumbana tshikondu tshivuabu bajadike, mukalenga wa ditunga dia ku mutu neaye tshiakabidi mu bukalenga bua kuinshi. Kadi malu a mu tshikondu etshi kaakuenzeka muvua malu a mu tshikondu tshia kumpala nansha.

Mukanda wa Nzambi Dihungila Dikulukulu ne Dihungila Dihia-dihia 2003

²⁹ Mu tshikondo tshiakasungulabo yeye neahingane ku luseke lua sude; kadi malu a mu tshikondo etshi kaena ikala bu muakadi malu a mu mbikondo tshia diambedi.

Danyele 11:29 交叉引用

Bienzedi 17:26

Udi mufuke bisamba bionsu, bifumine kudi muntu umue, mubitangalaje pa buloba bujima. Kufundilaye tshisamba tshionsu tshikondu tshia kusomba panu, ne mikalu ya miaba idi tshi mua kuasa.

Danyele 11:25

“Mudimanye mudiye ne bukole kabidi ne bukitu, neaye ne tshisumbu tshinene tshia bena mvita bua kuluisha mukalenga wa ditunga dia kuinshi. Mukalenga ewu neasangane nende, ne bena mvita ba bungi, ne ba bukole bupite. Kadi kakunutuila nkanana. Bualu nebamuluishe ne budimu.

Danyele 11:23

Neangate ndondu idibu batue nende bua kudinga nayi bantu. Neikale ne bukole bua bungi, nansha bantu bakese bamulonda munyima.

Danyele 10:1

Mu tshidimu tshisatu tshia bukalenga bua Koreshe, mukalenga wa bakalenga wa bena Persa, Mvidi Mukulu kumanyisha Daniyele, muabu binyika kabidi ne Beltashare, bualu. Bualu ebu buvuabu kabayi mua kuela mpata, buvua bumanyisha Daniyele makenga a bungi. Daniyele kuelangana meji bikole ku bualu ebu. Kujingululaye bualu buvua Mvidi Mukulu musue kumuleja.

Danyele 8:19

Pashishe kungambilaye ne: ‘Neukumanyishe malu adi ne bua kuenzeka tshikondu tshishindika, tshidi tshiji tshia Mvidi Mukulu tshijika.

Yeshaya 14:31

Nuenu bena bimenga bidibu bakoleshe ne bimana, dilayi muadi, elayi mbila mikole. Bena Peleshete bonsu kabena mua kutekemena kabidi tshia nsongu. Baluishi badi bafuma luseke lua ku mutu kua ditunga, bafuane divuba dia muinshi. Baluishi bonsu badiku, muena mvita nansha umue kena mushale to.

Ngalate 4:2

Too ne ku diba diashindikabu kudi tatuende, udi amu ne bua kutumikila badi bamukolesha, ne badi bakuata mudimu ne bintu biende.

Danyele 11:28

Mukalenga wa ditunga dia ku mutu neaye mu ditunga diende ne bubanji bua bungi. Mu luendu alu neenzele tshisamba tshidi tshitue ndondu wa tshijila mudiye musue. Pashishe neapingane mu ditunga diende.

Danyele 11:30

Bantu ba ku luseke ludi diba dibuelela nebafike ne majuwa a mayi. Nebamuluishe mvita. Neatekete mu maboku. Neapingane tshianyima. Nealuishe tshiakabidi tshisamba tshidi tshitue ndondu wa tshijila, bualu neumvuangane ne bantu badi babenga ndondu awu.