Danyele 11:13 - MUKANDA WA MYIDI MUKULU

¹³ Mukalenga wa ditunga dia ku mutu neakunguje tshisumbu tshia bena mvita tshitambe tshia kumpala ku bunene. Papita bidimu bikese, neapingane ne tshisumbu tshinene tshia bena mvita, tshikale ne bintu bia bungi bia kuluangana nabi.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Mukelenge wa ku nôde nealukile kabidi, neakunguishe tshisumbu tshia bena nvita tshihite tshia diambedi bunene; haleha bidimu bikuabo, yeye nealue ne tshisumbu tshinene tshia bena nvita ne bintu bia bungi bidiye nʼabi bualu.

Danyele 11:13 交叉引用

Danyele 4:16

Daniyele udibu binyika kabidi ne: Beltashare, kumvua bowa katupa, meji ende kulubakana. Mukalenga kumuambila ne: — Beltashare, tshilota etshi ne diumvuija diatshi, kabikuenji bowa nansha! Beltashare kumukudimuna ne: — Mukalenga, tshilota etshi ne diumvuija diatshi, bu biobi mua kutangila amu baluishi bebe!

Danyele 12:7

Muntu uvua muvuale bilamba bia buanda bua ndanda kuela bianza bibidi mulu. Meme kumvua wamba ne: ‘Ndi nditshipa mu dina dia Mvidi Mukulu udi ne muoyi wa tshiendelele ne: malu aa neajike papita bidimu bisatu ne tshitupa. Neajike patekeshabu bukole buonsu bua tshisamba tshia Mvidi Mukulu.’

Danyele 11:12

Mukalenga wa ditunga dia kuinshi, neaditambishe bua ditshimuna diende adi. Kadi nansha muyilaye mushipeshe binunu ne binunu bia bena mvita, kakubatshimuna kashidi nansha.

Danyele 11:14

Mu tshikondu atshi, bantu ba bungi nebajuke bua kuluangana ne mukalenga wa ditunga dia kuinshi. Nanku bena tshinyangu ba mu tshisamba tshiebe wewe Daniyele, nebajuke. Nebatombokele mukalenga ewu, bua kukumbaja bivua Mvidi Mukulu muleje. Kadi kabakumutshimuna to.

Danyele 11:40

“Mu tshikondu tshia ku nshikidilu, mukalenga wa ditunga dia kuinshi neabangulule mvita. Kadi mukalenga wa ditunga dia ku mutu neamupishe ne matempu a mvita, ne badi babanda pa nyama ya tubalu, kabidi ne matu mavule a mvita. Neabuele mu matunga mashilangane ne bena mvita bende. Neasambuke mikalu, bu mudi mayi a musulu apasalala.