Bienzedi 9:41 - MUKANDA WA MYIDI MUKULU

⁴¹ Ke Petro kumukuata ku tshianza, umujula pa bulalu. Ke kubikilaye bena ditaba ne bakamba, ubaleja Tabita ne muoyi.

Mukanda wa Nzambi Dihungila Dikulukulu ne Dihungila Dihia-dihia 2003

⁴¹ Petelo wakamukuata ne tshianza, wakamubisha. Hakabikileye basanto ne bakashi ba mu lufuila, wakabalesheye ne muoyo.

Bienzedi 9:41 交叉引用

Bienzedi 6:1

Matuku makese apita, bu muvua bungi bua balongi buvulangana, bena Yuda bavua bakula tshiena ngreke, kujana bena Yuda ba mu ditunga. Bavua bamba ne: bena ditunga badi balengulula bakamba betu, padibu bababanyina biakudia ku dituku ku dituku.

Marke 1:31

Kuyaye kudiye, kumukuata ku tshianza, kumuimanyikaye kulu. Disama dia mubidi luya kujikadi, kutuadijaye kubalongoluela biakudia.

Bienzedi 20:12

Kupingajabu nsongalume kuabu ne muoyi. Bantu kusanka bikole.

Bienzedi 3:7

Pashishe Petro kumukuata ku tshianza tshia balume, kumujula. Diakamue makasa ende ne tupombu kukolabi.

Luke 7:15

Mufue kubiika, kusomba, kutuadija kuakula. Yezu kumupingajila mamuende.

Luke 7:12

Pakavuaye pabuipi ne tshiibi tshia ku tshibuelelu tshia tshimenga, kumonaye bantu bavua baya kujika muntu ku nkita. Muntu awu uvua muana wa balume mulela umue wa mukaji mukamba. Bena mu tshimenga ba bungi bavua bafila mamu awu.

Misambu 146:9

Maweja-Nangila udi ulama bantu badibu bipata, wambuluisha muana nshiya ne mukaji mukamba, kadi udi unyanga malu adi bantu babi bapangadika mua kuenza.

Yobe 29:13

Bantu bavua bapunga ne lufu, bavua banjingila diakalenga. Meme kusankisha bakaji bankamba.

1 Bakalenga 17:23

Muambi Eliya kuambula muana. Kutulukaye nende panshi. Kumupingajaye kudi mamuende, umuambila ne: — Tangila muanebe, udi ne muoyi!

Genese 45:26

Kuambilabu tatuabu ne: — Muanebe Yozefe utshidi ne muoyi! Yeye ke udi ulombola ditunga dijima dia Ejipitu. Yakobe uvua mupuwe kayi wenza bualu! Kavua muitabe bivuabu bamuambile to.

Bienzedi 9:13

Ananiyase kuandamuna ne: — Mfumu, bantu ba bungi bavua batela muntu awu, bangambila malu mabi onsu avuaye wenzela bantu bebe mu Yerushalayime.

Bienzedi 9:32

Petro uvua wendakana mu ditunga dijima. Dituku dikuabu kuyaye kukumbula bena ditaba ba mu musoku wa Lida.

1 Timote 5:3

Ambuluisha bakaji bakamba, badi kabayi ne mubambuluishi, ubanemeke.

1 Timote 5:5

Mukaji mukamba menemene, udi kayi ne muntu wa kumulama, ke udi mutekemene anu kudi Mvidi Mukulu, umutendelela munya ne butuku, umulomba diambuluisha.

2 Bakalenga 6:7

Muambi Elisha kuambila muntu awu ne: — Angata tshisuyi tshiebe. Muntu awu kuolola amu tshianza, kuambula tshisuyi tshiende.