Bienzedi 9:21 - MUKANDA WA MYIDI MUKULU

²¹ Bonsu bavua bamuteleja bavua bakema, bamba ne: — Uvua ukengesha bikole bantu bavua bitaba dina dia Yezu mu Yerushalayime, ki mmuntu ewu anyi? Ki mmufike apa bua kukuata bantu, kubafila kudi bamfumu ba batuangaji anyi?

Mukanda wa Nzambi Dihungila Dikulukulu ne Dihungila Dihia-dihia 2003

²¹ Bonso bakunvua dî diandi bakadi bakema, bakabanga kukonka ne, Eu kanyeye wakabutula bakadi batendelela dina edi mu Yelushalema, anyi? Yeye wakadi muluile bualu ebu kunoko bua kuyeye nʼabo basuika ku mesu kua bakuidi banene.

Bienzedi 9:21 交叉引用

Bienzedi 8:3

Shawule uvua wenza muende muonsu bua kubutula Tshisumbu tshia bena ditaba. Uvua upita ku nzubu ku nzubu, ukuata balume, ukuata bakaji, ubela mu lukanu.

2 Tesalonike 1:10

Ebi nebienzeke dituku didi Mfumu ufika, bua bantu bonsu badi bende, bamutumbishe, bua bonsu badi bamuitaba, bamusamune. Nuenu kabidi nenuikale munkatshi muabu, bualu nuvua bitabe bituvua banulongeshe.

1 Yone 3:1

Monayi dinanga dipite bunene didi Tatu mutunange nadi! Bualu badi batuinyika ne: mbana ba Mvidi Mukulu. Bushuwa, tudi bana bende. Bukua panu mbutupange, bualu kabuvua bumanye Mvidi Mukulu.

Bienzedi 4:13

Bena Tshipangu tshikulu bavua bakema bikole, pavuabu bumvua Petro ne Yowanane badilumbuluila bimpe, bashindika bivuabu bamba. Bualu bavua bamanye ne: bantu aba mbantu bashadile, kabayi balonge mikanda. Bavua bajadike kabidi ne: ke bantu bavua bendakana ne Yezu.

Bienzedi 3:10

Bakuabu kumumanyabu ne: nyeye uvua musombe ku Tshiibi Tshilengele tshia nzubu wa Mvidi Mukulu, ulomba tshia pa luse. Nanku bavua ne bowa, bakatshila bivua bimuenzekela ebi.

Bienzedi 2:12

Bantu bonsu aba bavua bakema, balubakana, bakonkangana ne: — Bionsu bidi bienzeka ebi bidi bileja tshinyi?

Bienzedi 2:6

Bantu kunguila pavuabu bumvua tshiona atshi. Bavua bakema bikole, bualu muntu yonsu uvua umvua balongi ba Yezu bakula muakulu wa kuabu kudiye ufuma.

Zekâya 3:8

“Wewe Yeshuwa, mutuangaji munene, teleja. Nuenu batuangaji badi bakuata nende mudimu, telejayi. Nuenu bonsu nudi tshimanyinu tshidi tshijadika ne: matuku adi kumpala nenupete lupandu. Nentume muntu wanyi, dina diende Lutonga.

Yeshaya 8:18

Meme ne bana badi Maweja-Nangila mumpeshe, tudi bimanyinu bidi bilongesha bantu mu Izrayele malu a kudi Maweja-Nangila muena bukole buonsu, udi usomba mu nzubu wende pa mukuna wa Siyone.

Misambu 71:7

Bantu ba bungi bavua bela meji ne: Wewe uvua muntshipe. Kadi Wewe ke tshianyi tshipanda tshia kushindamena.

Dibadika 23:23

Majimbu ne mbuku, kabiena biambuluisha bena Izrayele. Bionsu bidi Mvidi Mukulu musue kuenza, bena Izrayele badi babimanye pa diba.

Misambu 51:13

Kungipatshi pabuipi nebe. Kumpadi Mueyelu webe wa tshijila.

Bienzedi 7:59

Pavuabu bamuasa mabue apu, Stefane uvua utendelela Mvidi Mukulu, wamba ne: — Mfumu Yezu, angata muoyi wanyi!

Bienzedi 9:22

Kadi Shawule uvua amu ulongesha ne bukole ku dituku ku dituku. Pavuaye uleja bena Yuda bavua basomba mu Damase ne miaku ya mu Mukanda wa tshijila ne: Yezu udi Kristu, Musungidi wetu, kabavua bamona pa kumuandamuina.