Bienzedi 9:15 - MUKANDA WA MYIDI MUKULU

¹⁵ Ke Mfumu kumuandamuna ne: — Uye. Bualu muntu awu ke tshiamu tshia mudimu tshindi musungule, bua kumanyishaye bisamba bikuabu, bakalenga ba matunga, ne bena Izrayele, dina dianyi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Kadi Mukelenge wakamuambila ne, Ya biebe, bualu bua yeye udi bu luhanza lunakasungula bua kutuala dina dianyi ku mesu kua bisamba bia bende, ne kua banfumu, ne kua bana ba Isalele;

Bienzedi 9:15 交叉引用

Rome 11:13

Mpindiewu ndi nnuambila nuenu bantu ba bisamba bikuabu ne: ndi mupostolu udibu bafundile mudimu wa kulongesha bantu badi kabayi bena Yuda. Ndi nsanka bua mudimu wanyi ewu.

Rome 1:5

Kudiye ke kudi Mvidi Mukulu mumpeshe dipa dia kuikala mupostolu, bua meme kusaka bantu ba bisamba bionsu, bua bitabe Lumu lua Disanka, batumikile Mvidi Mukulu, bua dina dia Yezu dipete lumu.

1 Timote 2:7

Ke padibu bantume bu mupostolu ne mulongeshi, bua kufikisha bena bisamba bikuabu ku ditaba ne ku bulelela. Tshiena nshima to. Ndi ngamba malu mudiwu.

Yirmeya 1:5

— Nkavua mukumanye, tshiyi muanji kukufumba munda mua mamuebe. Nkavua mukusungule, kabayi banji kukulela. Nkavua mukufundile mudimu wa kuya kuambila bisamba bionsu miaku yanyi.

2 Timote 2:4

Musolayi udi ku mudimu, kena ubuelakana mu malu a bantu bakuabu, padiye musue kusankisha mulombodi wa tshisumbu tshia basolayi.

Bienzedi 22:21

Kadi Mfumu kungambila amu ne: “Uye! Bualu ndi nkutuma kule, kudi bantu ba bisamba bikuabu.”

Yowanane 15:16

Nuenu kanuvua bansungule, kadi meme mvua munusungule, munutumine diyi bua nuye kukuama bimuma, bimuma bidi bishala kashidi. Nenku Tatu neanupeshe tshionsu tshinuamulomba mu dina dianyi.

2 Timote 1:11

Mvidi Mukulu mmumpeshe mudimu wa bupostolu, bua kumanyisha ne kulongesha bantu Lumu lua Disanka elu.

Ngalate 1:1

Meme Polu, udi unufundila mukanda ewu, ndi mupete mudimu wa bupostolu ki nkudi bantu, nansha ku diambuluisha dia muntu, kadi kudi Yezu Kristu, ne kudi Mvidi Mukulu Tatu, udi umubisha ku lufu.

1 Korente 15:10

Kadi bu muvua Mvidi Mukulu munnange, nkadi bu mundi emu. Dinanga diende divua dikuata mudimu munda muanyi. Ndi mukuate mudimu mupite bapostolu bakuabu bonsu. Uvua ukuata mudimu awu ki mmeme to, kadi Mvidi Mukulu pamue nanyi, bualu uvua munnange.

Bienzedi 13:2

Dituku dikuabu, bobu bamane kujila biakudia amue matuku, pavuabu batendelela Mfumu, Mueyelu wa Tshijila kubambila ne: — Kanupeshi Barnabase ne Shawule mudimu mukuabu to. Baye amu kuenza mudimu undi mubabikidile.

Matayi 10:18

Nebaye nenu kudi balombodi ne bakalenga ba matunga bualu buanyi, bua nuenu kujadika bulelela buanyi kumpala kuabu, ne kumpala kua bantu badi kabayi bena Yuda.

Didimanyisha 17:14

Nebaluishe Muana wa mukoku. Kadi Muana wa mukoku neabatshimune, bualu udi Mfumu wa bamfumu ne Mukalenga wa bakalenga. Neabatshimune pamue ne bonsu badi bende, bamuitaba ne muoyi umue. Ke bavuaye mubikile, mudisunguile.

Bienzedi 27:24

Kungambilaye ne: “Polu, kutshinyi to. Neumonangane ne Kezare. Bu mudi Mvidi Mukulu mukunange, neakupandishe ne bonsu baudi nabu mu majuwa emu.”

Bienzedi 26:32

Ke mukalenga Agripa kuambila Festuse ne: — Bavua mua kumulekela, yeye kayi mulombe bua kuya kua Kezare.

Bienzedi 25:22

Mukalenga Agripa kuambila Festuse ne: — Ndi musue kudiumvuila mudi muntu awu wakula. Festuse kuandamuna ne: — Neudiumvuile maloba mudiye wakula.

Bienzedi 21:19

Polu kubela muoyi, kubalondela malu onsu menemene, avua Mvidi Mukulu mukumbaje ku mudimu uvuaye muenze munkatshi mua bantu ba bisamba bikuabu.

Yirmeya 1:7

Kadi Maweja-Nangila kungambila ne: — Lekela kuamba ne: ntshidi muana. Neuye kudi bantu bonsu kundi nkutuma. Neubambile miaku yonsu indi nkumanyisha.

Bienzedi 28:17

Kupita matuku asatu, Polu kubikidisha bakulu ba bena Yuda bavua mu Rome. Bamane kusangila, kubambilaye ne: — Bana betu, tshiyi muenzele tshisamba tshietu bualu bubi, tshiyi munyange bibidilu bia bankambua betu, bavua bankuata mu Yerushalayime. Kumfilabu mu bianza bia bena Rome.

Bienzedi 22:14

Kuambaye kabidi ne: “Mvidi Mukulu wa bankambua betu mmukusungule, bua wewe kumanya tshidiye musue, kumona Muntu umue epele uvua mukumbaje tshidiye musue, kudiumvuila ne diyi diende menemene.

Bienzedi 26:1

Agripa kuambila Polu ne: — Ndi nganyisha bua udilumbuluile. Ke Polu kuolola tshianza, wamba ne:

Bienzedi 28:28

Ndi nnuambila ne: Mvidi Mukulu mmutumine bantu ba bisamba bikuabu mukenji wa lupandu, bualu bobu nebauteleje! [

Rome 1:1

Meme Polu, muena mudimu wa Yezu Kristu, udi Mvidi Mukulu mubikile bua ngikale mupostolu, udiye musungule bua mmanyishe bantu Lumu luende lua Disanka, ndi nnutumina mukanda ewu.

1 Korente 9:16

Tshiena mua kuditemba, bua pandi mmanyisha bantu Lumu lua Disanka nansha. Bualu mbujitu budi bungomekela. Tshiyi ntangalaja Lumu lua Disanka, ndi muena diakabi.

Efeze 3:1

Ke pandi meme Polu ntendelela Mvidi Mukulu bualu buenu. mBankuate mu lukanu, bualu ndi nkuatshila Yezu Kristu mudimu. Makenga onsu aa ndi ngumvua bualu buenu.