Bienzedi 8:40 - MUKANDA WA MYIDI MUKULU

⁴⁰ Filipe kudimona ne: nkadi mu Azote. Kutungunukaye ne luendu too ne ku tshimenga tshia Kezareya. Mu njila uvua wenda ulongesha Lumu lua Disanka mu bimenga bionsu.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁰ Kadi Filipo wakamueneka ku Azoto; wakahitshila mu misoko yonso tô ne ku Kaisalia, wenda ubambila lumu luimpe.

Bienzedi 8:40 交叉引用

Bienzedi 21:8

Butshia tuetu kutungunuka ne luendu, kuyila njila wa ku makasa, kufika mu Kezareya. Tuetu kuya kua Filipe, mulongeshi wa Lumu lua Disanka, kulala kuende. Filipe uvua wa ku bantu muanda mutekete, bavuabu basunguile ku Yerushalayime, bua kuambuluisha bapostolu.

Bienzedi 25:4

Kadi Festuse kubandamuna ne: — Polu udi mu lukanu mu Kezareya. Meme kabidi nkadi pa kupinganamu.

Bienzedi 23:33

Bafika mu Kezareya, diakamue bena tubalu kupa mulombodi wa ditunga mukanda, kumushila kabidi ne Polu.

Bienzedi 23:23

Ke mulombodi kubikila bindonda biende bibidi, ubiambila ne: — Sangishayi basolayi, nkama ibidi badi ne bia mvita biabu bionsu, bakuabu makumi muanda mutekete babandi ba pa tubalu, banga nkama ibidi badi bambula amu mafuma. Nudilongolole bua kuya ku Kezareya bufuku, diba dia tshitema.

Bienzedi 10:1

Mu Kezareya muvua muntu, dina diende Korneliyuse. Uvua mulombodi wa tshisumbu tshia basolayi ba bena Rome, tshivuabu binyika ne: “Ntshia bena Italiya.”

1 Samuele 5:1

Bena Peleshete bamane kunyenga mushete wa Mvidi Mukulu, kumukabu nawu muaba uvuabu babikila ne: Dibue-dia-diambuluisha, bua kuya nawu mu tshimenga tshia Asdode.

Rome 15:19

ku bukole bua bishima ne bua malu a dikema, kabidi ne ku bukole bua Mueyelu wa Tshijila. Ke mumvua mulongeshe muanyi muonsu Lumu lua Disanka ludi lutangila Kristu. Mvua muendakane nseke yonsu, kutuadijila mu Yerushalayime, too ne ku buloba bua Iliriya.

Bienzedi 25:13

Kupita matuku, mukalenga Agripa, ne muanabu wa bakaji Berenike, kufikabu mu Kezareya, bua kuela Festuse muoyi.

Bienzedi 25:6

Festuse kushala mu Yerushalayime amu matuku bu dikumi. Pashishe kupinganaye ku Kezareya. Butshia kuyaye kusomba mu nzubu wa bilumbu, kubikidisha Polu.

Bienzedi 25:1

Bamane kubanjija Festuse mu bulombodi bua ditunga, kupita matuku asatu, kumbukaye mu Kezareya, bua kuya ku Yerushalayime.

Bienzedi 21:16

Bena ditaba ba mu Kezareya kutushindikija. Kutufdabu kua Mnasone, bua tuetu kulala kuende. Uvua muntu wa mu Shipre, umue wa ku bena ditaba ba kumpala.

Bienzedi 12:19

Erode kubambila bua bamukebe. Kadi nanshabu kumusangana to. Ke Erode kutuma diyi, bua balumbuluishe basolayi balami abu, babashipe. Pashishe kumukaye mu Yudeya, bua kuya kusomba amue matuku mu Kezareya.

Bienzedi 10:24

Petro kufika mu Kezareya dituku divua dilonda. Korneliyuse uvua mumuindile, pamue ne bena diku diende, kabidi ne balunda bende ba pa muoyi, bavuaye mubikile.

Bienzedi 8:25

Bapostolu babidi aba bamane kujadikila bantu muaku wa Mfumu, kabidi bamane kubumvuijawu, kupinganabu mu Yerushalayime. Mu njila bavua benda balongesha Lumu lua Disanka mu misoku ya bungi ya bena Samariya.

Zekâya 9:6

Bantu ba bisamba bishilangane, nebasombe mu tshimenga tshia Asdode. Maweja-Nangila udi wamba ne: “Ke mundi mbutula bena Peleshete badi baditambisha nanku.

Yoshua 11:22

Mu ditunga dia bena Izrayele, kamuvua mushale muena Anake nansha umue to. Bavua bashadile anu mu tshimenga tshia Ngaza, tshia Ngate ne tshia Asdode.

Bienzedi 9:30

Balongi bamanya bualu abu, kufilabu Shawule mu Kezareya, bua afike mu Tarse.

Bienzedi 11:11

Amu diba adi, bantu basatu ba ku Kezareya bavuabu bantumine, kufika ku nzubu kumvua nsomba.

Bienzedi 18:22

Utuluka mu Kezareya, kuyaye mu Yerushalayime, bua kumonangana ne Tshisumbu tshia bena ditaba. Pashishe kuyaye ku Antiyokiya.