Bienzedi 8:30 - MUKANDA WA MYIDI MUKULU

³⁰ Filipe kusemena, wenda unyema. Kulu vuaye muena Kushe ubala mukanda wa muambi Yeshaya. Filipe kumukonka ne: — Udi mujingulule biudi ubala abi anyi?

Mukanda wa Nzambi Dihungila Dikulukulu ne Dihungila Dihia-dihia 2003

³⁰ Filipo wakaya lubilu kudiye, wakamunvua ubala mukanda wa muprofete Yeshaya, wakamukonka ne, Udi mujingulule bualu bûdi ubala, anyi?

Bienzedi 8:30 交叉引用

Yowanane 5:39

Nudi nulonga malu a mu Mikanda ya tshijila, bualu nudi nuela meji ne: netupetelemu muoyi wa tshiendelele. Kadi mikanda ayi menemene ke idi ijadika bulelela buanyi!

Efeze 5:17

Nanku kanuikadi bantu bapote. Kadi nukebe mua kujingulula tshidi Mfumu musue bua nuenze.

Matayi 15:10

Pashishe Yezu kubikila bantu, kubambila ne: — Telejayi, numvue bindi ngamba:

Matayi 13:23

Ntete idi ipona mu buloba buimpe, ke badi bumvua muaku wa Mvidi Mukulu, bajingulula mudiwu. Badi bakuama bimuma, aba lukama, bakuabu makumi asambombu, banga makumi asatu.

Matayi 13:19

Padi bantu bumvua bakuabu balongesha malu a mu Bukalenga bua mu diulu, kabayi bajingulula muyayabu, Muena bubi udi ufika, umusha bivuabu bamiamine mu muoyi wabu. Ke ntete idi ipona ku muelelu wa njila.

Muambi 9:10

Ukuate mudimu, usanke ne bionsu biudi mua kupeta. Bualu ku bajangi kuwaya kabena benzaku mudimu, kabena belanganaku meji, kabena bamanya malu, kabena bela meji mene to.

1 Korente 14:19

Kadi padi bena ditaba badisanga pamue, ndi musue kuakula miaku itanu idi yumvuika, bua kulongesha bakuabu, pamutu pa kuakula miaku binunu ne binunu mu miakulu idi bantu kabayi mua kumvua.

Marke 13:14

— (Muntu udi ubala bualu ebu ajingulule tshidibu basue kumvuija:) “Tshinyangu tshipite bubi.” Nenumone tshinyangu tshia dibutuka tshishindamena muaba uditshi katshiyi ne bua kuikala. Nenku bantu bikale mu Yudeya nebanyemene ku mikuna.

Matayi 24:15

— Nenumone tshidibu binyike ne: “Tshinyangu tshipite bubi”, tshivua muambi Danyele mutele. Nebatshiteke muaba wa tshijila. (Udi ubala bualu ebu, abujingulule bimpe!)

Matayi 13:51

Yezu kubakonka ne: — Nudi bumvue bionsu ebi anyi? Bobu kuandamuna ne: — Eyowa, tudi bumvue.

Misambu 119:32

Ndi ndonda njila uudi ungambila, bualu udi munzulule lungenyi luanyi.

Didimanyisha 13:18

Ebi bidi bikengela meji. Amu udi ne lungenyi ke udi mua kujingulula tshidi bungi abu buleja. Bungi ebu budi bumvuija dina dia muntu. Bungi buadi budi nkama isambombu makumi asambombu ne isambombu.

Bienzedi 8:27

Filipe kuya diakamue. Mu njila kupetanganaye ne muntu. Uvua muntu mupakula, muntu munene mu bulongolodi bua ditunga dia bena Kushe, mulami wa mpetu yonsu ya mukalenga mukaji wabu. Uvua muye kutendelela Mvidi Mukulu mu Yerushalayime.

Yowanane 4:34

Yezu kubambila ne: — Tshianyi tshiakudia nkukumbaja dijinga dia uvua muntume, kabidi nkujikija mudimu uvuaye mumfundile bua kuenza.

Bienzedi 8:5

Filipe kuya mu tshimenga tshikulu tshia Samariya, wenda ulongesha bena mu tshimenga ne: Kristu wafiki!

Bienzedi 8:29

Ke Mueyelu wa Tshijila kuambila Filipe ne: — Ambuluja, upete ditempu diadia.

Bienzedi 8:31

Muntu awu kumuandamuna ne: — Nenujingulule bishi, pandi tshiyi ne udi mua kubinjunguluila? Kulombaye Filipe bua abande mu ditempu, asombe pamue nende.