Bienzedi 8:25 - MUKANDA WA MYIDI MUKULU

²⁵ Bapostolu babidi aba bamane kujadikila bantu muaku wa Mfumu, kabidi bamane kubumvuijawu, kupinganabu mu Yerushalayime. Mu njila bavua benda balongesha Lumu lua Disanka mu misoku ya bungi ya bena Samariya.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Hakamanyisha bapostolo bantu bualu buabo, hakabambilabo dî dia Mukelenge, bakahingana ku Yelushalema, bambila misoko ya bungi ya Bena Samalea lumu luimpe.

Bienzedi 8:25 交叉引用

Bienzedi 20:21

Mvua ndomba bena Yuda ne bantu ba bisamba bikuabu, bua badilengeje, bapingane kudi Mvidi Mukulu, bitabe Mfumu wetu Yezu.

1 Petro 5:12

Silase, undi ntangila bu muena ditaba netu wa muoyi umue, mmungambuluishe bua kufunda mukanda mukese ewu. Ndi musue kunukolesha ku muoyi, kunujadikila kabidi ne: nenumvue mu makenga dinanga didi Mvidi Mukulu ununanga nadi. Nushindame mu dinanga diende adi.

Bienzedi 28:31

Uvua umanyisha malu a Bukalenga bua Mvidi Mukulu, ulongesha ne muoyi mukole, bidi bitangila Mfumu Yezu Kristu, kabayi bamukandika.

Bienzedi 28:28

Ndi nnuambila ne: Mvidi Mukulu mmutumine bantu ba bisamba bikuabu mukenji wa lupandu, bualu bobu nebauteleje! [

Bienzedi 28:23

Dituku divuabu bumvuangana ne Polu, bantu bapite bungi kufika muaba uvuaye ulala. Polu kubalongesha ku dinda too ne ku dilolu, kubumvuija bimpe malu a Bukalenga bua Mvidi Mukulu. Uvua utela miaku ya mu Mikenji ya Moshe, ne ya mu mikanda ya Bambi, ukeba amu bua bitabe Yezu.

Bienzedi 18:5

Silase ne Timote kumuka ku Masedoniya, kuya ku Korente. Bobu bamane kufika, ke Polu kudifila muende muonsu ku mudimu wa kulongesha muaku. Uvua ujadikila bena Yuda ne: Yezu udi Kristu.

Bienzedi 8:40

Filipe kudimona ne: nkadi mu Azote. Kutungunukaye ne luendu too ne ku tshimenga tshia Kezareya. Mu njila uvua wenda ulongesha Lumu lua Disanka mu bimenga bionsu.

Bienzedi 1:8

Kadi nenupete bukole, diba dianupuekela Mueyelu wa Tshijila. Nanku nenumone mua kujadika malu anyi mu Yerushalayime, mu ditunga dijima dia Yudeya ne dia Samariya, kabidi too ne ku ndekelu wa buloba.

Yowanane 15:27

Nuenu kabidi nenujadikile bantu malu anyi! Bualu nutua nanyi biangatshile ku tshibangidilu.

Matayi 10:5

Yezu kutuma bapostolu bende dikumi ne babidi aba, ubambila bivuabu ne bua kuenza ne: — Kanuyi mu matunga a bantu badi kabayi bena Yuda, kanubuedi mu bimenga bia bena Samariya.

Luke 16:28

mudi bana betu ba balume batanu. Aye kubadimuja bua kabafiki pabu muaba wa makenga ewu.”

Bienzedi 13:12

Mulombodi wa tshidila umona bivua bienzeka abi, kuitabaye. Bivuabu bamulongesha bualu bua Mfumu, bivua bimutua ku muoyi bikole.