Bienzedi 7:42 - MUKANDA WA MYIDI MUKULU

⁴² Ke Mvidi Mukulu kubalengulula, kubalekela banemeke mabulunge a mulu. Ke mudibu bafunde mu mukanda wa bambi ne: “Bena Izrayele, bidimu makumi anayi binuvua mu tshipela, nuvua bandambule meme milambu ya nyama, nansha milambu mikuabu anyi?

Mukanda wa Nzambi Dihungila Dikulukulu ne Dihungila Dihia-dihia 2003

⁴² Kadi Nzambi wakabakoma nyima, wakabalekela bua kutendelelabo tshisumbu tshia bidi mulu; bu muakafundabo mu mukanda wa baprofete ne, Nuakafila nyama mishiha ne milambu kundi meme Bidimu makumi anai mu tshihela, anyi, nuenu ba mu nsubu wa Isalele?

Bienzedi 7:42 交叉引用

Yezekiyele 20:39

Meme Maweja-Nangila Mvidi Mukulu, ndi nnuambila ne: Nuenu bena Izrayele, muntu yonsu wa kunudi, nansha yeye mukukuile mvidie yende mibi indi mubenge, kadi dikuabu dituku nenuikale anu ne tshilumbu tshia kungitaba. Nenulekele kupepeja dina dianyi dia tshijila, nulekele kulambula mvidie milambu.

Yirmeya 19:13

Nzubu ya mu Yerushalayime ne ya bakalenga ba mu Yuda neikale ne mikiya bu muaba ewu wa Tofete. Bualu kulu kua nzubu eyi bavua balambuilaku musenga wa kamonya, bua kutendelela tshituilu tshia mitotu, bavua balambuilamu mvidie ya bantu ba bisamba bikuabu milambu ya maluvu.”

Dielulula 4:19

Kanutangidi mulu bua kutendelela diba, ngondu, mitotu, nansha bintu bionsu bidi mu tshibuashibuashi. Kanubienzedi mudimu, kanubikukuidi. Maweja-Nangila mmuitabe anu bua bisamba bikuabu bitendelele bintu abi.

Yeshaya 63:10

Kadi bavua bamutombokela, bavua banyingalaja Mueyelu wende wa Tshijila. Nanku Maweja-Nangila kudienza muluishi wabu, kubanga kuluangana nabu mvita.

Bienzedi 7:36

Moshe kupatula bena Izrayele mu Ejipitu, kuenza bishima ne malu a dikema mu ditunga dia bena Ejipitu, mu mayi manene Makunze, ne mu tshipela, bidimu makumi anayi.

Osheya 4:17

Bena Efrayime mbanange mvidie. Nubalekele, mbapambuke kashidi.

Yezekiyele 8:16

Mvidi Mukulu kungambula, kuya nanyi too ne mu lubanza lua munda mua nzubu wende. Ku tshibuelelu tshia nzubu wa Mvidi Mukulu pankatshi pa lutanda ne tshilambuilu, pavua bantu balume bu makumi abidi ne batanu. Bavua bela nyima ku nzubu wa Mvidi Mukulu, batangile luseke ludi diba dipatukila. Bavua batua binu bua kukukuila diba.

Yeshaya 66:4

Meme kabidi nensanke padibu bakenga. Nembatumine makenga onsu, adibu batshina. Bualu ndi muele lubila, kadi muntu nansha umue kena mungitabe. Meme kubambila malu, kadi kabavua bateleja. Bavua benza amu bindi mubenge. Bavua basungula amu bidi kabiyi binsankisha.”

Yoshua 24:20

Nuenu babenge Maweja-Nangila, nuenu batendelele mvidie ya bantu benyi, Maweja-Nangila neanuluishe. Neanukengeshe, anubutule, nansha yeye mumane kunuenzela malu mimpe a bungi.

Yezekiyele 20:25

Meme kubapesha kabidi mikenji, kadi kayivua mibenzele bimpe to. Mvua mubapeshe meyi avua kaayi abapesha muoyi.

Misambu 95:10

Bantu ba mu tshikondu atshi kuntonda, bidimu makumi anayi, meme kuela meji ne: Bantu aba mbatomboke, kabena bamanye tshimvua ntekemena kudibu.

2 Bakalenga 21:3

Kulongololaye ne miaba ya kutendelela mvidie ivuabu banyangakaje kudi tatuende Izkiya. Kuibakaye mvidie Baale bilambuilu. Kuenzaye dikunji dia kutendelela, bu muvuabu benza kale kudi Akabe, mukalenga wa bena Izrayele. Kabidi kutendelelaye bintu bia mu tshibuashibuashi.

2 Bakalenga 17:16

Bavua balengulula meyi onsu a Maweja-Nangila Mvidi Mukulu wabu. Bavua badienzela mpingu ibidi ya tuana tua ngombe tua tshiamu tshiengulula, badienzela kabidi makunji a kutendelela. Bavua batendelela bintu bionsu bidi mu tshibuashibuashi, benzela mvidie Baale mudimu.

Dielulula 17:3

Tshilejilu: muntu udi utendelela mvidie ya bisamba bikuabu, nansha diba, ngondu, nansha bintu bivule bidi mu tshibuashibuashi. — Maweja-Nangila katshia ki mmunuambile bua kuenza nanku! —

Yeshaya 43:23

Kuena mundambule meme, kuena mungoshile bana ba mikoku to. Unudi banemeke ne milambu yenu, ki mmeme to. Meme tshiena mukubueje mu bupika, bua kukuenzela malu ku bukole, bua wewe kundambula milambu. Tshiena mukutonde pa kukulomba milambu ya manananshi.

Ebrewu 3:9

Mvidi Mukulu udi wamba ne: Bankambua benu kumfunyina, kunteta mu tshipela amu, nansha muvuabu bamane kumona malu onsu amvua muenze bidimu makumi anayi.

Yirmeya 8:2

Nebatangalaje miluba panshi kumpala kua Diba, kua Ngondu ne kumpala kua Tshiluilu tshia mitotu. Bintu ebi ke mvidie ivua bantu aba banange, ke ivuabu batendelela, ke ivuabu balamate, ke ivuabu bakonka malu, bakukuila. Kabena bangula mifuba eyi bua kuyijika to. Neyishale anu panshi bu bufuke bua kufikisha buloba.

Yowanane 6:45

Bambi bavua bafunde ne: “Mvidi Mukulu neabalongeshe bonsu buabu.” Muntu yonsu udi uteleja Tatu, ulonga malu ende, udi ufika kundi.

Bienzedi 13:40

Nanku dimukayi, bua bivua bambi bambe kabinuenzekedi. Bavua bambe ne: