Bienzedi 7:36 - MUKANDA WA MYIDI MUKULU

³⁶ Moshe kupatula bena Izrayele mu Ejipitu, kuenza bishima ne malu a dikema mu ditunga dia bena Ejipitu, mu mayi manene Makunze, ne mu tshipela, bidimu makumi anayi.

Mukanda wa Nzambi Dihungila Dikulukulu ne Dihungila Dihia-dihia 2003

³⁶ Muntu eu wakabalombola, mumane kuenza malu a kukema ne bimanyinu mu Ejipitu, ne mu Mai Makunze, ne mu tshihela bidimu makumi anai.

Bienzedi 7:36 交叉引用

Ekesode 14:21

Butuku abu, Moshe kuolola tshianza pa mayi manene. Butuku bujima Maweja-Nangila kutuma tshipepela tshikole, tshifumina luseke ludi diba dipatukila. Tshipepela atshi kupandulula mayi manene, buloba buma kumueneka.

Ekesode 12:41

Bidimu abi nkama inayi ne makumi asatu bikumbana, dituku dia tshivulukilu, bisamba bionsu bia bena Izrayele kupatuka mu Ejipitu balondangane bimpe mu milongu.

Ekesode 33:1

Pashishe, Maweja-Nangila kuambila Moshe ne: — Umukayi muaba ewu ne bena Izrayele bonsu, bauvua mupatule mu Ejipitu. Ndayi kusomba mu ditunga dimvua mulaye Abrahame, Izake ne Yakobe. Mvua mumane kutshipa bua kubapesha ditunga adi ne ndelanganyi yabu.

Ekesode 16:35

Bena Izrayele kudia mana awu bidimu makumi anayi, too ne ku difika diabu mu ditunga divua bantu base, nanku too ne papitabu ku mikalu ya ditunga dia Kenaane.

Ebrewu 8:9

Kakuikala bu ndondu umvua mutue ne bankambua babu, dituku dimvua mubakuate ku diboku, bua kubapatula mu Ejipitu. Kabavua balame ndondu ewu umvua mutue nabu. Nanku meme kubalengulula. Ke mundi meme Maweja-Nangila njadika nanku.

Bienzedi 13:18

Uvua mubalame bidimu bu makumi anayi mu tshipela.

Bienzedi 7:42

Ke Mvidi Mukulu kubalengulula, kubalekela banemeke mabulunge a mulu. Ke mudibu bafunde mu mukanda wa bambi ne: “Bena Izrayele, bidimu makumi anayi binuvua mu tshipela, nuvua bandambule meme milambu ya nyama, nansha milambu mikuabu anyi?

Misambu 95:10

Bantu ba mu tshikondu atshi kuntonda, bidimu makumi anayi, meme kuela meji ne: Bantu aba mbatomboke, kabena bamanye tshimvua ntekemena kudibu.

Nehemya 9:10

Uvua muenze malu a kukema, bua kunyoka mukalenga wa mu Ejipitu, nebalombodi ba mu bukalenga buende, ne bantu bonsu ba mu ditunga diende. Bualu uvua mumanye muvua bena Ejipitu bakengesha bankambua betu. Ke muuvua mupete lumu lunene. Utshidi nalu ne lelu.

Dielulula 8:4

Bidimu ebi makumi anayi, bilamba bienu kabiena bisunsuke, makasa enu kaena muwule to.

Ekesode 3:20

Nanku neukengeshe bena Ejipitu ne makenga a mishindu yonsu. Pamona mukalenga wabu nanku, neanulekele.

Misambu 95:8

“Kanubengi mua kumvua, bu muakenza bankambua benu ku Meriba, diba dia bualu buvua buenzeka ku Masa mu tshipela.

Yowanane 4:48

Yezu kumuamba ne: — Nuenu, kanuena ne mushindu wa kuitaba panudi kanuyi numona bishima ne malu a kukema.

Ebrewu 3:8

kanupapiji mioyi yenu bu tshikondu tshinuvua bamutombokele, dituku dinuvua bamutete mu tshipela.

Ebrewu 3:9

Mvidi Mukulu udi wamba ne: Bankambua benu kumfunyina, kunteta mu tshipela amu, nansha muvuabu bamane kumona malu onsu amvua muenze bidimu makumi anayi.