Bienzedi 7:32 - MUKANDA WA MYIDI MUKULU

³² “Meme ndi Mvidi Mukulu wa bankambua bebe, Mvidi Mukulu wa Abrahame, wa Izake ne wa Yakobe.” Moshe kuzakala ne bowa. Nanshaye kukimina kubanduluka kabidi.

Mukanda wa Nzambi Dihungila Dikulukulu ne Dihungila Dihia-dihia 2003

³² Ndi bianyi Nzambi wa bankambua bebe, Nzambi wa Abalahama ne wa Isaka ne wa Yakoba. Mose wakazakala, yeye kakadi ne bukitu bua kubumona.

Bienzedi 7:32 交叉引用

Ekesode 3:6

Meme ndi Mvidi Mukulu wa bankambua bebe: wa Abrahame, wa Izake ne wa Yakobe. Moshe kubuikila mpala, bualu uvua utshina bua kutangila Mvidi Mukulu.

Matayi 22:32

“Meme ndi Mvidi Mukulu wa Abrahame, Mvidi Mukulu wa Izake, ne Mvidi Mukulu wa Yakobe.” Nanku Mvidi Mukulu udi Mvidi Mukulu wa bantu badi ne muoyi, ki ngwa bafue to.

Didimanyisha 1:17

Meme mumumone nanku, mvua mupone panshi ku makasa ende bu muntu mufue. Ke yeye kuteka tshianza tshiende tshia balume pambidi panyi, wamba ne: — Kutshinyi to! Meme ndi wa kumpala ne wa ndekelu.

Ebrewu 11:16

Kadi batata bajinga ditunga ditambe buimpe, mbuena kuamba ne: ditunga dia mu diulu. Ke padi Mvidi Mukulu kayi umvua bundu padibu bamubikila ne: mMvidi Mukulu wetu, bualu mmubalongoluele tshimenga.

Bienzedi 3:13

Kabiena nanku to! Mvidi Mukulu wa Abrahame, wa Izake, ne wa Yakobe, Mvidi Mukulu wa bankambua betu, mmuleje patoke butumbi budi muntu wende Yezu nabu. Nuenu kumufila kudi bamfumu, kumubenga kumpala kua Pilate. Kadi Pilate uvua musue kumulekela.

Luke 5:8

Simone Petro umona nanku, kutuaye binu kumpala kua Yezu, wamba ne: — Mfumu, umuka kundi. Ndi muena malu mabi.

Matayi 17:6

Balongi bumvue nanku, kudielabu mpala panshi. Bowa kubakuata bikole.

Misambu 89:7

Maweja-Nangila, kuena ne wa kukuidikija nende mu diulu amu, nansha ku bamvidie bonsu, kakuena mvidie udi bu wewe.

Yobe 4:14

Bowa buvua bunkuate bikole. Bidimba bionsu kunzakala.

1 Bakalenga 19:13

Anu muambi Eliya umvua tshiona atshi, kudibuikilaye tshinkutu tshiende. Kupatukaye mu lubuebue, kuimana mu mbelu. Kumvuaye kabidi diyi dimukonka ne: — Eliya, muaba ewu udi wenza tshinyi?

Ekesode 33:20

Maweja-Nangila kumujadikila ne: — Kuena mua kumona mpala wanyi to, bualu muntu kena mua kumona mpala wanyi, kushala kabidi ne muoyi to.

Ekesode 4:5

Maweja-Nangila kuambila Moshe ne: — Enza tshishima etshi bua bena Izrayele bitabe, bajadike ne: meme Mvidi Mukulu wa bankambua babu, wa Abrahame, wa Izake ne wa Yakobe, ndi mukumuenekele.

Ekesode 3:15

Pashishe kuambilaye Moshe ne: — Newambile bena Izrayele ne: “Maweja-Nangila Mvidi Mukulu wa bankambua benu, wa Abrahame, wa Izake ne wa Yakobe mmuntume kunudi.” Edi ke dina dianyi dia kashidi dia nuenu ne ndelanganyi yonsu kumbikila.

Genese 50:24

Yozefe kulayangana ne bana abu, ubambila ne: — Meme nkadi mikolu ku tshiina. Kadi Mvidi Mukulu neanuambuluishe. Neanunuishe mu ditunga edi, anufikishe mu ditunga divuaye mulaye Abrahame, Izake ne Yakobe.

Genese 26:24

Butuku abu Maweja-Nangila kumumuenekela, umuambila ne: — Kutshinyi! Ndi Mvidi Mukulu wa tatuebe Abrahame. Ndi nebe. Nenkuele lupemba. Nemvudije ndelanganyi yebe, bualu mvua munange muntu wanyi Abrahame.

Matayi 22:46

Muntu nansha umue kavua mua kuandamuna ku lukonku alu. Kutuadija ku dituku adi, muntu nansha umue kavua ukimina kabidi kumuebeja bualu.

Bienzedi 7:31

Moshe kukatshila bivuaye mumone abi. Kusemenaye pabuipi bua kubibandila. Kumvuaye diyi dia Maweja-Nangila, diamba ne: