Bienzedi 7:25 - MUKANDA WA MYIDI MUKULU

²⁵ Uvua wela meji ne: bana betu bena Izrayele nebumvue ne: Mvidi Mukulu mmunsungule bua kubapikula. Kadi bobu kabavua bitabe nanku to.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Yeye wakelangana meshi ne, Bena kuetu nebajingulule ne, Nzambi udi ubasungila ne tshianza tshianyi; kadi bobo kabakajingulula bualu ebu.

Bienzedi 7:25 交叉引用

Kolose 1:29

Ke mudimu undi ntatshila, nduangana mvita ne bukole budi Kristu umpesha, bualu ke budi buenza mudimu munda muanyi.

2 Korente 6:1

Nenku tuetu badi bakuatshi ba mudimu pamue ne Mvidi Mukulu, tudi tunubela bua dinanga divua Mvidi Mukulu mutuleje dipatule tshipeta.

1 Korente 15:10

Kadi bu muvua Mvidi Mukulu munnange, nkadi bu mundi emu. Dinanga diende divua dikuata mudimu munda muanyi. Ndi mukuate mudimu mupite bapostolu bakuabu bonsu. Uvua ukuata mudimu awu ki mmeme to, kadi Mvidi Mukulu pamue nanyi, bualu uvua munnange.

Rome 15:18

Bualu meme musue kutela bualu kampanda, ndi ngamba amu bivua Kristu muenze kundi, bua kufikisha bantu ba bisamba bikuabu ku ditumikila Mvidi Mukulu. Uvua muenze nanku ku bimvua muambe, ne ku bimvua muenze,

Bienzedi 21:19

Polu kubela muoyi, kubalondela malu onsu menemene, avua Mvidi Mukulu mukumbaje ku mudimu uvuaye muenze munkatshi mua bantu ba bisamba bikuabu.

Bienzedi 15:7

Bamane kuelangana meji mukungulu mule, Petro kujuka, kubambila ne: — Bana betu, nudi bamanye ne: kukadi matuku a bungi, Mvidi Mukulu mmunsungule munkatshi muenu, bua meme kumanyisha bantu ba bisamba bikuabu Lumu lua Disanka, bua balumvue, bitabe Yezu.

Bienzedi 15:4

Bamane kufika mu Yerushalayime, kubakidilabu kudi Tshisumbu tshia bena ditaba, bapostolu ne bakulu. Ke bobu kubalondela bionsu bivua Mvidi Mukulu muenze mu bianza biabu.

Bienzedi 14:27

Bafika ku Antiyokiya, kusangishabu Tshisumbu tshia bena ditaba. Kubalondelabu bionsu bivua Mvidi Mukulu wenza nabu, ne muvuaye munzuluile bantu ba bisamba bikuabu kabidi tshiibi, bua bafike ku ditaba.

Luke 18:34

Kadi bionsu abi balongi kabavua babijungulula to. Kabavua bumvua tshivua Yezu wamba to. Miaku yende eyi ivua mibakolele.

Luke 9:45

Kadi balongi kabavua bajingulula tshi-vuaye muambe to. Bavua babasokoka malu aa bua kabumvu bimpe. Bavua batshina kabidi kukonka Yezu bualu ebu.

Marke 9:32

Kadi balongi kabavua bajingulule tshivuaye wamba nansha. Bavua batshina mua kumukonka bualu ebu.

Misambu 106:7

Pavua batatu betu mu Ejipitu, kabavua bajingulule malu a kukema a Maweja-Nangila, kabavua bavuluke malu ende makane mapite bungi. Kumutombokelabu pabuipi ne mayi manene a Luepu.

2 Bakalenga 5:1

Mukalenga wa bena Siriya, uvua ne mfumu mulombodi wa bena mvita bende, dina diende Namane. Mukalenga wa bena Siriya uvua usanka bua bionsu bivua Namane wenza. Kabidi uvua wenzela Namane bimpe, bualu Maweja-Nangila uvua mupeshe Namane bukole, bua bena Siriya bamone mua kutshimuna baluishi babu. Nanku, Namane ewu, uvua tshilobu tshia mvita tshia kalanda-musenga, kadi uvua ne disama dia nsudi.

1 Samuele 19:5

Uvua mua kufua mu mvita iwaye uluangana ne Ngoliyate muena Peleshete. Dituku adi, Maweja-Nangila kuambuluisha bena Izrayele, kutshimunabu bena Peleshete bikole. Wewe uvua mumone bionsu abi, wewe kusanka bikole. Kadi mpindiewu, udi musue kupia tshibawu, kumatshisha mashi a muntu udi kayi ne bualu panshi bua tshinyi? Udi ukeba kushipa Davide kayi ne tshidiye muenze bua tshinyi?

1 Samuele 14:45

Kadi bena mvita kuambila Shawule ne: — Yonatane udi mupeteshe bena Izrayele ditshimuna mu mvita eyi minene, neafue bua tshinyi? Kabiena mua kuenzeka to. Bu mudi Maweja-Nangila ne muoyi, katuena tuitabe nansha bua lusuki lua Yonatane lumate panshi to. Bualu bionsu bidiye muenze lelu ebi, mmuenze ne diambuluisha dia Mvidi Mukulu. Nanku, bena mvita kusungidila Yonatane bua kafu to.

1 Korente 3:9

Bualu tudi tukuatshila Mvidi Mukulu mudimu amu umue, kabidi nuenu nudi budimi bua Mvidi Mukulu. Tudi mua kuamba kabidi ne: nudi nzubu wa Mvidi Mukulu.

Ekesode 2:12

Moshe kuimana, kukenzakana nseke yonsu. Kena mumone muntu mukuabu to. Nanku kushipaye muena Ejipitu, kumujibikila mu lusenga.

Bienzedi 7:24

Dimue dituku kumonaye muena Ejipitu ukengesha muena Izrayele. Kusungidilaye uvuabu bakengeshe. Bua kumusombuela, kushipaye muena Ejipitu.

Bienzedi 7:26

Butshia, Moshe kusangana bena Izrayele babidi baluangana. Kukebaye mua kubasunga, ubabela ne: “Bana betu, nudi bena muntu. Nudi nukengeshangana bua tshinyi?”

Balombodi 15:12

Bantu abu kuandamuna Shimeshone ne: — Tudi bafike muaba ewu bua kukusuika mionji, kukufila kudi bena Peleshete. Shimeshone kubambila ne: — Nuditshipe bua kanunshipi nuenu to.