Bienzedi 7:23 - MUKANDA WA MYIDI MUKULU

²³ Moshe ukumbaja bidimu makumi anayi, kujingaye kumonangana ne bana babu bena Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

²³ Hakadiye bidimu bu makumi anai, bualu buakalua mu mutshima wandi bua kuyeye kutangila bana babo, bana ba Isalele.

Bienzedi 7:23 交叉引用

Nsumuinu 21:1

Muoyi wa mukalenga udi bu musulu wa mayi udi Maweja-Nangila utuma kuonsu kudiye musue.

Didimanyisha 17:17

Bualu Mvidi Mukulu mmubapeshe meji a kukumbaja bidiye musue. Nebumvuangane, bapeshe nyama bukalenga buabu, too ne pakumbana miaku ivua Mvidi Mukulu muambe.

Yakobe 1:17

Mapa malenga onsu ne bintu bimpe bionsu bidi bituluka mu diulu, mbifuma kudi Mvidi Mukulu, Mufuki wa miendu ya mulu. Mvidi Mukulu kena ushintuluka; munda muende kamuena miidima; butoke buende kabuena bukepa.

Ezela 7:27

Ezra kuamba ne: “Tuele Maweja-Nangila Mvidi Mukulu wa bankambua betu tuasakidila. Uvua mupeshe mukalenga munene dijinga dia kunemeka nzubu wa Mvidi Mukulu wa mu Yerushalayime.

Bienzedi 15:36

Kupita matuku, Polu kuambila Barnabase ne: — Tubange luendu, tumonangane ne bena ditaba, mu bimenga bionsu bituvua bamanyishe muaku wa Mfumu, bua tumone mudibu.

Ezela 1:5

Bamfumu ba meku a bena Yuda, ne a bena Binyamine, batuangaji, bena Levi, ne bantu bonsu bavua Maweja-Nangila Mvidi Mukulu mupeshe lungenyi lua kuya kuibakulula nzubu wende mu Yerushalayime, kudilongololabu bua kuya.

Ezela 1:1

Tshidimu tshia kumpala tshia Bukalenga bua Koreshe, mukalenga munene wa bena Persa, Maweja-Nangila kukumbaja miaku yende ivua muambi Yirmeya muambe. Maweja-Nangila kupesha Koreshe meji a kuelesha diyi mu bukalenga buende bujima, kabidi a kufundisha miaku eyi ne:

2 Kulondolola 30:12

Mu bukalenga bua Yuda, Maweja-Nangila kuambuluisha bantu, bua bitabe bonsu ne muoyi umue mua kukumbaja bionsu bivua mukalenga Izkiya ne bakulu babambile mu dina dia Maweja-Nangila.

Ekesode 35:29

Bena Izrayele bonsu balume ne bakaji ba muoyi muimpe, kulambulabu bintu bia kuenza nabi mudimu uvua Maweja-Nangila muambile Moshe.

Ekesode 35:21

Bantu ba muoyi muimpe kufila milambu yabu kudi Maweja-Nangila bua kuasa ntenta wa kusambakena, bua midimu ya kutendelela, ne bua kutela bilamba bia tshijila.

Ekesode 4:18

Moshe kuya kudi tatuende muenu Yetro, kumuambila ne: — Ndi ne bua kuya kumonangana ne bana betu badi bashala mu Ejipitu bua kujadika ne: batshidi ne muoyi. Tatuende muenu kuitaba ne: — Waya bimpe.

2 Korente 8:16

Tudi tuela Mvidi Mukulu tuasakidila, bualu uvua mupeshe Tite disuminyina bualu buenu ditudi tuetu kabidi nadi!

Ekesode 7:7

Pavua Moshe ne Arone baya kuyukila ne mukalenga wa bena Ejipitu, Moshe uvua ne bidimu makumi muanda mukulu, Arone ne bidimu makumi muanda mukulu ne bisatu.

Bienzedi 7:24

Dimue dituku kumonaye muena Ejipitu ukengesha muena Izrayele. Kusungidilaye uvuabu bakengeshe. Bua kumusombuela, kushipaye muena Ejipitu.