Bienzedi 6:11 - MUKANDA WA MYIDI MUKULU

¹¹ Kubuejilabu bantu, bua bamusonguele ne: “Tudi bamumvue usendeka Moshe, ne Mvidi Mukulu mene!”

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Bakabueshela bantu bakuabo, bobo bakamba ne, Tuakunvua muntu eu uhenda Mose ne Nzambi.

Bienzedi 6:11 交叉引用

1 Timote 1:13

nansha mumvua mumujane kale, mumukengeshe, mumupende. Kadi Mvidi Mukulu kumfuila luse, bualu tshivua ne ditaba, tshivua mumanye tshimvua ngenza.

Rome 3:8

Nanku diba adi katuena mua kuamba ne: “Tuenze malu mabi, bua bubi butupeteshe malu mimpe” anyi? Bualu bamue bantu bua kunjana, badi bansonguela, bamba ne: Polu udi ulongesha malu a nanku. Bantu aba Mvidi Mukulu neabanyoke dinyoka dibakumbanyina!

Bienzedi 25:7

Polu ufika, bena Yuda bavua bafuma mu Yerushalayime kumuela munkatshi. Bavua bamufunda ne malu mabi a bungi, avuabu kabayi mua kujadika.

Bienzedi 25:3

“Anyisha, utupingajile Polu mu Yerushalayime.” Bualu bakavua bamuelele tshitungu, bua kumushipela mu njila.

Bienzedi 21:28

bela mbila ne: — Bena Izrayele, tuambuluishayi! Monayi muntu udi ulongesha bantu bonsu miaba yonsu, bua bapepeje tshisamba tshia Izrayele, mikenji ya Moshe, ne nzubu wa Mvidi Mukulu ewu. Lelu mmubueje bantu ba bisamba bikuabu mu nzubu ewu! mMupishe muaba ewu wa tshijila mukiya!

Bienzedi 18:6

Kadi bena Yuda bavua bamuluisha, bamupenda. Nanku Polu kubanyukuila bilamba biende, ubamba ne: — Panuikala bajimine, nuambe ne: tudi badijimije nkayetu. Meme tshiena ne bualu. Bituadija ku lelu, nenye kudi bantu ba bisamba bikuabu.

Bienzedi 15:21

Bualu kuonsu kuaka, bantu badi balongesha mikenji ya Moshe mu tshimenga tshionsu; kabidi badi babala mikenji eyi mu nzubu ya kutendelela matuku onsu a Dikisha.

Bienzedi 6:13

Kubilabu kabidi bantu bavua bamushiminyina malu, bamba ne: — Muntu ewu udi amu usendeka nzubu wetu wa tshijila, ne mikenji ya Moshe!

Yowanane 16:3

Nebanuenze nanku, bualu kabavua bamanye Tatu, nansha meme.

Yowanane 9:29

Tudi bamanye ne: Mvidi Mukulu uvua muakule ne Moshe. Kadi muntu ewu, katuena nansha bamanye kudiye mufume!

Yowanane 1:17

Mvidi Mukulu uvua mutuelele mikenji idi Moshe mutumanyishe. Kadi dinanga ne bulelela mbifika kudi Yezu Kristu.

Bienzedi 26:11

Misangu mivule mu nzubu ya kutendelela, mvua mbakumisha, mbakolela bua bayile ditaba diabu. Bu mumvua ne lonji lupite, meme kuya too ne ku bimenga bia mu matunga makuabu bua kubakengesha.

Lewitiki 24:16

Muntu yonsu udi usendeka dina dia Maweja-Nangila, bamushipe. Bena Izrayele bonsu bamuase mabue, bamushipe, nansha yeye muenyi, nansha yeye muena Izrayele, bualu mmuse-ndeke Mvidi Mukulu.

Ekesode 23:1

“Kanuikadi ne biakulakula, kanubuelakanyi ne bena buenzayi bua kubajadikila bualu bua dishima.

Yirmeya 26:11

Ke batuangaji ne bambi kuambila balombodi aba ne bantu bavua muaba awu ne: — Muntu ewu, mbimpe bamushipe, bualu uvua muambe tshimenga tshia Yerushalayime bibi. Nuenu mene nuvua badiumvuile.

Yirmeya 37:13

Uvua mupitshile ku tshiibi tshia Binyamine. Kupetanganaye ne mfumu wa balami ba bena mvita, dina diende Iriya, muana wa Shelemiya, ne muikulu wa Ananiya. Iriya kuimanyika muambi Yirmeya, kumuambila ne: — Udi uya kudi bena Babilone bua kubambuluisha anyi?

Bienzedi 6:10

Kadi kabavua ne bukole bua kumutuisha. Bualu Stefane uvua wakula ne meji, avuaye mupete kudi Mueyelu wa Tshijila.

Bienzedi 6:12

Ke pavuabu basonsola bakulu, ne balongeshi ba mikenji, ne bantu bakuabu. Kuyabu kudi Stefane, kumukuata, kuya nende ku Tshipangu tshikulu.