Bienzedi 6:10 - MUKANDA WA MYIDI MUKULU

¹⁰ Kadi kabavua ne bukole bua kumutuisha. Bualu Stefane uvua wakula ne meji, avuaye mupete kudi Mueyelu wa Tshijila.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Kabakamanya mua kuhita lungenyi luandi ne Nyuma wakadi umuakuisha.

Bienzedi 6:10 交叉引用

Luke 21:15

Meme nennupeshe miaku ne meji bidi nansha umue wa ku bena lukuna benu kayi mua kutontolola, nansha kubenga.

1 Korente 2:4

Bimvua muambe, bimvua munulongeshe, kabivua binutuila bualu mvua ngakula ne miaku ya lubombu, nansha ne meji matue a bantu; kadi amu bualu bukole bua Mueyelu wa Mvidi Mukulu buvua budileja munda muanyi.

Yowanane 7:46

Basolayi kuandamuna ne: — Katshia muntu kena muanji kuakula bu muntu ewu!

Yobe 32:8

Kadi amu Mueyelu udi ufuma kudi Mvidi Mukulu wa bukole buonsu, utulukila muntu, ke udi umupesha lungenyi.

Ekesode 4:12

Nanku, kuajiki! Ndaku. Nenkuambuluishe bua wakule bimpe. Nenkumanyishe malu a wewe kubambila.

Luke 1:17

Neadianjile kumpala kua Mvidi Mukulu. Neikale ne lungenyi, kabidi ne bukole, bivua muambi Eliya nabi. Neatuangaje batatu ne bana. Neapingaje bantomboji mu njila wa bantu bakane. Nealongoluele Maweja-Nangila bantu badi bamuindila.

Bienzedi 7:51

Nuenu bantu ba mutu mukole, ba muoyi mupape, kanuena nuitaba ku lubila lua Mvidi Mukulu! Nudi amu nutombokela Mueyelu wa Tshijila! Muvua bankambua benu benza, ke munudi nuenza amu!

Yezekiyele 3:27

Kadi, pandi musue kukuambila bualu bua kumanyisha bantu, nenganyishe bua wewe kuakula tshiakabidi. Nanku neubamanyishe ne: “Telejayi bidi Maweja-Nangila Mvidi Mukulu wamba.” Bamue bantu nebateleje, banga nebabenge mua kuteleja, bualu mbantu ba tshitunu.

Yobe 32:18

Ndi ne miaku ya bungi munda muanyi indi ne bua kuamba. Meji anyi mavule adi ansaka bua kuakula.

Bienzedi 5:39

Kadi pikalabi bifuma bulelela kudi Mvidi Mukulu, kanuakubibutula nansha. Dimukayi: pamue apa nudi nuluisha Mvidi Mukulu! Bena Tshipangu bonsu kuanyisha lungenyi lua Ngamaliyele alu.

Mika 3:8

Kadi meme ndi ne bukole bua bungi. Maweja-Nangila mmunguwuje ne Mueyelu wende. Ndi ndongesha bantu ne muoyi mukole, mbambila bidibu ne bua kuenza. Ndi mbela bena Izrayele, ndelanganyi ya Yakobe, bua balekele kutombokela Maweja-Nangila, bakumbaje tshidiye musue.

Yirmeya 15:20

Wewe muenze bindi ngamba, kabakukuenzela bibi to. Nebakuluishe, kadi kabakukutshimuna to. Bualu nenkuenze bu tshimana tshienza ne tshiamu tshitoke, tshidibu kabayi mua kunyungisha. Bualu ndi nebe, bua kukusungidila, kukupandisha. Ke mundi ngamba meme Maweja-Nangila.

Yeshaya 54:17

Tshia mvita tshionsu tshidibu bafula, bua kukuenzela natshi bibi, katshiakukuenzela bualu to. Padi muntu musue kukufunda kudi bandumbulula, wewe neumupishishe. Ke tshindi ngenzela bena mudimu banyi bonsu. Ndi mbalama, mbambuluisha bua batshimune baluishi babu. Meme Maweja-Nangila, ndi ngamba nanku.”

Bienzedi 6:9

Bantu bakuabu ba mu nzubu wa kutendelela wa bena Yuda, uvuabu binyika ne: “Ngwa Bapikula,” kudiwula Stefane. Bantu abu bavua bena Yuda ba mu musoku wa Sirene, ne ba mu tshimenga tshia Aleksandriya, kabidi ba mu buloba bua Silisiya ne Aziya. Kuelanganabu mpata ne Stefane.

Bienzedi 6:11

Kubuejilabu bantu, bua bamusonguele ne: “Tudi bamumvue usendeka Moshe, ne Mvidi Mukulu mene!”