Bienzedi 5:32 - MUKANDA WA MYIDI MUKULU

³² Tuetu ne Mueyelu wa Tshijila, udi Mvidi Mukulu mupe badi bamuitaba, tudi bajadiki ba malu aa.

Mukanda wa Nzambi Dihungila Dikulukulu ne Dihungila Dihia-dihia 2003

³² Tuetu tudi bamanyi ba malu â, ne Nyuma Muimpe kabidi, udi Nzambi muhe badi batumikila mei andi.

Bienzedi 5:32 交叉引用

Bienzedi 1:8

Kadi nenupete bukole, diba dianupuekela Mueyelu wa Tshijila. Nanku nenumone mua kujadika malu anyi mu Yerushalayime, mu ditunga dijima dia Yudeya ne dia Samariya, kabidi too ne ku ndekelu wa buloba.

1 Petro 1:12

Mvidi Mukulu uvua mutanduile bambi abu ne: mukenji unudi ne bua kumanyisha bantu, kanuena nuulongesha bualu buenu to, kadi bua bantu bakuabu. Ke mudi bakobodi ba Lumu lua Disanka banumanyishelu mpindiewu ku bukole bua Mueyelu wa Tshijila udi Mvidi Mukulu mulume. Batumibue ba Mvidi Mukulu mene badi bajinga kumanya mukenji awu.

Bienzedi 13:31

Matuku mavule Yezu kumuenekela bavuaye mufume nabu ku Ngalileya, muye nabu ku Yerushalayime. Bobu abu ke badi bajadikila bena Izrayele mpindiewu malu ende.

Bienzedi 5:29

Petro ne bapostolu kuandamuna ne: — Tudi ne bua kutumikila Mvidi Mukulu kumpala, kadi ki mbantu to!

Bienzedi 15:28

Bualu Mueyelu wa Tshijila, ne tuetu mene, tudi bajadike ne: katuena mua kunuomekela bujitu nansha bumue bupite mikenji inudi ne bua kukumbaja eyi:

Bienzedi 2:4

Bonsu kuwula ne Mueyelu wa Tshijila. Kutuadijabu kuakula miakulu mikuabu, bilondeshile muvua Mueyelu wa Tshijila ubakuisha.

Yowanane 7:39

(Yezu uvua uleja nanku Mueyelu wa Tshijila uvua bantu bavua bamuitaba ne bua kupeta. Bualu diba adi bantu kabavua banji kupeta Mueyelu wa Tshijila to, bualu Yezu kavua muanji kupeta butumbi buende).

2 Korente 13:1

Nkadi pa kufika kuenu aku musangu muisatu bua kumonangana nenu. Mukanda wa tshijila udi wamba ne: “Badi mua kufunda muntu ku tshilumbu, amu padi bantu babidi nansha basatu batshijadika.”

Bienzedi 10:44

Patshivua Petro wakula nanku, Mueyelu wa Tshijila kupuekela bantu bonsu bavua bamuteleja.

Bienzedi 2:32

Yezu undi ntela awu, ke udi Mvidi Mukulu mubishe ku bafue. Tuetu bonsu tudi bajadiki ba bualu ebu.

Rome 8:16

Mueyelu wa Mvidi Mukulu mene udi ujadikila kondu ketu ka munda ne: nudi bana ba Mvidi Mukulu.