Bienzedi 5:19 - MUKANDA WA MYIDI MUKULU

¹⁹ Kadi butuku, mutumibue wa Mfumu kunzulula biibi bia nzubu, kupatula bapostolu, ubambila ne:

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Kadi mu butuku muanjelo wa Mukelenge wakunzulula bibi bia nsubu wa lukanu, wakaluhuka nʼabo, wakabambila ne,

Bienzedi 5:19 交叉引用

Bienzedi 16:26

Diakamue tshikumina tshikole kuenzeka, kunyukisha nzubu wa lukanu too ne ku tshitaku tshiende. Bu mpindiewu, biibi bionsu bia nzubu wa lukanu kunzuluka, nkanu ya bena lukanu bonsu kufuka.

Misambu 34:7

Maweja-Nangila udi uteleja mupela udi umuela mbila, ujikija dikenga diende dionsu.

Bienzedi 27:23

Butuku ebu, mutumibue wa Mvidi Mukulu undi ngitaba, nkuatshila mudimu, mmummuenekele.

Bienzedi 8:26

Mutumibue wa Mvidi Mukulu kuambila Filipe ne: — Pueka kuinshi mu ditunga, ulonde njila wa kale wa mu tshipela, wa kumuka ku Yerushalayime, kufika ne ku Ngaza.

Yeshaya 61:1

Maweja-Nangila Mvidi Mukulu, mmunguwuje ne Mueyelu wende, bualu mmundabe manyi a tshijila, mmutume bua kumanyisha bapele lumu lua disanka, bua kukolesha ku muoyi badi benda batekete mu maboku, bua kuambila bavuabu baye nabu mu matunga a bende ne: nudi mua kuya kuonsu kunudi basue, ne bua kuambila bena lukanu ne: mbamane kunupatula mu lukanu.

Misambu 146:7

Udi ulumbuluila bantu badibu bakengesha, upesha badi ne nzala tshiakudia, usulula badi mu nkanu.

Matayi 1:20

Kadi patshivuaye wela meji awu, mutumibue wa Maweja-Nangila kumumuenekela mu tshiota, umuambila ne: — Yozefe, muana wa Davide, kutshinyi kuangata mukajebe Mariya, bualu difu didiye nadi ndia ku bukole bua Mueyelu wa Tshijila.

Luke 1:11

Ke mutumibue wa Maweja-Nangila kumuenekela Zekarya. Mutumibue uvua muimane ku dia balume dia tshilambuilu tshia musenga wa kamonya.

Danyele 3:28

Ke Nebukadnesare kuela lubila ne: — Mvidi Mukulu wa Shadrake, Meshake ne Abede-Nego atumbe! Udi mutume mutumibue wende bua asungidile bantu bende bavua bamueyemena, babenga kutumikila diyi dianyi dia bukalenga. Bavua basue bua babakengeshe pa mutu pa kutendelela ne kukukuila mvidie mikuabu pa muaba wa Mvidi Mukulu wabu.

Matayi 1:24

Yozefe kubika ku tulu. Kukumbajaye bivua mutumibue wa Maweja-Nangila mumuambile: kuangataye mukajende Mariya.

Matayi 2:13

Bena meji bamane kumuka, ke mutumibue wa Maweja-Nangila kumuenekela Yozefe mu tshilota, umuambila ne: — Juka, angata muana ne mamuende, uye kusokomena nabu mu Ejipitu. Ushalemu too ne pangakuambila bua wewe kupingana. Bualu Erode neakebe muana bua kumushipa.

Matayi 2:19

Erode mumane kufua, mutumibue wa Maweja-Nangila kumuenekela Yozefe mu tshilota mu Ejipitu,

Matayi 28:2

Diakamue buloba kuzakala bikole. Mutumibue wa Maweja-Nangila kutuluka mu diulu, kubunguluja dibue divua ku lukita ku luseke, kusombapu.

Luke 2:9

Mutumibue wa Maweja-Nangila kubamuenekela. Butumbi bua Maweja-Nangila kubela munkatshi ne bukenke bunene. Balami kutshina bikole.

Bienzedi 10:3

Dituku kampanda, ku diba dia isatu wa dilolu, Mvidi Mukulu kumuleja malu. Kumonaye patoke mutumibue wa Mvidi Mukulu, ubuela mu nzubu muende, umubikila ne: — Korneliyuse!

Bienzedi 12:23

Diakamue mutumibue wa Mvidi Mukulu kusamisha Erode, bualu uvua udikebela lumu luvua Mvidi Mukulu ne bua kupeta. Kubuelaye bikusu, kufua.