Bienzedi 4:32 - MUKANDA WA MYIDI MUKULU

³² Bena ditaba bonsu bavua ne muoyi umue, kabidi ne lungenyi lumue. Muntu nansha umue kavua wamba ne: bintu ebi mbianyi meme. Kadi bonsu bavua basangisha bionsu kaba kamue.

Mukanda wa Nzambi Dihungila Dikulukulu ne Dihungila Dihia-dihia 2003

³² Tshisumbu tshia bakadi bitabusha tshiakadi ne mutshima ne musûke umue; kakuakadi muntu umue wakamba ne, Bintu bindi nʼabi mbianyi nkayanyi; kadi bakasangisha bintu bionso hohamue.

Bienzedi 4:32 交叉引用

1 Korente 1:10

Bana hetu, mu dina dia Mfumu wetu Yezu Kristu, ndi nnulomba ne: umvuanganayi. Kanuabulukianganyi nansha. Nuenze tshintu tshimue menemene. Nuikale ne meji amue, kabidi ne muoyi umue.

1 Petro 3:8

Mu tshikosu, bonsu buenu nuikale ne lungenyi lumue, kabidi ne muoyi umue. Nunangangane bu bana ba tatu ne mamu. Nuikale bantu ba muoyi mulenga, badi ne bupuekele munkatshi muabu.

2 Korente 13:11

Mpindiewu, bana hetu, kolayi! Nulonde amu njila mululame. Nukoleshangane ku muoyi. Nuenze tshintu tshimue. Sombayi ne bupole. Nanku Mvidi Mukulu udi utunanga, neatupe bupole buende. Neikale nenu.

Yirmeya 32:39

Nembape muoyi umue, bua bandamate, bua bapete diakalenga, bobu ne ndelanganyi yabu.

Bienzedi 2:1

Dituku dia Pentekostese bena ditaba bonsu bavua basangile muaba umue.

Filipe 1:27

Kadi nuenze amu malu adi umvuangana ne Lumu lua Disanka lua Kristu. Nanku nansha meme mufike bua kunumona, nansha tshiyi mufike, nengumvue munudi bashale bashindame, badisange ne meji amue, nuluangana bonsu ne muoyi umue, bua ditaba didi Lumu lua Disanka lunupetesha.

Bienzedi 1:14

Bonsu bavua muoyi umue, bananukila mu ditendelela, pamue ne bakaji bakuabu, kabidi ne Mariya, mamuende wa Yezu, ne bana babu ne Yezu.

Yowanane 17:11

Tshitshiena kabidi munkatshi mua bantu ba pa buloba. Kadi bobu badi munkatshi muabu. Meme ndi mfika kuudi. Tatu wa Tshijila, ubalame ku bukole bua dina diebe, dina diuvua mumpeshe, bua bikale tshintu tshimue mutudi tuetu, wewe ne meme, tshintu tshimue.

2 Kulondolola 30:12

Mu bukalenga bua Yuda, Maweja-Nangila kuambuluisha bantu, bua bitabe bonsu ne muoyi umue mua kukumbaja bionsu bivua mukalenga Izkiya ne bakulu babambile mu dina dia Maweja-Nangila.

1 Petro 4:11

Muntu udi ulongesha Lumu lua Disanka, amanyishe bantu miaku ya Mvidi Mukulu. Udi wambuluisha bantu, enze mudimu awu ne bukole budi Mvidi Mukulu umupesha. Nanku Mvidi Mukulu neatumbe, mu malu onsu anudi nuenza, kudi Yezu Kristu, udi ne butumbi, kabidi ne bukole tshiendelele! Amene.

Rome 12:5

Momumue kabidi, nansha tuetu bavule, tudi amu tuenza mubidi umue, patudi tudisanga ne Kristu. Tudi tulamakana bonsu pamue bu bidimba bia mubidi umue.

Bienzedi 5:12

Bapostolu bavua benza bishima bia bungi ne malu a dikema munkatshi mua bantu. Bena ditaba bavua basangile pamue mu lutanda lua Shelomu.