Bienzedi 4:13 - MUKANDA WA MYIDI MUKULU

¹³ Bena Tshipangu tshikulu bavua bakema bikole, pavuabu bumvua Petro ne Yowanane badilumbuluila bimpe, bashindika bivuabu bamba. Bualu bavua bamanye ne: bantu aba mbantu bashadile, kabayi balonge mikanda. Bavua bajadike kabidi ne: ke bantu bavua bendakana ne Yezu.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Hakamonabo dikima dia Petelo ne Yone, hakamanyabo ne, Kabena bamanye mikanda, badi bantu hatuhu, bakakema; bakabamanya ne, Mbakadi ne Yesu.

Bienzedi 4:13 交叉引用

1 Korente 1:27

Kadi bua kufuisha bena meji bundu, Mvidi Mukulu mmusungule bidi bantu batangila bu bia bupale. Bua kufuisha badi ne bukole bundu, mmusungule bidi bantu batangila bu bidi kabiyi ne bukole.

Yowanane 7:15

Bena Yuda bavua bakatshila, bamba ne: — Mmunyi mudi muntu ewu mumanye malu bungi nenku, kayi mulonge mikanda.

Matayi 11:25

Tshikondu atshi, Yezu uvua wamba ne: — Eyo, Tatu, Mfumu wa diulu ne buloba, ndi nkutumbisha, bualu udi muambile bantu bashadile malu audi musokoke bena meji ne bantu bavua balonga mikanda.

Matayi 26:73

Kunyima kua katupa, bavua muaba awu, kusemenabu kudi Petro, bamuamba ne: — Bulelela udi umue wa kudibu. Tudi bumvue ku ngakuilu webe kuudi ufuma!

Yowanane 7:49

Kadi bantu abu kabena bamanye mikenji ya Moshe nansha. Mbantu bavuabu bela mulawu!

Luke 22:8

Yezu kutuma Petro ne Yowanane, ubambila ne: — Nuye kutulonguelela didia dia tshibilu tshia Dipita dia Maweja-Nangila.

Matayi 26:71

Pashishe Petro kuya ku tshiibi tshia lupangu. Mukuabu mukaji muena mudimu kumumona, kuambila bantu bavua kaba aku ne: — Muntu ewu uvua ne Yezu wa mu Nazarete.

Yowanane 19:26

Yezu kumona mamuende ne mulongi uvuaye munange uvua pabuipi nende. Kuambilaye mamuende ne: — Mamu, ke muanebe awu.

Bienzedi 4:14

Bu muvua bena Tshipangu bamona kabidi muntu uvua tshibombu, muimane pavuabu, wenda biakane, kupangabu tshia kuamba.

Bienzedi 4:19

Ke Petro ne Yowanane kubandamuna ne: — Tshidi tshimpe ku mesu a Mvidi Mukulu ntshinyi? nKunuitaba nuenu anyi, nkumuitaba Yeye? Nudiambile nuenu nkayenu!

Bienzedi 4:29

Kadi mpindiewu, Mfumu, umvua mudibu batukanyina. Ambuluisha bantu bebe, bua bamanyishe muaku webe ne dikima dionsu.

Bienzedi 4:31

Bamane kutendelela nanku, muaba uvuabu basangile kuzakala bikole. Bonsu kuwula ne Mueyelu wa Tshijila, kumanyisha muaku wa Mvidi Mukulu ne dikima dionsu.

Bienzedi 9:27

Ke Barnabase kumuangata, kumufikisha kudi bapostolu. Kubalondelaye muvua Shawule mumone Mfumu mu njila, kabidi mutua Mfumu muyukile nende. Kubumvuijaye kabidi ne: Shawule mutulongeshe mu Damase ne dikima mu dina dia Yezu.

Bienzedi 9:28

Ke Shawule kutuadija kuendakana ne balongi miaba yonsu mu Yerushalayime, ulongesha ne dikima mu dina dia Mfumu.

1 Korente 14:25

Meji ende masokome neamueneke patoke. Nenku neadiele panshi bua kukukuila Mvidi Mukulu, neambe ne: “Mvidi Mukulu bushuwa udi munkatshi muetu!”

2 Korente 3:12

Tudi tuakula ne dikima dionsu, bualu tudi batekemene bia nanku.