Bienzedi 3:22 - MUKANDA WA MYIDI MUKULU

²² Moshe uvua muambe ne: “Munkatshi mua bana benu, Maweja-Nangila Mvidi Mukulu wenu neanupatuile muambi bu meme. Nenumuteleje, nuitabe bionsu bianuambilaye.

Mukanda wa Nzambi Dihungila Dikulukulu ne Dihungila Dihia-dihia 2003

²² Mose mene wakamba ne, Mukelenge Nzambi neanubishile muprofete wa munkatshi mua bana benu, bu muakambisheye meme; nenutumikile mei andi onso anuambileye.

Bienzedi 3:22 交叉引用

Bienzedi 7:37

Moshe awu kabidi ke uvua muambile bena Izrayele ne: “Mvidi Mukulu neanutumine muambi bu meme, muntu wa mu tshisamba tshienu.”

Ngalate 4:4

Kadi pakafika tshikondu tshivua Mvidi Mukulu mujadike, kutumaye Muanende. Bavua bamulele kudi mukaji. Uvua ne bua kukumbaja kabidi mikenji ya bena Yuda.

Yowanane 1:17

Mvidi Mukulu uvua mutuelele mikenji idi Moshe mutumanyishe. Kadi dinanga ne bulelela mbifika kudi Yezu Kristu.

Ebrewu 5:9

Bamane kumufikisha ku bujima buende, ukadi mpokolu wa lupandu lua tshiendelele bua bantu bonsu badi bamutumikila.

Yowanane 5:24

Ndi nnujadikila ne: muntu udi uteleja bindi ngamba, witaba uvua muntume, udi ne muoyi wa tshiendelele. Kabena bamupisha ku tshilumbu to. Kadi ukadi mumane kumuka ku lufu, mupete muoyi.

Didimanyisha 1:1

Mu mukanda ewu mbafunde muvua Yezu Kristu mudimanyishe. Mvidi Mukulu mmuanyishe bua adileje nanku kudi bantu bende, bua bamanye bidi ne bua kuenzeka amu mpindiewu. Kristu kutuma mutumibue wende, bua abimanyishe Yowanane, muena mudimu wa Kristu.

Rome 9:5

Badi ba ku ndelanganyi ya bankambua. Kristu mu buntu buende udi wa ku tshisamba tshiabu. Yeye Mvidi Mukulu, udi ku mutu kua bionsu, atumbe kashidi. Amene.

Yowanane 12:46

Meme ndi mufike pa buloba bu butoke, bua muntu yonsu udi ungitaba kashadi mu miidima.

Rome 8:3

Mvidi Mukulu mmukumbaje bivua mikenji ya Moshe kayiyi mua kupeta bualu bua butekete bua bantu. Bua kutshimuna bubi buvua ne bumfumu mu bantu, Mvidi Mukulu kutuma Muanende wa menemene, bua angate buntu bufuanangane ne bua benji ba malu mabi, bua amone mua kumushamu bubi.

Yowanane 8:12

Yezu kulongesha kabidi bantu, ubambila ne: — Meme ndi butoke bua badi pa buloba. Muntu udi undonda katshia kena wenda mu miidima, kadi neikale ne butoke bua muoyi.

Luke 24:19

Yezu kubakonka ne: — Malu adi menzekemu mmalu kaayi? Balongi kumuandamuna ne: — Malu avua menzekele Yezu wa mu Nazarete. Uvua muambi wa bukole. Uvua mubuleje ku midimu ivuaye wenza, ne ku miaku ivuaye wakula. Mvidi Mukulu, ne bantu bonsu, kumuanyisha.

Luke 13:33

Kadi ntshidi ne bua kutungunuka ne luendu luanyi lelu, maloba, ne dituku dialonda. Bualu ki mbimpe bua bashipele muambi muaba mukuabu, amu mu Yerushalayime.

Ebrewu 2:1

Ke patudi ne bua kuangata ne mushinga malu malelela atudi bumvue, bua katujiminyi.

Matayi 21:11

Bantu bakuabu bavua bandamuna ne: — Yezu, muambi, muena Nazarete wa mu Ngalileya.