Bienzedi 27:13 - MUKANDA WA MYIDI MUKULU

¹³ Kapepe kavua kafuma kuinshi kua ditunga. Bantu kuela meji ne: tudi mua kukumbaja mutudi tujinga. Nanku kupatulabu longu mu mayi. Bavua bendesha majuwa, balamata menemene ku muelelu wa tshidila tshia Kreta.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Hakaheha luhehele lua ku Sude bitulu bitulu, bakelangana meshi ne, Tuakuheta butudi basue, bakabisha luongo, bakadi bayila ku muelelu wa mai wa Kulete.

Bienzedi 27:13 交叉引用

Luke 12:55

Diba dinudi numvua lupepele lutuuta lufuma kuinshi kua ditunga, nudi nuamba ne: “Munya newikale mukole.” Ke mudibi bienzeka.

Musambu wa Solomo 4:16

Mpepele ya ku mutu ne ya kuinshi, tabalayi, luayi lukasa, tangalajayi dipembu dionsu didi mu lupangu luanyi. Miaba yonsu inunke mupuya muimpe! Munanga wanyi, luaku, buela mu lupangu luanyi, udie bimuma bisheme bidi momu.

Misambu 78:26

Pashishe Mvidi Mukulu kupatula lupepela mu diulu, luseke ludi diba dipatukila, kuenzeja lupepela lua kuinshi kua ditunga bua lupepe bikole.

Yobe 37:17

Wewe, padi lupepele lufuma kuinshi kua ditunga lutuuta, luya ludi lukutonda. Udi ukeba kuvula bilamba.

Bienzedi 2:11

Mudi bena Yuda, ne benyi batshidi bakeba kubuela mu tshisumbu tshia bena Yuda. Mudi bantu ba mu Kreta, kabidi ne Ba Arabe. Kadi bonsu tudi tubumvua balonda mu miakulu yetu mishilangane malu a kukema adi Mvidi Mukulu muenze.

Bienzedi 27:8

Tuetu kuyila ku mielelu ya tshidila ne lutatu lua bungi, kufika pabuipi ne tshimenga tshia Laseya, muaba uvuabu binyika ne: “Tshisabu Tshilenga”.

Bienzedi 27:12

Luseke lukuabu katuvua ne mushindu wa kupitshisha bimpe tshikondu tshia mashika mu tshisabu atshi to. Ke pavua bantu ba bungi bavua mu majuwa bajinga kumuka, bua kufika mu tshisabu tshia Fenikse, bu biobi mua kuenzeka. Tshisabu atshi tshivua mu tshidila tshia Kreta, luseke ludi diba dibuelela luatshi. Tshivua muaba muimpe wa tuetu kupitshisha muvu wa mashika.

Bienzedi 27:21

Bantu bavua mu majuwa, matuku mavule kabavua nansha badia. Nanku Polu kuimana kulu kumpala kuabu, ubambila ne: — Bana betu, nuvua mua kunteleja, tuetu kushala mu Kreta. Nanku bintu bietu kabivua mua kunyanguka, nansha kujimina to.

Tite 1:5

Mvua mukushiye mu tshidila tshia Kreta, bua wewe kulongolola bimvua meme tshiyi mujikije. Nanku mu tshimenga tshionsu uteke bakulu ku mutu kua Tshisumbu tshia bena ditaba. Uvuluke meyi ne mikandu bimvua mukushile.

Tite 1:12

Muena Kreta menemene, umue wa ku bambi babu, uvua wamba ne: “Bena Kreta badi amu bena dishima, nyama ya lonji, bena lulengu, basombela anu bua kudia.”