Bienzedi 26:16 - MUKANDA WA MYIDI MUKULU

¹⁶ Kadi juka, imana kulu. Ndi mukumuenekele, bualu ndi mukusungule bua wikale muena mudimu wanyi. Neujadikile bantu bakuabu muudi mummone lelu. Neubamanyishe kabidi bimbakuleja pashishe.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ kadi bika, wimane, bua bualu ebu nakumuenekela kûdi bua kukusungula bu muenji wa mudimu wanyi ne bu mumanyishi wa malu awakumona ne wa malu anamuenekela kûdi;

Bienzedi 26:16 交叉引用

Danyele 10:11

Muntu awu kungambila ne: ‘Daniyele, wewe udi Mvidi Mukulu unanga, udibambe bua kujingulula miaku indi nkuambila. Imana kulu, bualu mbantume kuudi mpindiewu.’ Ngumvua nanku, meme kuimana kulu, nzakala.

Yezekiyele 2:1

Mvidi Mukulu kungambila ne: — Muntu, juka, ndi musue kukuambila bualu.

1 Timote 1:12

Ndi ngela Mfumu wetu Yezu Kristu tuasakidila, bualu uvua mumpeshe bukole bua meme kumukuatshila mudimu. Ndi muele tuasakidila, bualu uvua mungangate ne mushinga, muanyishe bua meme kumuenzela mudimu,

Ngalate 1:12

Tshivua mulupete kudi muntu. Kabavua bandongeshe lumu elu nansha. Kadi anu Kristu uvua mudileje kundi, ke uvua mulummanyishe.

Rome 15:16

dia meme kuikala muena mudimu wa Yezu Kristu bua bisamba bikuabu. Ndi nkumbaja mudimu wa tshijila wa mutuangaji ewu, pandi ndongesha Lumu lua Disanka lua Mvidi Mukulu, bua Mueyelu wa Tshijila ujidile bantu ba bisamba bikuabu, bikale bu mulambu udi ulengelela Mvidi Mukulu.

Kolose 1:25

Ndi nkuatshila Tshisumbu tshia bena ditaba mudimu, bilondeshile mudimu udi Mvidi Mukulu mungimikile bualu buenu. Uvua mumpeshe mudimu wa kumanyisha Lumu lua Disanka amu mudilu.

Kolose 1:23

Kadi nudi ne bua kunanukila mu ditaba, bashindamemu, kanuyi nutenkakana. Kanujimiji ditekemena dinu-vua bapete, katshia banumanyisha Lumu lua Disanka. Ke Lumu lua Disanka luvuabu balongeshe bantu bonsu, kabidi lundi meme Polu ngenzela mudimu, muvua Mvidi Mukulu musue.

Ngalate 2:2

Mvidi Mukulu mene uvua mundeje mumvua ne bua kuyaku. Patuvua nkayetu mu tshisangilu ne balombodi ba Tshisumbu, mvua mubumvuije Lumu lua Disanka lundi ndongesha bantu ba bisamba bikuabu. Tshivua musue bua mudimu umvua nkuata kale, nansha undi nkuata lelu, wikale wa tshianana.

Bienzedi 23:11

Butuku, Mfumu kumuenekela Polu, umuambila ne: — Kolesha muoyi. Mu Yerushalayime emu, udi muleje bantu muudi ungitaba. Ke muwaya kuenza kabidi ne mu Rome!

2 Timote 4:5

Kadi wewe udilame, umanye bionsu biudi wenza. Wikale ne lutuulu mu dikenga. Ulongeshe bimpe Lumu lua Disanka. Ukumbaje muebe muonsu mudimu uudi wenzela Mvidi Mukulu.

1 Timote 4:6

Paudi ulongesha bana hetu malu aa, newikale muena mudimu muimpe wa Yezu Kristu. Neuleje muudi ukeba tshiakudia tshiebe tshia muoyi, mu miaku ya ditaba, ne mu malongesha malelela avuabu bakulongeshe.

1 Tesalonike 3:2

Tuvua banutumine Timote. Yeye ke muanetu utudi tukuatshila nende Mvidi Mukulu mudimu wa kumanyisha bantu Lumu lua Disanka lua Kristu. Tuvua banutumineye bua anukankamike, anukoleshe ku muoyi mu ditaba dienu.

Kolose 1:7

Epafrase, udi wenzela Kristu mudimu pamue netu, ke uvua munulongeshe bualu abu. Mu mudimu udiye unukuatshila, udi ulamata Kristu ne muoyi umue.

2 Korente 5:18

Bionsu abi Mvidi Mukulu ke udi ubienza. Udi mututuangaje nende kudi Kristu, mutupeshe kabidi mudimu wa kufikisha bantu bakuabu bua badilengeje nende.

2 Korente 4:1

Mvidi Mukulu mmutufuile luse, mutupeshe mudimu ewu. Ke patudi katuyi mua kuteketa mu maboku.

Rome 1:5

Kudiye ke kudi Mvidi Mukulu mumpeshe dipa dia kuikala mupostolu, bua meme kusaka bantu ba bisamba bionsu, bua bitabe Lumu lua Disanka, batumikile Mvidi Mukulu, bua dina dia Yezu dipete lumu.

Bienzedi 22:10

Ke meme kukonka ne: “Mukalenga, ngenze tshinyi?” Ke Mfumu kungandamuna ne: “Juka panshi, uye mu Damase. Momu amu nebakuambile bionsu bidi Mvidi Mukulu mukufundile bua wewe kuenza.”

Bienzedi 21:19

Polu kubela muoyi, kubalondela malu onsu menemene, avua Mvidi Mukulu mukumbaje ku mudimu uvuaye muenze munkatshi mua bantu ba bisamba bikuabu.

Bienzedi 20:24

Kadi kushala ne muoyi kakuena ne mushinga kundi. Tshidi ne mushinga tshidi anu kujikija mudimu wanyi, kukumbaja mudimu uvua Mfumu mungomekele: ke kukobola Lumu lua Disanka lua mudi Mvidi Mukulu mutunange, mutufuile luse.

Bienzedi 6:4

Tuetu netutungunuke ne mudimu wetu wa kutendelela Mvidi Mukulu, ne wa kulongesha muaku wende.

Bienzedi 1:25

Apingane Yudase mu mudimu wa bupostolu. Bualu Yudase mmuushiye, muye ku wende muaba.

Bienzedi 1:17

Yudase uvua wa mu tshisumbu tshietu, ukuata netu mudimu wa mushindu umue.

Luke 1:2

Bavua bamfundile malu anu muvuabu batulondelawu kudi bavua baamone bituadije ku ntuadijilu, kabidi kudi bavuabu bimikile bujitu bua kumanyisha muaku wa Mvidi Mukulu.

Bienzedi 26:15

Ke meme kuebeja ne: “Kadi, mukalenga, wewe udi nganyi?” Kungandamunaye ne: “Ndi Yezu, uudi ukengesha!

Efeze 3:3

Malu masokome andi munufundile mu tshikosu kulu eku, amu Mvidi Mukulu nkayende ke uvua muammanyishe.