Bienzedi 23:11 - MUKANDA WA MYIDI MUKULU

¹¹ Butuku, Mfumu kumuenekela Polu, umuambila ne: — Kolesha muoyi. Mu Yerushalayime emu, udi muleje bantu muudi ungitaba. Ke muwaya kuenza kabidi ne mu Rome!

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Hakila butuku, Mukelenge wakimana ha buihi nʼandi, wakamba ne, Kolesha mutshima webe; bu muwakuamba bualu buanyi mu Yelushalema, nunku bûdi nʼabu mbua kubuamba mu Lomo kabidi.

Bienzedi 23:11 交叉引用

Bienzedi 19:21

Malu onsu aa mamane kupita, Polu kupangadika mua kupitshila mu Masedoniya ne mu Akaya, bua kuya mu Yerushalayime, wamba ne: — Pangafika ku Yerushalayime, nenye kabidi ne ku Rome.

Bienzedi 18:9

Butuku kampanda, Mfumu kuleja Polu malu, umuambila ne: — Kutshinyi. Kadi akula amu kuakula. Kupuwu to.

2 Timote 4:17

Kadi Mfumu uvua pabuipi nanyi. Uvua munkoleshe mu maboku, bua mmone mua kukobola Lumu lua Disanka amu mudilu, kulumvuija bantu bonsu ba bisamba bikuabu. Mvidi Mukulu mmumpandishe mukana mua nyama wa ntambue.

Matayi 14:27

Diakamue Yezu kubambila ne: — Kanutshinyi. Meme! Koleshayi muoyi!

Filipe 1:13

Bualu bantu badi bakuata mudimu mu nzubu wa bukalenga, ne bantu bakuabu bonsu, badi bamanye ne: mbangele mu lukanu, bualu ndi nkuatshila Kristu mudimu.

Yeshaya 41:10

Mpindiewu, lekela kutshina, bualu ndi nebe. Lekela kukenzakana nseke yonsu ne dipampakana, bualu meme ndi Mvidi Mukulu webe. Ndi mufike bua kukukolesha ku muoyi. Ndi mufike bua kukuambuluisha. Ndi nkulama. Udi mu tshianza tshianyi tshia bukole.

Matayi 9:2

Bantu kufika ne muena tuneke muladike pa bulalu. Yezu umona ditaba dia bantu abu, kuambilaye muena tuneke ne: — Muananyi, kolesha muoyi! Mibi yebe mmimane kujimina!

Yeshaya 43:2

Pawapitshila mu mayi, nengikale nebe. Pawasabuka misulu, kuena udiinamu to. Pawikala mupitshile mu kapia, kuena upiamu. Ndimi ya kapia kayena ikosha.

Yeshaya 41:14

Izrayele, tshisamba tshia Yakobe, lekela kutshina. Bakuabu badi bakumona bu kantu kakese, bu kishi kadibu mua kudiata ku makasa. Kadi meme nkayanyi nenkuambuluishe. Meme Maweja-Nangila ndi njadika nanku. Meme Mvidi Mukulu wa tshijila wa bena Izrayele, nenkusungidile.

Bienzedi 22:18

Meme kumona Mfumu, ungamba ne: “Kolesha, patuka lukasa mu Yerushalayime. Bualu benamu kabakuitaba biudi ulongesha bualu buanyi.”

Bienzedi 20:22

Mpindiewu ndi nya mu Yerushalayime, mudi Mueyelu wa Tshijila untuma. Tshiena mumanye bidi mua kungenzekelamu.

Bienzedi 2:25

Ke muvua Davide muambe bualu buende ne: “Mvua mumone Maweja-Nangila diba dionsu kumpala kuanyi, udi pabuipi nanyi bua tshizakadi.

Yowanane 16:33

Mvua munuambile bionsu ebi bua nuikale ne ditalala, badisange nanyi. Nenukenge pa buloba. Kadi nukoleshe muoyi! Nkadi mumane kutshimuna ba pa buloba!

Yowanane 14:18

Tshiena mua kunushiya nkayenu to. Nempingane tshiakabidi kunudi.

Matayi 28:20

Nubalongesha kabidi mua kukumbaja bionsu bimvua munuambile. Manyayi ne: Meme nengikale nenu matuku onsu, too ne ku ndekelu kua bidimu.

Yeshaya 46:10

Ku tshibangidilu tshia bionsu, ndi mudianze kuamba tshindi ngipatshila. Ndi mudianze kuamba amu ku kale, bivua kabiyi bianji kuenzeka. Ndi ngamba ne: Tshindi ngela meji, ndi ntshikumbaja. Tshionsu tshindi musue, ndi ntshienza.

Misambu 109:31

Bualu udi wakuila mupele bua kumusungidila, kudi badi bakeba kumushipa.

Luke 16:28

mudi bana betu ba balume batanu. Aye kubadimuja bua kabafiki pabu muaba wa makenga ewu.”

Bienzedi 22:15

Bualu wewe ke udi ne bua kujadikila bantu bonsu tshiuvua mumone, ne tshiuvua mumvue bualu buende.

1 Korente 9:1

Tshiena mua kuenza mundi musue anyi? Tshiena mupostolu anyi? Tshiona mumone Yezu Mfumu wetu anyi? Nuenu kanuena tshipeta tshia ku mudimu undi mukuatshile Mfumu anyi?