Bienzedi 21:21 - MUKANDA WA MYIDI MUKULU

²¹ Kadi bavua babambile ne: Polu udi ulongesha bena Yuda bonsu, badi basomba munkatshi mua bisamba bikuabu, ne: kanulondi mikenji ya Moshe, kanuteki bana benu panshi, nulekele bibidilu bia bena Yuda.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Bakunvua lumu luebe ne, Wewe udi uyisha Bena Yuda bonso badi munkatshi mua bisamba bia bende bua kulekelabo Mose; udi ubambila ne, Kanutengudi bana benu, kanuenji bilele bia diambedi.

Bienzedi 21:21 交叉引用

Bienzedi 21:28

bela mbila ne: — Bena Izrayele, tuambuluishayi! Monayi muntu udi ulongesha bantu bonsu miaba yonsu, bua bapepeje tshisamba tshia Izrayele, mikenji ya Moshe, ne nzubu wa Mvidi Mukulu ewu. Lelu mmubueje bantu ba bisamba bikuabu mu nzubu ewu! mMupishe muaba ewu wa tshijila mukiya!

Bienzedi 28:17

Kupita matuku asatu, Polu kubikidisha bakulu ba bena Yuda bavua mu Rome. Bamane kusangila, kubambilaye ne: — Bana betu, tshiyi muenzele tshisamba tshietu bualu bubi, tshiyi munyange bibidilu bia bankambua betu, bavua bankuata mu Yerushalayime. Kumfilabu mu bianza bia bena Rome.

Bienzedi 16:3

Ke pavua Polu musue kuya nende. Nanku kuyaye kumuteka panshi, bualu bua bena Yuda bavua mu ditunga adi. Bualu bonsu bavua bamanye muvua tatuende wa Timote muena Ngreke.

Bienzedi 21:22

Kadi netuenze tshinyi? Bualu bena Yuda ba muetu munu nebamanye ne: udi mumane kufika!

1 Tesalonike 2:16

Bualu badi benza muabu muonsu, bua katumanyishi bantu ba bisamba bikuabu mudibu mua kupanda. Ke mudibu buwuje bungi bua malu mabi, avuabu benze mu bikondu bionsu. Kadi mpindiewu tshiji tshia Mvidi Mukulu tshikadi pambidi pabu.