Bienzedi 20:16 - MUKANDA WA MYIDI MUKULU

¹⁶ Bualu Polu uvua musue kupita Efeze, kayi utulamu. Kavua musue kujingakana mu buloba bua Aziya. Uvua uya lukasa, bua kufika mu Yerushalayime dituku dia Pentekostese, bu biobi mua kuenzeka.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Kadi Paulo wakamana kudisunguila bua kuhita Efeso, bua kakasua kulehesha matuku mu Asia; wakadi uya lukasa ne, Binamanya mua kufika ku Yelushalema ha dituku dia Pentekoste.

Bienzedi 20:16 交叉引用

1 Korente 16:8

Kadi ndi muele meji a kushala munu mu Efeze too ne ku dituku dia Pentekostese.

Bienzedi 2:1

Dituku dia Pentekostese bena ditaba bonsu bavua basangile muaba umue.

Bienzedi 19:21

Malu onsu aa mamane kupita, Polu kupangadika mua kupitshila mu Masedoniya ne mu Akaya, bua kuya mu Yerushalayime, wamba ne: — Pangafika ku Yerushalayime, nenye kabidi ne ku Rome.

Bienzedi 24:17

Ndi mumbuke mu Yerushalayime bidimu bivule. Ndi mupinganemu amu mpindiewu, bua kupesha bena tshisamba tshietu makuta a diambuluisha, kabidi bua meme kulambula Mvidi Mukulu milambu.

Bienzedi 21:4

Tuetu kusanganamu bena ditaba, kushala nabu lumingu lujima. Mueyelu wa Tshijila kubasonsola, bua bambile Polu ne: kuyi mu Yerushalayime to.

Bienzedi 20:22

Mpindiewu ndi nya mu Yerushalayime, mudi Mueyelu wa Tshijila untuma. Tshiena mumanye bidi mua kungenzekelamu.

Bienzedi 20:13

Tuetu kudianjila kubuela mu majuwa, kuya ku Ashose. Ke kutuvua ne bua kuangatshila Polu mu majuwa. Uvua mumane kujadika nanku, bualu uvua ujinga kuyila mu njila wa ku makasa.

Bienzedi 20:6

Kunyima kua tshibilu tshia Mampa kaayi mela buanga, tuetu kumuka ne majuwa mu Filipe, kuenda matuku atanu, kusangana bena ditaba netu aba mu Trowase. Tuetu kushalamu lumingu lujima.

Bienzedi 18:19

Kufikabu mu Efeze. Polu kubuela mu nzubu wa kutendelela, kuyukidilangana ne bena Yuda. Bena Yuda kulomba Polu, bua ashale nabu matuku makuabu. Kadi Polu kavua musue to. Uvua ulayangana nabu, wamba ne: — Nempingane kuenu kunu, pikala Mvidi Mukulu musue. Kushiyaye Priskila ne Akuila muaba awu. Kumukaye mu Efeze ne majuwa.

Ekesode 34:22

“Nuenze tshibilu tshia kunowa bintu bia mu madimi, panudi nunowa biakudia bia tshianyi bia mu madimi enu. Nuenze kabidi tshibilu ku ndekelu wa tshidimu, panudi nunowa biakudia bikuabu bia mu madimi enu.

Bienzedi 12:13

Petro ukokola ku tshiibi tshia ku tshibuelelu, Roda, muena mudimu mukaji, kuya ku tshiibi bua kunzulula.

Bienzedi 16:6

Mueyelu wa Tshijila uvua mukandike Polu, ne bavuaye nabu, bua kabalongeshi muaku mu buloba bua Aziya. Ke bobu kupitshila mu buloba bua Frijiya ne bua Ngalate.

Bienzedi 19:1

Patshivua Apolose mu Korente, Polu kupitshila mu matunga a munkatshi mua Aziya mukese, kufika mu Efeze. Kusanganayemu bamue bena ditaba.

Bienzedi 20:4

Bavua bamushindikija kudi Sopatere, muana wa Piruse, wa mu tshimenga tshia Bereya, kabidi ne kudi Aristarke ne Sekunduse ba mu Tesalonike, Ngayuse wa mu Derbe, Tishike ne Trofime ba mu Aziya, kabidi ne kudi Timote.

Bienzedi 20:18

Bakulu bamane kufika, Polu kubambila ne: — Nudi bamanye mumvua musombe matuku onsu atuvua nenu, biangatshile ku dituku dia kumpala dimvua mufike mu buloba bua Aziya.