Bienzedi 2:47 - MUKANDA WA MYIDI MUKULU

⁴⁷ Bavua batumbisha Mvidi Mukulu. Bantu bonsu bavua babanyisha. Dituku dionsu Mfumu uvua usakidila ku tshisumbu tshiabu bantu bavuaye musungile.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁷ bakadi batumbisha Nzambi, bakadi ne diakalengele kudi bantu bonso. Ku dituku ku dituku Mukelenge wakadi usangisha kudibo bakuabo bakadi basungidibua.

Bienzedi 2:47 交叉引用

Bienzedi 16:5

Mu Bisumbu bionsu bantu bavua bakolesha ditaba diabu, bavulangana kabidi ku dituku ku dituku.

1 Korente 1:18

Bualu bantu badi kabayi benda mu njila wa lupandu, badi batangila dilongesha dia bualu bua lufu lua Kristu pa mutshi mutshiamakane, bu dilongesha dia bupale. Kadi bualu buetu tuetu badi benda mu njila awu, dilongesha adi didi bukole bua Mvidi Mukulu.

Bienzedi 2:41

Bantu ba bungi kuitaba miaku ya Petro ayi. Kubatuabu mu mayi. Dituku adi, bantu bu binunu bisatu kubuela mu tshisumbu tshia bena ditaba.

Bienzedi 2:39

Bualu Mvidi Mukulu mmunulaye nuenu ne bana benu, kabidi ne bonsu batshidi kule, bonsu badi Maweja-Nangila Mvidi Mukulu wetu musue kubikila.

Rome 14:18

Muntu udi ukuatshila Kristu mudimu mushindu ewu, udi usankisha Mvidi Mukulu. Bantu kabidi nebamuanyishe.

Bienzedi 11:24

Barnabase uvua muntu muimpe, muwule ne Mueyelu wa Tshijila, kabidi ne ditaba. Ke muvua bantu bavua bitaba Mfumu bavulangana bikole.

Bienzedi 13:48

Bavua kabayi bena Yuda bumvua nanku, kusankabu bikole, bela Mfumu tuasakidila bua muaku wende. Bantu bonsu bavuabu basungula bua kupeta muoyi wa kashidi, kubuelabu mu Tshisumbu tshia bena ditaba.

Rome 9:27

Yeshaya kabidi bualu bua bena Izrayele mmuambe ne: “Nansha bena Izrayele bungi bu lusenga lua ku muelelu wa mayi manene, kadi anu kasumbu ka bantu ba munkatshi muabu nekapande.

Rome 8:30

Bavua Mvidi Mukulu mudianze kusungula, uvua mubabikile kabidi. Bavuaye mubikile, ukavua mumane kubabingisha kabidi ku mesu kuende. Bavuaye mumane kuhingisha, mmubabueje kabidi mu butumbi buende.

Luke 2:52

Yezu uvua utantamana, ukola ne meji. Uvua ulengelela Mvidi Mukulu, ulengelela kabidi ne bantu.

Bienzedi 4:21

Bena Tshipangu kubakanyina tshiakabidi, pashishe kubalekelabu. Kabavua ne mushindu wa kubanyoka, bualu bantu bonsu bavua batumbisha Mvidi Mukulu bua bivua bienzeke.

Bienzedi 4:33

Bapostolu bavua bajadika dibika dia Mfumu Yezu ne bukole bua bungi. Mvidi Mukulu uvua ubambuluisha bonsu bikole, ubela lupemba.

Luke 19:48

Kadi kabavua bamanye tshia kuenza, bualu bantu bonsu bavua pabuipi nende, bamuteleja ne ntema mivule.

Bienzedi 4:4

Kadi bantu ba bungi bavua bumvue dilongesha edi, kuitababu. Bena ditaba bakavua bu binunu bitanu.

Bienzedi 6:1

Matuku makese apita, bu muvua bungi bua balongi buvulangana, bena Yuda bavua bakula tshiena ngreke, kujana bena Yuda ba mu ditunga. Bavua bamba ne: bena ditunga badi balengulula bakamba betu, padibu bababanyina biakudia ku dituku ku dituku.

Bienzedi 6:7

Muaku wa Mvidi Mukulu kutanta bikole. Balongi kuelangana mu Yerushalayime. Batuangaji ba bungi bavua batuadija kuitaba.

Bienzedi 9:31

Diba adi Tshisumbu tshia bena ditaba tshivua ne ditalala mu ditunga dijima dia Yudeya, dia Ngalileya, ne dia Samariya. Tshivua tshienda tshikola. Bu muvua bena ditaba balamata Mfumu, batua batanta ne diambuluisha dia Mueyelu wa Tshijila.

Bienzedi 9:35

Bena mu Lida bonsu, ne bena mu mpata wa Sarone, bamumona wenda bimpe, kuitababu Mfumu.

Bienzedi 11:21

Mfumu uvua ubambuluisha ne bukole buende. Bantu bavule kuitaba Mfumu, kudilengeja.

Bienzedi 14:1

Mu Ikoniyume Polu ne Barnabase kubuela kabidi mu nzubu wa kutendelela wa bena Yuda. Bu muvuabu balongesha bimpe, bena Yuda bavule, ne bantu ba bisamba bikuabu, kubuela mu Tshisumbu tshia bena ditaba.

Bienzedi 14:21

Polu ne Barnabase kulongesha Lumu lua Disanka mu tshimenga tshia Derbe. Kupetabu bena ditaba bavule muaba awu. Pashishe kupitshilabu mu Listra, ne mu Ikoniyume, bua kupingana mu Antiyokiya wa mu Pisidiya.

Bienzedi 17:12

Bantu bavule ba kudibu kuitaba. Bena Ngreke bavule kabidi kuitaba. Munkatshi muabu muvua bakaji baneme ba bungi, kabidi ne bantu balume tshisumbu.