Bienzedi 2:45 - MUKANDA WA MYIDI MUKULU

⁴⁵ Bavua bapana madimi ne bintu biabu, babanyangana bonsu mushinga wabi, bilondeshile dikenga divua muntu yonsu nadi.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁵ bakahana madimi abo ne bintu, bakabiabanyina bantu bonso bu muakadi muntu yonso nʼabi bualu.

Bienzedi 2:45 交叉引用

1 Yone 3:17

Pikala muntu muena biuma mumone muanabu mu dikenga, kadi upapija muoyi wende, mmunyi mudiye mua kuamba ne: ndi munange Mvidi Mukulu?

Bienzedi 4:34

Kamuvua muena dikenga nansha umue munkatshi muabu. Bonsu bavua ne madimi nansha nzubu, bavua babipana, bangata mushinga wabi,

Luke 18:22

Nanku Yezu kumuambila ne: — Bualu bumue butshidi bukushale: pana bionsu biudi nabi, wabanyine bapele makuta. Nanku newikale ne bubanji mu diulu. Pashishe Ulue, undonde meme.

Nsumuinu 19:17

Paudi upesha mupele tshintu, udi utshisombesha Maweja-Nangila. Yeye ke wakufuta mudimu webe wa luse.

2 Korente 9:9

Ke padi Mukanda wa tshijila wamba ne: “Udi upesha bakengi matuku onsu, kayi ubatompuela, ubaleja muoyi wa kalolu kashidi tshiendelele.”

Bienzedi 11:29

Bena ditaba kumvuangana bua muntu yonsu afile tshiende tshidiye natshi, bua kuambuluisha bena ditaba ba mu Yudeya.

Matayi 19:21

Yezu kumuandamuna ne: — Paudi musue kuikala muakane tshishiki, uye kupana bionsu biudi nabi, wambike bapele makuta abi. Nanku newikale ne biuma mu diulu. Pashishe ufike bua kundonda.

Luke 19:8

Kadi Zakayi kujuka, kuambila Mfumu ne: — Mfumu, ndi nkujadikila ne: nempeshe bapele tshia bibidi tshia bintu bianyi. Pangikala mushime muntu, muangate makuta ende, nemmupingajile bungi abu misangu inayi.

Misambu 112:9

Udi upesha bapele bintu tshipapa, Mvidi Mukulu udi umuanyisha matuku onsu. Bukole buende ne butumbi bidi bivulangana.

Luke 16:9

Yezu kuamba kabidi ne: — Meme ndi nnuambila ne: kebayi munudi mua kupeta balunda ne biuma bibi bia panu. Nanku panujika bia panu, balunda aba nebanuakidile mu nzubu ya kashidi.

2 Korente 9:1

Tshiena ne bua kunutumina mukanda bua kunulomba, bua nuambuluishe pamue netu bantu ba Mvidi Mukulu badi mu Yudeya.

Bienzedi 4:35

baufila kudi bapostolu. Pashishe bavua babanyangana lupetu luonsu, bilondeshile dikenga divua muntu yonsu nadi.