Bienzedi 2:43 - MUKANDA WA MYIDI MUKULU

⁴³ Muntu yonsu uvua ne bowa, bualu bapostolu bavua benza bishima ne malu a kukema mavule.

Mukanda wa Nzambi Dihungila Dikulukulu ne Dihungila Dihia-dihia 2003

⁴³ Buowa buakabakuata buonso buabo; bapostolo bakenza malu a kukema a bungi ne bimanyinu.

Bienzedi 2:43 交叉引用

Yowanane 14:12

Ndi nnujadikila bulelela ne: muntu udi ungitaba neenze kabidi midimu indi ngenza. Neenze mikuabu mipite bunene, bualu ndi nya kudi Tatu.

Luke 8:37

Nanku bantu bonsu ba mu buloba bua Ngerasa kulomba Yezu bua umuke muaba awu, bualu bavua ne bowa bua bungi. Ke Yezu kubuela mu buatu, kuya.

Luke 7:16

Bantu bonsu kumvua bowa. Kutumbishabu Mvidi Mukulu, bamba ne: — Muambi munene mmupatuke munkatshi muetu! Mvidi Mukulu mmufike bua kusamba bantu bende!

Marke 16:17

Umvua yi bishima bidibu mua kumanyina bantu badi bitaba mbiebi: nebipate mikishi mibi mu dina dianyi, nebakule miakulu mipiamipia,

Yirmeya 33:9

Nanku, nengikale ne disanka pa kutela dina dia Yerushalayime. Tshimenga etshi nentshikebele lumu ne butumbi kudi bisamba bionsu bia pa buloba. Padi bantu bajingulula malu mimpe amvua muenzele Yerushalayime, nebazakale. Nebakanke pamonabu diakalenga ne disanka bimvua mupeshe bena tshimenga etshi.

Bienzedi 9:40

Petro kupatula bantu bonsu mu nzubu, kutua binu, utendelela Mvidi Mukulu. Pashishe kutangilaye tshitalu, wamba ne: — Tabita, biika! Tabita utabala, kumonaye Petro. Kujukaye pa bulalu, kusomba.

Bienzedi 4:33

Bapostolu bavua bajadika dibika dia Mfumu Yezu ne bukole bua bungi. Mvidi Mukulu uvua ubambuluisha bonsu bikole, ubela lupemba.

Osheya 3:5

Pashishe, bena Izrayele nebapingane kudi Maweja-Nangila. Nebapingane kudi Mvidi Mukulu wabu, ne kudi mukalenga wabu wa ku ndelanganyi ya Davide. Matuku atshidi kumpala, bena Izrayele nebakebe Maweja-Nangila, nebamunemeke, nebatekemene bintu amu kudiye.

Estere 8:17

Ku ditunga dionsu, mu tshimenga tshionsu, ne konsu kuvua mukanda ewu ufika, bena Yuda bavue amu ne disanka. Bavua benzeja didia dinene dia tshibilu. Bantu ba bisamba bikuabu bavua babuela mu tshisumbu tshia bena Yuda, bua bowa buvuabu babakuatshisha kudi bena Yuda.

Bienzedi 9:34

Petro kumuamba ne: — Eneyase, Yezu udi ujikija disama diebe! Juka, udilongoluele bulalu! Eneyase kujuka diakamue.

Bienzedi 2:22

Nuenu bena Izrayele, telejayi tshindi nnuambila: Yezu wa mu Nazarete uvua mufike kunudi mu dina dia Mvidi Mukulu. Mvidi Mukulu kujadika bumfumu buende munkatshi muenu ne bishima bivule, kabidi ne malu a kukema, bivuaye munuenzele kudiye. Bionsu abi, nuenu kabidi nudi babimanye.

Bienzedi 5:5

Ananiyase umvua miaku eyi, kuponaye panshi, kufila. Bowa kukuata bantu bonsu bavua bumvua bualu ebu.