Bienzedi 2:32 - MUKANDA WA MYIDI MUKULU

³² Yezu undi ntela awu, ke udi Mvidi Mukulu mubishe ku bafue. Tuetu bonsu tudi bajadiki ba bualu ebu.

Mukanda wa Nzambi Dihungila Dikulukulu ne Dihungila Dihia-dihia 2003

³² Yesu eu, Nzambi wakamubisha ku lufu, buonso buetu tudi bamanyi ba bualu ebu.

Bienzedi 2:32 交叉引用

Bienzedi 3:15

Nanku nuenu kushipesha mfumu wa muoyi. Kadi Mvidi Mukulu mmumubishe ku lufu. Tuetu tudi bajadiki ba bualu ebu.

Bienzedi 1:8

Kadi nenupete bukole, diba dianupuekela Mueyelu wa Tshijila. Nanku nenumone mua kujadika malu anyi mu Yerushalayime, mu ditunga dijima dia Yudeya ne dia Samariya, kabidi too ne ku ndekelu wa buloba.

Bienzedi 4:33

Bapostolu bavua bajadika dibika dia Mfumu Yezu ne bukole bua bungi. Mvidi Mukulu uvua ubambuluisha bonsu bikole, ubela lupemba.

Bienzedi 2:24

Kadi Mvidi Mukulu mmumubishe ku lufu, mumumbushe ku makenga a lufu, bualu kavua mua kushala ku bumfumu bua lufu.

Yowanane 15:27

Nuenu kabidi nenujadikile bantu malu anyi! Bualu nutua nanyi biangatshile ku tshibangidilu.

Bienzedi 3:26

Mvidi Mukulu mmusungule muntu wende; mmudianze kumutuma kunudi, bua nulekele kulonda njila yenu mibi, nupete diakalenga.

Bienzedi 4:10

Nanku nuenu bonsu badi apa, kabidi ne bena Izrayele bakuabu bonsu, numanye ne: muntu, unudi numona ewu, udi wenda bimpe amu ku bukole bua dina dia Yezu Kristu wa mu Nazarete, unuvua bapopele ku mutshi mutshiamakane. Kadi Mvidi Mukulu mmumubishe ku bafue.

Bienzedi 5:30

Mvidi Mukulu wa bankambua betu mmubishe Yezu, unuvua nuenu bashipeshe, bapopele pa mutshi mutshiamakane.

Bienzedi 13:30

Kadi Mvidi Mukulu kumubisha ku bafue.

Bienzedi 13:33

ke bidiye mutukumbajile tuetu, ndelanganyi yabu, mpindiewu. Bualu mmubishe Yezu ku bafue, amu mudibu bafunde mu musambu muibidi ne: “Wewe ke Muananyi, biangatshile lelu, meme ndi Tatuebe.”

Bienzedi 17:31

Bualu mmufunde dituku didi muntu udiye musungule ne bua kulumbuluisha bantu bonsu, kukosa nsambu yabu pa yoyi. Ke bualu budiye mujadikile bantu bonsu pa kubisha muntu ewu ku bafue!

1 Korente 6:14

Bu muvua Mvidi Mukulu mubishe Mfumu ku lufu, ku bukole buende neambishe ne tuetu kabidi ku muoyi mupiamupia.

1 Korente 15:15

Diba adi tudi tushiminyina Mvidi Mukulu malu, bualu tudi tujadika ne: mutubishe Kristu ku lufu, padiye kayi mumubishe. Bualu kena mua kumubisha, pikala bafue bulelela kabayi mua kubika ku lufu.

2 Korente 4:14

Mvidi Mukulu mmubishe Mfumu Yezu ku lufu. Ke mutudi bamanye ne: neatubishe ku lufu pamue nende. Neaditeke nenu pamue kumpala kua nkuasa wa butumbi.

Ngalate 1:1

Meme Polu, udi unufundila mukanda ewu, ndi mupete mudimu wa bupostolu ki nkudi bantu, nansha ku diambuluisha dia muntu, kadi kudi Yezu Kristu, ne kudi Mvidi Mukulu Tatu, udi umubisha ku lufu.

Efeze 1:20

pavuaye mubishe Kristu ku lufu, mumuzangike mu nkuasa wa bumfumu mu diulu ku dia bukole diende.

Kolose 2:12

Bualu pavuabu banutue mu mayi, bavua banujike pamue ne Kristu. Kadi nuvua babiike kabidi pamue nende. Bualu panuvua bitabe, nuvua badifile kudi Mvidi Mukulu, muena bukole, uvua mubishe Kristu ku bafue.

Ebrewu 13:20

Mvidi Mukulu uvua mubishe ku lufu Mfumu wetu Yezu, udi mulami munene wa mikoku, ku mashi a mulambu wende, adi ajadika ndondu wa tshiendelele.

1 Petro 1:21

Kudi Kristu ke kunudi nuitabila Mvidi Mukulu, uvua mumubishe ku lufu, mumupe butumbi buende. Ke panudi nuitaba Mvidi Mukulu, nutekemena kabidi kudiye.