Bienzedi 19:3 - MUKANDA WA MYIDI MUKULU

³ Ke Polu kubebeja kabidi ne: — Bavua banutua mu mayi mushindu kaayi? Ke bobu kuandamuna ne: — Bavua batutua mu mayi, muvua Yowanane utua bantu amu.

Mukanda wa Nzambi Dihungila Dikulukulu ne Dihungila Dihia-dihia 2003

³ Yeye wakabakonka kabidi ne, Bakanubatiza mu dibatiza kai? Bakamba ne, Mu dibatiza dia Yone.

Bienzedi 19:3 交叉引用

Bienzedi 18:25

Bavua bamulongesha njila wa Mfumu. Uvua ulongesha pende ne disuminyina, umanyisha bantu malu a Yezu bijalame, kayi utupakana. Kadi uvua mumanye amu muvuabu batua bantu mu mayi mushindu uvua Yowanane muenze.

1 Korente 12:13

Buonsu buetu, bena Yuda nansha bantu ba bisamba bikuabu, bapika nansha bantu badi benza malu mudibu basue, bavua batutue mu mayi, bua tuetu kuenza mubidi umue ku bukole bua Mueyelu wa Tshijila. Mbatuwuje kabidi bonsu ne Mueyelu umuepele ewu.

Bienzedi 8:16

Bualu Mueyelu wa Tshijila kauvua muanji kupuekela nansha muntu umue. Kadi bavua babatua amu mu mayi mu dina dia Mfumu Yezu.

Matayi 28:19

Nenku nuye kudi bantu ba bisamba bionsu. Nubenze balongi banyi. Nubatue mu mayi mu dina dia Tatu, dia Muana, ne dia Mueyelu wa Tshijila.

Luke 7:29

Bantu bonsu ne balambuishi ba bitadi mene bavua bateleja Yowanane, bitaba bivua Mvidi Mukulu mubalombe, bavua baya kudi Yowanane bua abatue mu mayi.

Ebrewu 6:2

muvuabu balongeshe mishindu mishilangane ya kutua bantu mu mayi, ne mishindu idibu batenteke bianza, muvuabu banumanyishe dibika dia bafue ne tshilumbuluilu tshia tshiendelele.