Bienzedi 18:6 - MUKANDA WA MYIDI MUKULU

⁶ Kadi bena Yuda bavua bamuluisha, bamupenda. Nanku Polu kubanyukuila bilamba biende, ubamba ne: — Panuikala bajimine, nuambe ne: tudi badijimije nkayetu. Meme tshiena ne bualu. Bituadija ku lelu, nenye kudi bantu ba bisamba bikuabu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Hakamutantamenabo ne hakamuhendabo, yeye wakabanyukuila bilulu, wakabambila ne, Mashi enu ikale ha mitu henu, meme tshiena ne bualu; katataka tô ne tshiendelele nenye kudi bisamba bia bende.

Bienzedi 18:6 交叉引用

Yezekiyele 33:4

Padi muntu mumvue mpungi, ulengulula, baluishi bamukuate, bamushipe, yeye nkayende mmudikebele lufu.

2 Samuele 1:16

Davide kuela muena Amaleke awu lusanzu ne: — Wewe nkayebe udi mudikebele lufu. Udi mumane kudienzela bibi, bualu udi ujadika ne: “Meme ke udi mushipe mukalenga uvua Maweja-Nangila musungule.”

Yezekiyele 18:13

Udi usombeshangana makuta bua kuvudija biuma biende ne kupeta makasa. Muntu wa nanku udi mua kushala ne muoyi anyi? Nansha kakese! Udi muenze malu mabi onsu aa andi mbenga. Nanku neafue. Yeye nkayende mmudikebele lufu luende.

Nehemya 5:13

Pashishe meme kunyukula luzemba lua tshilamba tshianyi, ngamba ne: — Ke mudi Mvidi Mukulu mua kunyukula bonsu badi kabayi bakumbaja malaya abu. Mvidi Mukulu abipate mu nzubu yabu, abanyenge bintu biabu, bashale bianza bitupu. Bantu bonsu bavua bamba ne: — Amene! Bikale amu nanku. Bantu bonsu bavua batumbisha Maweja-Nangila. Matuku onsu bavua bakumbaja biwabu balaye.

Bienzedi 13:51

Polu ne Barnabase kubatutuila lupuishi lua ku makasa, kuya mu Ikoniyume.

1 Petro 4:4

Mpindiewu bantu badi kabayi bamanye Mvidi Mukulu badi bakema, bualu kanuena nubuelakana kabidi nabu mu malu mabi a nanku. Ke padibu banupenda.

Luke 9:5

Kadi muaba wabenga bantu kunuakidila, numuke mu musoku awu, nututule lupuishi lua ku makasa enu, bua lushale kubavuluija tshiyuabu benze.

Matayi 27:25

Bantu bonsu kuandamuna ne: — Bua lufu luende, batunyoke amu tuetu ne bana betu!

1 Petro 4:14

Nudi bena diakalenga, padibu banupenda bualu nudi nulonda Kristu munyima. Bualu Mueyelu wa butumbi, Mueyelu wa Mvidi Mukulu mmunutulukile.

2 Timote 2:25

Udi ne bua kulongesha bantu badi bamuela mpata, kayi ufika munda. Bumue nebapete kudi Mvidi Mukulu mushindu wa kudilengeja, ne wa kumanya bulelela.

Rome 3:29

Tudi mua kuamba ne: Mvidi Mukulu udi amu wa bena Yuda nkayabu anyi? Kena Mvidi Mukulu wa bantu ba bisamba bikuabu kabidi anyi? Bushuwa, udi kabidi Mvidi Mukulu wa bantu ba bisamba bikuabu,

Bienzedi 28:28

Ndi nnuambila ne: Mvidi Mukulu mmutumine bantu ba bisamba bikuabu mukenji wa lupandu, bualu bobu nebauteleje! [

Bienzedi 26:20

Bangabanga meme kulongesha mu Damase ne mu Yerushalayime, pashishe mu ditunga dijima dia Yudeya, ne mu matunga a bantu ba bisamba bikuabu. Mvua mulombe bantu bonsu, bua bandamune ngenzelu yabu, bapingane kudi Mvidi Mukulu, baleje ku malu mimpe adibu benza, mudibu badilengeja.

Bienzedi 26:11

Misangu mivule mu nzubu ya kutendelela, mvua mbakumisha, mbakolela bua bayile ditaba diabu. Bu mumvua ne lonji lupite, meme kuya too ne ku bimenga bia mu matunga makuabu bua kubakengesha.

Matayi 22:10

Bena mudimu abu kuya mu misesu minene, kusangisha bonsu bavuabu basangane, babi ne balenga. Nzubu wa didia dia dibaka kuwula bantu tente.

Matayi 10:14

Mu nzubu yonsu, nansha mu tshimenga, muikalabu babenga kunuakidila, nansha kunuteleja, nupatukemu. Kadi nututule lupuishi lua ku makasa enu.

Luke 22:65

Bavua bamuela kabidi nsenda mikuabu ya bungi.

Matayi 21:43

— Ke Yezu kuamba kabidi ne: ke pandi nnujadikila ne: nebanunyenge Bukalenga bua Mvidi Mukulu, bua kubupesha tshisamba tshidi mua kukuama bimuma bilenga. [

Matayi 8:11

Ndi nnujadikila ne: bantu bavule nebafume luseke ludi diba dipatukila, ne ludidi dibuelela, basombe ne Abrahame, Izake, ne Yakobe mu Bukalenga bua mu diulu.

Lewitiki 20:9

“Muntu yonsu udi utshipa tatuende nansha mamuende, badi ne bua kumushipa. Yeye nkayende ke udi mudikebele lufu, bualu udi utshipa baledi bende.

1 Timote 5:22

Kutenteki muntu bianza lukasalukasa bua kumupesha muanzu mu Tshisumbu tshia bena ditaba. Kubuelakanyi mu mibi idi bantu bakuabu benza. Wewe kabidi kuenji bibi.

1 Bakalenga 2:33

Eyowa, Yowabe ne ndelanganyi yende nebashale bena tshibawu kashidi bua bualu ebu. Kadi mukalenga Davide ne ndelanganyi yende, bena nzubu wende bonsu badi bamupingana mu bukalenga, Maweja-Nangila neabape disanka dia kashidi.

Yezekiyele 33:6

Kadi padi mutentekedi umona tshiluilu tshia baluishi kayi wela mpungi, kayi udimuja bana babu, baluishi bakuate muntu, bamushipe, tshilema ntshia mutentekedi. Meme nengase mutentekedi tshilumbu tshia pa lufu lua muntu awu.

Matayi 21:41

Kumuandamunabu ne: — Kakumvuila bantu babi aba luse to. Neabashipe bonsu. Neashile bantu bakuabu budimi buende, bua bamupeshe pa diba tshiende tshitupa tshia bimuma bidibu banowa.