Bienzedi 18:18 - MUKANDA WA MYIDI MUKULU

¹⁸ Polu kushala kabidi matuku makumbane mu Korente. Pashishe kulayanganaye ne bena ditaba. Yeye, Priskila ne Akuila, kubuela mu majuwa, kuya ku Siriya. Bangabanga ne kubuela mu majuwa mu Kenkreya, Polu uvua mukunguishe mu mutu, bualu uvua muenze dilaya.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Hakamana Paulo kulala matuku makuabo a bungi ku nyima kua bualu ebu, wakalayangana ne bana babo ba ma Kilisto, wakumuka ne Pisikila ne Akula, wakabanga kusabuka ku Sulia, mumane kubeya nsuki yandi ku Kenekelea, bua yeye wakadi muditshihe.

Bienzedi 18:18 交叉引用

Bienzedi 21:24

Ubangate, uye nabu. Wikaleku, padibu badikobolola. Ubafutshile mushinga, bua babeyishe nsuki. Nanku bantu bonsu mbajadike ne: mbakujane patupu, bualu wewe mene udi amu ukumbaja mikenji ya Moshe.

Dibadika 6:18

Diba mene adi, muena nazire neakunguile nsuki mu mushiku wa ntenta wa kusambakena. Nsuki yende ayi, neayele mu kapia, muaba udibu bosha mulambu wa bobumue.

1 Korente 9:20

Pandi nkuata mudimu munkatshi mua bena Yuda, ndi ndienza muena Yuda, bua kubafikisha kudi Kristu. Nansha meme tshiyi ne bua kulama mikenji ya Moshe, pandi nkuata mudimu munkatshi mua bantu badi bayilama, ndi nyilama kabidi, bua kubafikisha kudi Kristu.

Rome 16:1

Ndi nnusengelela bua nuakidile bimpe muanetu wa bakaji Febe, udi ukuatshila Tshisumbu tshia bena ditaba badi mu Kenkreya mudimu.

Bienzedi 18:2

Kusanganaye mu Korente muena Yuda, dina diende Akuila, wa mu buloba bua Pontuse. Utshivua ufumina ku Italiya ne mukajende Priskila. Bualu mukalenga wa bakalenga Klode uvua mutume diyi, bua bena Yuda bonsu bumuke mu Rome. Ke Polu kuya kumonangana ne Akuila ne mukajende.

Ngalate 1:21

Pashishe meme kuya mu buloba bua Siriya ne bua Silisiya.

Bienzedi 15:23

Kubapabu mukanda. Bavua bafundamu ne: “Tuetu bapostolu ne bakulu, bana benu, tudi tunuela muoyi, nuenu bena ditaba badi kabayi bena Yuda, badi basa mu Antiyokiya, mu Siriya, ne mu Silisiya.

Dibadika 6:2

bua amanyishe bena Izrayele ne: — Pikala mulume nansha mukaji ulaya bua kudijidila bu muena nazire, bua kungenzela meme Maweja-Nangila mudimu,

Bienzedi 21:3

Bafika pabuipi ne Shipre, muaba uvua tshidila tshimueneka ku diboku dietu dia bakaji, tuetu kupita kuinshi kuatshi, kuya ku Siriya. Tuetu kutuluka mu majuwa mu Tire, bualu ke muaba uvua majuwa ne bua kushiya bujitu.

Bienzedi 18:26

Kulongeshaye ne dikima mu nzubu wa kutendelela. Pavua Priskila ne Akuila bamumvua ulongesha, kuyabu nende kuabu. Kumumvuijabu malu a njila wa Mvidi Mukulu avuaye kayi muanji kumanya.

Bienzedi 15:41

Polu kupita mu Siriya ne mu Silisiya, wenda ukolesha bantu ku muoyi mu Bisumbu bionsu bia bena ditaba.

Matayi 4:24

Mu ditunga dijima dia Siriya, kutuadijabu kuyukidilangana bualu bua Yezu. Bavua bafika kudiye ne bantu bonsu bavua kabayi bumvue bimpe, bikale ne masama ne ntatu bishilangane. Munkatshi muabu muvua bavuabu bakuate kudi diabolu, bena tshiseke, ne bena tuneke. Yezu uvua ujikija masama abu onsu.

Marke 6:46

Yeye mumane kulayangana nabu, kubandaye ku mukuna bua kutendelela.

Bienzedi 1:15

Matuku makese apita, bena ditaba bamane kusangila bu lukama ne makumi abidi, ke Petro kujuka, kubambila ne:

Bienzedi 18:27

Pashishe Apolose uvua musue kuya mu Akaya. Bena ditaba kumukolesha ku muoyi bua ayemu. Kufundilabu bena ditaba ba mu buloba abu, bua bamuakidile bimpe. Yeye mumane kufika mu Akaya, kuambuluishaye bikole bantu bakavua bamane kuitaba ku luse lua Mvidi Mukulu.

Bienzedi 21:23

Nenku, enza tshitudi tukuambila etshi: tudi apa ne bantu banayi bavua benze dilaya.